Armin Moroder
| Articul per Ladin Gherdëina | 
|
Armin Moroder (* 25 de dezëmber 1966 Urtijëi ; † 30 de juni 2021 a Bulsan) ie stat n jurnalist de Urtijëi.
Biografia
Armin Moroder fova l' mut de Anna Moroder da Bruel y de Bruno Moroder, che adum cun Alex Moroder ova metù su tl 1955 l cumite Radio Ladin. Armin a scumenciá si lëur sciche conditer, ma bele tl 1981 iel, coche ulenter cun 15 ani, deventà redatëur de Radio Gherdëina, tulan su la arpejon de jurnalist da si pere. [1]. Armin dijova:"Per mi pere í for abù n gran respet, per la persona ma nce per l lëur che l à fat, da ulache muev mi pascion per l jurnalism. Cun la trasmiscion Plattenkiste, n'ëura de mujiga, à Armin scumencià. De juebia sëira iel pona jit inant cun la trasmiscionLa dediches per vo y truepa d'autres fin che l ie deventà diretëur de Radio Gherdëina Dolomites ulache l ie stat per 32 ani.
Tl an 2013 ie Armin deventà jurnalist de Rai Ladinia l radio y televijion ladina dla RAI.
Per truep ani ala longia à Armin Moroder scrit sula Usc di Ladins la rubrica Nutizies dal Aiut Alpin Dolomites
Ai 4 de dezëmber dl 1996 ie Armin stat lità rapresentant ladin dl Cumité provinziel per i servijes dl radio y televijion dla Provinzia de Bulsan.
Armin Moroder ie mort do na malatia dl fuià al età de 55 ani tl spedel de Bulsan.
Publicazions
- Armin Moroder: Uneranza a Raffael Kostner per si meric sciche judacrëp. Calënder de Gherdëina 2000, pl. 211.
- Armin Moroder: Giaurida dla streda y dl tunel de zircunvalazion de Pruca. Calënder de Gherdëina 2004, pl. 206.
Notes
- ↑ Egon Vinatzer: 10 ani Radio Gherdëina. Calënder de Gherdëina 1989 pl. 122.
Bibliografia
- Anna Mazzel: 30 egn RAI Televijion Ladina. Calënder de Gherdëina 2019, pl. 236.
- David Lardschneider: Armin Moroder:n lecort La Usc di Ladins N. 26, 9 de messel 2021, pl. 9.