Linux
|
Per savenn pussee, varda l'articol Kernel Linux. |
Linux l'è ona fameja de sistema operativ unix-like fada cont el kernel Linux e i tool GNU. Per quest l'è ciamaa anca GNU/Linux.
Al dì d'incoeu gh'è tant sistema Linux, e hinn dividuu in di olter famili.
Storia
L'Inizzi
La prima version del Linux la vegn foeura in de l'ann 1991, el 25 de agost dal Linus Torvalds, per capì el fonzionament del sò noeuv computer Intel 80386. L'era desviluppaa in sul sistema Minix del professor Tanenbaum. [1] In realtàa el nomm original de Linux l'era Freax, ma la persona che 'l dava el spazzi ftp al Torvalds l'ha scernii comé nòmm per la cartella Linux.
La prima version autonoma, ossia che la fonzionava indeperlee senza Minix, la vegn foeura in de l'otober del 1991, e la podea fà partì el gcc e Bash. [1]
Linux is Obsolete
El 29 de genar del 2002 l'Andrew Tanenbaum, inventor de Minix, el scriv in di newsgroup on messagg "Linux l'è vegg". El criticava soratutt el kernel monolitegh del Linux, per lu vegg in confront al microkernel Minix, oltra a la bassa portabilità. L'è vegnuda foeura ona flame war che l'ha faa el gir de l'Internet.
Linux e la Red
In la primavera del 1992 l'hacker Orest Zborowski l'ha faa fonzionà el server X in sul Linux, e donca l'ha avuu de mett tutta la struttura de Red del UNIX in sul Linux. Anca se l'era scrivuu mal e integraa mal in del sistema, el Linus Torvalds l'ha approvaa istess la patch, perchè la metteva on stack di red e l'interfaccia grafega.
La version 1
Incoeu
Incoeu el Linux l'è dopraa tant, in di server, in di sistema Embedded e in di smartphone con l'Android, anca se l'ecosistema de Android mia lavoraa l'è assee different de quell de ona distro classega.
Distribuzion del Linux
I distribuzion Linux hinn tradizionalment dividuu sia per la derivazion sia per el gestor de pacchett.