Ludwig Moroder

L scultëur Ludwig Moroder cun 20 ani

Ludwig Moroder, ënghe cunesciù sciche Ludwig Moroder-Lenert, Ludwig Moroder dl Meune o Lodovico Moroder , (* 7. nuvëmber 1879 a Urtijëi ; † 10. August 1953 a Urtijëi ) ie stat n scultëur de Gherdëina.

Vita

Moroder ie stat sculé de Franz Haider, Josef Moroder-Lusenberg y Franz Tavella. Aldò iel stat for tla berstots dla firma Gebrüder Moroder tla cësa Lenert a Urtijei y sciche diretëur artistic tl atelier di Gebrüder Moroder a Offenburg (Baden) (che fova n iëde dla firma Franz Joseph Simmler). Tl Baden a la firma Moroder criá truepes auteresc te duta la dliejes de chël lond dan la prima gran viëra.

Tl 1911 a Ludwig maridà Adele Moroder de Lenert, muta de Franz Moroders, y sor de Rudolf Moroder. Cun Adele al abù cin mutons Alexander 1913 (mort cun 3 ani) , Maria 1914, Carlo 1917, Pauli 1919 y Alex 1923. Doi de si mutons, Carlo y Pauli, fova ënghe scultëures.