Utente:Moroder/media
| Articul per Ladin Gherdëina | 
|
Dolomitale
Dolomitale ie n festival de chino che vën tenì te Gherdëina dal 2018. Uni an vën dat n pest per i miëures films prejentei[1].
L pest de masra mpurtanza Luis Trenker ie dedicà al pionier dl film nasciù te Gherdëina.
L pest per n film curt vën dat uni an per films ulache fesc pea artistc de film dl Südtirol y i films tla rusneda ladina vën sanben plù cunsciderei per n pest.
Per chël che reverda l contenut vëniel premià films o documentars tëuc su n pert o per ntier tla Elpes.
Storia
2018 • Short Film Competition: Zuflucht de Daniel Andrew Wunderer
2019[2] • Short Film Award: Peng de Martin Thaler • Documentary Award: Immer und Ewig de Fanny Bräuning
2020 • Short Film Award: Der kleine Cowboy de Lisa Maria Kerschbaumer • Documentary Award: Davos de Daniel Hoesl
2021 • Short Film Award: Fulgidusen de Alexander Feichter • Luis Trenker Award: Kühe auf dem Dach de Aldo Gugolz
Chino d'instà
La organisazion dl festival mët a ji uni an d'instà filmes ala lergia. L chino open-air plu al auta ie stat sun Col Raiser a 2100 m.
Curiosum
Tl dinstà dl 2020, per gauja dla pandemia Covid19, nen iel nia stà mesun de mustré films, perchël ie stat mustrà uni ena, tl park dai auti de Setil a Urtijëi, n film per jënt senteda tl auto.
Per l priesc Luis Trenker vëniel reservà uni an n post tla giuria a n zipladëur.
Notes
- ↑ Sofia Stuflesser: L Filmfestival “Dolomitale” porta l mond dl film te Gherdëina. Calënder de Gherdëina 2019 pl. 64-67.
- ↑ Sofia Stuflesser, Claudia Urthaler: Cronica 2019. Calënder de Gherdëina 2020, pl. 300.