Linux
|
Per savenn pussee, varda l'articol Kernel Linux. |
Linux l'è ona fameja de sistema operativ unix-like fada cont el kernel Linux e i tool GNU. Per quest l'è ciamaa anca GNU/Linux.
Al dì d'incoeu gh'è tant sistema Linux, e hinn dividuu in di olter famili.
Storia
La prima version del Linux la vegn foeura in de l'ann 1991, el 25 de agost. L'era desviluppaa in sul sistema Minix del professor Tanenbaum. [1]
La prima version autonoma, ossia che la fonzionava indeperlee senza Minix, la vegn foeura in de l'otober del 1991, e la podea fà partì el gcc e Bash. [1]
La Free Software Foundation del Richard Stallman la jutta el progett cont di librerii e cont el dà i danè a di distro, 'me la Debian. Incoeu, asquas tucc i OS basaa in sul kernel Linux, a dopren GNU (hinn ciamaa GNU/Linux). Tra l'alter la FSF la jutta anca a desviluppà di distro domà di software liber. [1]
Incoeu el Linux l'è dopraa tant, in di server, in di sistema Embedded e in di smartphone con l'Android, anca se l'ecosistema de Android mia lavoraa l'è assee different de quell de ona distro classega.
Distribuzion del Linux
I distribuzion Linux hinn tradizionalment dividuu sia per la derivazion sia per el gestor de pacchett.