Utente:Moroder/Media II

Articul per Ladin Gherdëina

Linacia ie n luech de Plan, l luech plu a urient de Gherdëina a 1740 m. danter la crestes de Pralonch, l ruf de Frea, l bosch de Marisana y Piz Culac. L ann 1443 vën Linacia numinà "bonum Libinaz" y te n documënt dl 1601 “Hof Lifinatsch”. Nchin l ann 1819 ratun che i patrons de Linacia fova la familia Ploner. N chël ann se ova Adam Lartschneider maridà ite cun Caterina Ploner da Linacia.

L nepot Johann Batista Lartschneider ova giatà n gran premi dal DÖAV (la lia da mont tudëscia) per avëi dat quatier y salvà truepa persones che jiva d'inviern sun frea manacian de murì cun la gran neveres. Sa Linacia iel unì abinà n cheder cun n scrit per gherdëina dl 1891 ulache l univa scrit dla uneranza dl DÖAV Ajache l mut nen ova nteres per l luech à Batista Lardschneider vendù 1 luech da Linacia a Engl Perathoner da Costa y se n ie jit a sté ja Crestan. Un di descendënc Tubia Perathoner laurova pra la ferata de Gherdëina y perchël ovel messù mudé sota i fascisc' si inuem de familia Perathoner cun Paratoni coche se tlama mo sën si descendënc.

Sa Linacia ie nasciù l preve Heinrich Perathoner, che à dit mëssa nevela tl ann 1968 y ie stat pluan de valguna pluanies via i badioc.

Bibliografia

• Anneliese Paratoni: Pitla storia dl luech da Linacia. Calënder de Gherdëina 2001, pl. 116-119.