Utente:Moroder/Media II
| Articul per Ladin Gherdëina | 
|
L'Ustaria Ianesc dita nce Traube o Uva ie bonamënter la plu vedla ustaria de Gherdëina.
Ai 19 de auril 1679 ie stata fata na plura (Pilthawer-Streit) da pert de na grupa de vedli móstri scultëures d’ert, danter chisc i vedli scultëures Trebinger y Melchior Vinazer, tl vieres de n valgun scultëures jëuni y prinzipianc che ova autri mestieres. I seniëures dla suneria de Gudon fova unic tla ustaria Ianesc a Urtijëi. I giudesc de Gudon ne l'à nia lasceda vënta ai vedli scultëures ajache i se ova nia metù adum te na lia de artejanat[1][2].
Matie Ploner se ova maridà - sciche nce ël nstës scrij - ai 7 de juni dl 1796 tla dlieja de San Antone. Da testemone ti ova fat Anton Proder deberiëda cun l ost de Ianesc Franz Welponer. Loma de Matie Ploner fova Dominica Welponer da Dëur, segur na parënta de Maria Ursula Welponer che ova maridà Peter Schmalzl y fova deventei patrons dla cësa Ianesc[3].
L Tarneller scrisc l ann 1924: Jánesch "Wirtsbehausung beim Janisch", 1757 Welponer Jänisch-Wirth. 1662 Perosa od. zum Janisch. 1486 Paul Parler zu Perosa in St. Ulrich. 1455 Acker Pedrosa in S. Ulrich. Perosa pudëssa vester la parola tudësca per Bruscia coche vën nce tlameda la Plaza San Antone[4].
Notes
- ↑ Toni Sotriffer: “De tei che sturpieia l lëur y l spaza via a bon-marcià”. Calënder de Gherdëina 2016, pl. 134-139.
- ↑ Franz Moroder: Das Grödner Tal ed. 1914, pl. 66
- ↑ Toni Sotriffer: Matie Ploner. Calënder de Gherdëina 2001, pl. 52
- ↑ Josef Tarneller: Eisacktaler Höfenamen. Nueva edizion de Edmund Dellago, Tappeiner 1984 pl. 185. ISBN 88 7073 027 1 (tudësch).
Bibliografia
- Georg Demetz: La ustaria ja Ianesc. Calënder de Gherdëina 2002, pl. 124-126.
- Edgar Moroder: La Plaza Sant Antone y ntëurvia zacan. Calënder de Gherdëina 2006, pl. 107.
- Ustaria Ianesc. Calënder de Gherdëina 2010, pl. 27 y 34.