Rudolf Moroder
Rudolf Moroder Lenèrt (* 26 de jenè 1877 a Urtijëi ; † 22 de dezëmber 1914 a Radłów, Galizia) ie stat n scultëur ladin per ert sacra te Gherdëina y a Offenburg (Baden).
Rudolf Moroder fova n mut de Franz Moroder y Marianna Moroder sor de Josef Moroder Jumbiërch. Do che l fova stat lerner de Anton Runggaldier (Tone da Passua) a Urtijëi, ie Rudolf jit sciche fant tla berstot de Franz Tavella. Da saudé iel stat cun i Kaiserjäger a Viena ulache l a pedú ji do a si nteresc tl ert. Do l 1903, uni tant, y dal 1912 al 1914 iel stat ala direzion dl gran atelier (ex Franz Joseph Simmler) che la firma Fredesc Moroder ova a Offenburg. Rudolf à maridà Josefine Leimstädter de Maran y à abù trëi mutans/ons Rudolf, Siegfried y Annemarie. Tl 1914 ie Rudolf encé sta tla viëra tla Galizia da ulache l à mandà na cherta ai 9 de agost 1914 cun si cumpanies saudëies (Kaiserjäger) firmeda da Wilhelm Moroder da Jumbiërch, da si fra Pepi, da Ferdinand Stuflesser y da si fra Johann Moroder de Lenert . Chisc doi ultimi ie puech do tumëi [1]. Rudolf Moroder ie sta mazá dai rusc cun baionet ai 22 de dezëmber 1914 adum cun autri saudëies austriacs tla Galizia y ie suplì a Radłów.
Un de si sculëies fova Vigil Pescosta.
-
Model de gips per San Antone -
Model de gips per n angiul -
Statua de San Piere de Rudolf Moroder 1907, tla Dlieja de San Durich, Urtijëi
Notes
Bibliografia
- CM (Christian Moroder): N lecord dl scultëur Rudolf Moroder de Lenert 80 ani do si mort. Calënder de Gherdëina 1994, Union di Ladins de Gherdëina, Urtijëi 1993, pl. 16–38.
- Edgar Moroder: Die Moroder. Ein altladinisches Geschlecht aus Gröden-Dolomiten. Vom 14. bis zum 20. Jahrhundert. Ursprung – Geschichte – Biographien – Anhang. Beitrag zur tirolischen Familienforschung. Urtijëi 1980, p. 246–249 Liber Moroder (tudësch).
- Adele Moroder de Lenert: N memoria de Rudolf Moroder de Lenert do 50 ani che 'l ie tumà tla gran viëra mondiela 1914. Calënder de Gherdëina 1965, Union di Ladins de Gherdëina, Urtijëi 1964, pl. 29–31.
- Cirillo Dell’Antonio: Artisti ladini 1580–1939. Cristiano Trebinger, Melchiore Vinazer, Domenico Moling, Valentino Rovisi, Domenico Mahlknecht, G. Battista Pettena, Ferdinando Demetz, G. Battista Chiocchetti, Francesco Tavella, G. Moroder-Lusenberg, Giuseppe Iellico, Rodolfo Moroder. Ed. della Scuola D'Arte, Trento 1951 (talian).
- E. Egg: Moroder(-Lenert) Rudolf. Österreichisches Biographisches Lexikon 1815–1950 (ÖBL). Band 6, Verlag der Österreichischen Akademie der Wissenschaften, Wien 1975, ISBN 3-7001-0128-7, pl. 377 (tudësch).
- Elfriede Perathoner Bergmeister: Grödner Krippenschnitzkunst. Folio Verlag Wien/Bozen 2004, ISBN 3 85256 279 1. Pl. 65-69 (tudësch).
- Werner Scheurer: Die Moroder-Altäre der St. Antonius-Kirche in Schuttertal. In: Geroldsecker Land 51, 2009, pl. 31–38 (tudësch).
- Annette Wagner-Wilke: Moroder-Lenèrt, Rudolf. Allgemeines Künstlerlexikon. Die Bildenden Künstler aller Zeiten und Völker (AKL). Band 90, de Gruyter, Berlin 2016, ISBN 978-3-11-023256-1, pl. 524 (tudësch).