Bruno Moroder

Articul per Ladin Gherdëina

Bruno Moroder (* 14 de fauré di 1921 a Urtijëi Südtirol; † 20 de agost 1982 a Urtijëi) .

Vita

Bruno Moroder, dit ënghe Bruno Moroder Cunfolia o Bruno de Fefa, si loma fova Fefa Runggaldier da Passua, si pere Rico Moroder da Jumbiërch, l fra Friedrich Moroder, digan de Gherdëina, si sor Gisela Moroder, cunesciuda maestra. Ël à maridà Anna Moroder de Bruel y à abú cater fions Esther, Bruna, Ludwig y Armin.

Cun Hans Sanoner, Batista Vinatzer, Flavio Pancheri, Norbert Mussner, Heinrich Moroder-Doss y Alex Moroder al metù n pé la sezion Gherdëina dl Alpenverein Südtirol-Club Alpino Italiano.

Foto dla fundazion dla lia da mont CAI-AVS a Urtijëi ai 28 de setëmber 1954. Da man ciancia sentei: Batista Vinatzer, Flavio Pancheri, Hans Sanoner. Mpé: Norbert Mussner, Alex Moroder, Heinrich Moroder-Doss y Bruno Moroder.

Adum cun Alex Moroder al metù a ji l Radio Ladin de Gherdëina.

Adum cun Alex Moroder te stua sa Rusina ulache ie nasciú 'l Comité Radio Ladin de Gherdëina.

L Cumité Radio Ladin cun bera Bruno presidënt à teni, ai 7.8.1960 a Urtijëi, 1 prim festival de cianties ladines adum cun l ENAL de Bulsan l Aziènda de Cura y l Chemun de Urti­jëi.

Bruno Moroder ie stat encë presidënt dla Union di Ladins de Gherdëina dal 1969 al 1970 y presidënt dla Union Generela di Ladins dla Dolomites dal 1970 ai 30 de setëmber dl 1973.

Bruno Moroder ie stat dal 1972 mpò per 5 ani redatëur respunsabl dla piata La Usc di Ladins. Per truepes ani ie Bruno Moroder stat nseniant de ladin tla Scola Mesana de Urtijëi.

Calënder de Gherdëina

Bruno Moroder à scrit chisc articuli per l Calënder de Gherdëina.

• Sport sula nëif. Calënder de Gherdëina 1953. p. 61.
• Gran festa dia jënt ladina dla Dolomites. Calënder de Gherdëina 1961. p. 60.
• Festes de cianties ladines 1961. Calënder de Gherdëina 1962 p. 40.
• I Catores de Gherdëina 1965. Calënder de Gherdëina 1966 p. 107.
• L sport te Gherdëina. Calënder de Gherdëina 1967 p. 56.
• I campiunac dl mond 1973 te Gherdëina. Calënder de Gherdëina 1968 p. 28.
• I mondiei te Gherdëina. Calënder de Gherdëina 1969 p. 94.
• Campionac dl mond 1970 te Gherdëina. Calënder de Gherdëina 1970 p. 28.
• I campionac mondiei de schi te Gherdëina. Calënder de Gherdëina 1971 p. 22.
• Cronica 1972. Calënder de Gherdëina 1974 p. 118.
• Copa dl mond 1975 te Gherdëina. Calënder de Gherdëina 1976 p. 56.

Funtanes

• Chiocchetti Nadia: Nosta Jent. Persones y personalités dla Ladinia. Union Generela di Ladins dles Dolomites. pl. 98-99. ISBN 88-901703-4-4.