Library of Congress Control Number
De Library of Congress Control Number (LCCN) is een Identifikater för enen katalogiseerten Datensatz, den de US-amerikaansche Library of Congress (Kongressbökeree) in Washington, D. C. verdeelt. De LCCN, to Anfang „Library of Congress Catalog Card Number“, is dat Datenbank-Kennteken för enen Indraf in de US-amerikaanschen Natschonaalbibliografie mitsamts de Normdaten. Vun 1901 an dat de Library of Congress dat Datenformaat MARC (Machine-Readable Cataloging) inföört het, kunnen de Bökereen in den Verenigten Staten ünner düsse Nummer Katalogkaarten bi de Kongressbökeree bestellen, so dat de Nummern ook faken in dat Impressum bi US-amerikaanschen Böker to finnen sünd.
De Library of Congress bruukt dat Systeem sied 1898. Dat Systeem is unafhängig vun den Inhoold in enen Book un schull nich mit Library of Congress Classification (LCC) verwesselt warrn. Ook de Library of Congress Authorities (LCAuth), de mit de Gemeensamen Normdatei (GND) to verglieken is, stütt sik op de Struktuur vun de LCCN.
Struktuur
In siene Form vundaag givt dat de LCCN sied 2001. Se sett sik uut enen alphabeetschen Präfix mit twee Stellen, dat alleen för Normdaten (Personen un Slagwöör) is, denn ene Jaarstall mit veer Stellen un opletst sess Tallen. Dat de LCCN lichter to lesen is, sünd de letsten söss Tallen faken mit enen Binnstreek vun den anner Tallen afdeelt.
Bispelen:
␣␣␣92022183(92-22183) Knapp: Elliptic curves (Book)␣␣2002024184(2002-024184) Marker: Model theory (Book)n␣␣50036535(n50-36535) Guy Davenport (Persoon)n␣␣94112934(n94-112934) Barack Obama (Persoon)no2008168642(no2008-168642) United States. President (2009-: Obama) (Persoon)sh␣85092242(sh85-92242) Noncommutative rings (Slagwoord)
Dat MARC-Präfix benöömt, wokeen den Datzsatz inricht het. Bi Personen steit „n“ för de Library of Congress, „nb“ för de British Library, „no“ för dat Online Computer Library Center (OCLC), „nr“ för dat Research Libraries Information Network (RLIN) un „ns“ för de Datenbank Sky River.
Bet in dat Jaar 2000 harr de Jaarstall man twee Stellen.
De döörgaan Nummers binnen enen Jaat sett sik uut söss Ziffers tohoop mit Nullen vööran. De Binnstreek twüschen de Jaarstall un de letsten söss Ziffers is freewillig un schull de Library of Congress vundaag beter nich meer in de LCCN staan.
Nettverwiesen
- Structure of the LC Control Number (engelsch)
- Search the catalog of The Library of Congress (engelsch)
- Library of Congress Authorities (engelsch)