Advanced Linux Sound Architecture
 Skjermbilete av ALSA Mixer 1.0.14. | |||
| Utviklar | Jaroslav Kysela et al. | ||
|---|---|---|---|
| Utgjeve | 1998 | ||
| Nyaste versjon | 1.0.24 | ||
| Operativsystem | Linux | ||
| Skriven i | C | ||
| Sjanger | Audioteknologi | ||
| Lisens | GPLv3, GNU Lesser General Public License | ||
| Nettstad | Advanced Linux Sound Architecture (ALSA) project homepage | ||
Advanced Linux Sound Architecture (ALSA) er ein del i Linux-kjernen, der lydkortdrivarar, bufferar, og anna lågnivå infrastruktur for lydhandsaming er plasserte. ALSA kan styra opp til 8 full duplex lydkort og har støtte for automatisk konfigurasjon av lydkort og drivarar. ALSA har svært låg forseinking (nokre få mikrosekund), noko som er viktig i samband med profesjonelt arbeid i lydstudio.
Oppbygging
Ein del av ALSA, som kontrollerer drivarar køyrer i kjernemodus, medan libasound, som ligg på eit høgare nivå, køyrer i brukarmodus.
Biblioteket libasound har eit programmeringsgrensesnitt som brukarprogram, eller miksar/tenarar kommuniserer med. Det blir også nytta av mange små tilleggsprogram, som alsaconf og alsactl, libasnous.
Brukarprogram kan kommunisera direkte med ALSA, men ofte kommuniserer dei med JACK, som er ein miksar/lydtenar plassert mellom eit brukarprogram og ALSA, som køyrer i brukarmodus. JACK er eit separat prosjekt og er ikkje ein del av ALSA, men dei to modulane er godt tilpassa kvarandre.
Hjelpeprogram
- Alsactl
- Alsa Control er eit grensesnitt som vert nytta for avanserte konfigurasjon av lydkort. Alsactl gjer det mulig å lagra/lasta konfigurasjonar for fleire lydkort.
- Alsaconf
- er eit enkelt kommandolinkeskript som har som oppgåve å detektera lydkort og generera konfigurasjonsfiler for ALSA. Skriptet vil freista å oppdaga kva for Linux-distribusjon som er i bruk, for å kunna tilpassa konfigurasjoonsfilene til distribusjonen.
- Alsamixer
- eit tekstmodus (ncurses ) script som kan nyttast for å justera volumkontrollane for dei ulike lydkorta.
- Arecord
- eit kommandolinjeprogram som lagrar lyd frå fleire lydkort til fil. Aplay støttar fleire filformat.
- Aplay
- eit kommandolinjeprogram som spelar av lydfiler.
- Aconnect
- eit program som vart nytta for å oppretta eller avbryta samband mellom to portar for ALSA sekvensarar.