Ardipithecus
Ardipithecus is de Naam vun en Geslecht vun Minschenapen. Düt Geslecht hett leevt vör 5,7 bit 4,4 Millionen Johren in de Tieden vun dat bövere Miozän bit to dat unnere Pliozän. Dor höört en Reeg vun Aarden to:
Ardipithecus ramidus is funnen wurrn in Äthiopien. 1994 is he vun siene Entdeckers toeerst Australopithecus ramidus nömmt wurrn,[1] man al 1995 hett desülvige Forschergrupp em avers unner den ne'en Naam för dat Geslecht as Ardipithecus an de Siet vun den Australopithecus henstellt.[2]
Ardipithecus kadabba is 2001 vun den Minschen, de em funnen hett, toeerst beschreven wurrn as en Unneraard vun Ardipithecus ramidus. Dor harr he den Naam vun Ardipithecus ramidus kadabba bi weg.[3] 2004 is he denn avers as egen Aart an de Siet vun Ardipithecus ramidus henstellt wurrn.[4]Man dat is ok seggt wurrn, dat Ardipithecus, Sahelanthropus un Orrorin to densülvigen Formenkrink tohören doot un amenne - wenn noch annere Fundstücken tokamen sünd- womööglich to en eenzig Geslecht tellt weern könnt.
Belegen
- ↑ Tim White, Gen Suwa, Berhane Asfaw: Australopithecus ramidus, a new species of hominid from Aramis, Ethiopia. Nature 371, S. 306-312, 1994
- ↑ Tim White, Gen Suwa, Berhane Asfaw: Ardipithecus ramidus, a new species of early hominid from Aramis, Ethiopia. Nature 375, S. 88, 1995
- ↑ Yohannes Haile-Selassie: Late Miocene hominids from the Middle Awash, Ethiopia. Nature 412, S. 178-181, 2001
- ↑ Yohannes Haile-Selassie, Gen Suwa, Tim White: Late Miocene Teeth from Middle Awash, Ethopia, and early hominid dental evolution. Science 303, S. 1503-1505, 2004