Armin Moroder

Articul per Ladin Gherdëina

Armin Moroder (* 25 de dezëmber 1966 Urtijëi ; † 30 de juni 2021 a Bulsan) ie stat n jurnalist de Urtijëi.

Biografia

Armin Moroder fova l' mut de Anna Moroder da Bruel y de Bruno Moroder, che adum cun Alex Moroder ova metù su tl 1955 l cumite Radio Ladin. Armin a scumenciá si lëur sciche conditer ma bele tl 1981 iel coche ulenter cun 15 ani deventà redatëur de Radio Gherdëina tulan su la arpejon de jurnalis da si pere ulache l ie stat per 32 ani y per truepes ani diretëur. Armin dijova:"Per mi pere í for abù n gran respet, per la persona ma nce per l lëur che l à fat, da ulache muev mi pascion per l jurnalism. Tl an 2013 ie Armin deventà jurnalist de Rai Ladinia la Televijion ladina dla RAI. Ai 4 de dezëmber dl 1996 ie Armin stat lità rapresentant ladin dl Cumité provinziel per i servisc dl radio y televijion dla Provinzia de Bulsan. Armin Moroder ie mort do na malatia dl fuià al età de 55 ani tl spedel de Bulsan.

Publicazions

• Armin Moroder: Uneranza a Raffael Kostner per si meric sciche judacrëp. Calënder de Gherdëina 2000, pl. 211.
• Armin Moroder: Giaurida dla streda y dl tunel de zircunvalazion de Pruca. Calënder de Gherdëina 2004, pl. 206.

Bibliografia

• Anna Mazzel: 30 egn RAI Televijion Ladina. Calënder de Gherdëina 2019, pl. 236.
• David Lardschneider: Armin Moroder:n lecort La Usc di Ladins N. 26, 9 de messel 2021, pl. 9.

Weblinks

L liever y l igl - Da audì nce la usc de Armin Moroder