Utente:Moroder/media
| Articul per Ladin Gherdëina | 
|
Cuca
Cuca ie n jëuf, n ëur, na furcela sun Mastlé danter i chemuns de Urtijëi y Santa Cristina y danter la montes de Pic y Secëda.
Cuca ie suënz numineda tla cianties y poejies de Gherdëina sciche na bela mont che n vëiga da dlonch[1]. Sun Cuca ruova na vedla streda dala Locia dl Pëne su passan per la Ëutes de Cuca y per l Gran Punton dala pert de Urtijëi. Dala pert de Santa Cristina rua la Streda de Ianesc y Pertëut y la Streda de Cuca. Sota Cuca ie da udëi a urient l Lech Sant. A nord va la Mont de Mastlé inant cun l Col da la Marënda y la Rives de Curona. Cuca Dessëura ie n medel cun pra da mont che da n valgun ani ie na utia da dé ora tlameda Curona[2]. A sud de Cuca ie la Cansla dla Ciarità y Pic. Sota Cuca dl viëres de Urtijëi nasc dai Crëps da Salim l Ruf da Salim che tres la Val de Cuca y la Val da Ravison ruva tl Ruf de Sciadules sota Nudrëi[3].
Troies
Sun Cuca ruva i troies N.2 dal Pëne su, N.6a, Troi di Tuei, da Plan da Roles via, N. 20 da Sëura Sas, N. 6 da Pic ju. Tres Cuca passa da n valgun ani l purtoi dai schi La Longia.
Sun Cuca ruva n schilift, metù a jì l ann 1967 y che ie sën desmetù[4].
Cianties, poejies y cuntedes
- T.P. (Ujep Antone Perathoner): La val de Gherdëina Calënder de Gherdëina 2013 pl. 45 La Val de Gherdëina sun Wikisource.
- Leo Runggaldier La cajarina de Cuca. Stories y Cianties per chëi de Gherdëina 1921.
- Zenz Demetz da Fëur: La Mosules de Cuca -
- Sofia Stuflesser: La ciantia “Gherdëina Gherdëina” de Leo Runggaldier da Furdenan. Calënder de Gherdëina 2019, pl. 113-116.
-
Didascalia1 -
Didascalia2
Chertes topografiches
- Josef Kostner, Gilo Prugger: Planta danter i ruves de Cuecenes y Ncisles. Calënder de Gherdëina 1967, pl. 93.
- Chemun de Santa Cristina - cherta topografica y cherta ortofoto cun i toponims ladins. Istitut Ladin Micurá de Rü 2005, ISBN 88 8171 064 1.
- Chertes ortofoto cun i toponims ladins. Chemun de Urtijëi. Sureghes, Runcadic, Bula, Mont Sëuc. Istitut Ladin Micurá de Rü 2017, ISBN 978-88-8171-126-0.
Notes
- ↑ Calënder de Gherdëina
- ↑ Ines Hofer: Utia Curona sun Cuca de Sëura, dit nce sal Ventura. Calënder de Gherdëina 2006, pl. 56.
- ↑ Babi Pitschieler: L ruf da Salìm. Calënder de Gherdëina 1983, pl. 137
- ↑ Jolanda Senoner: 125 ani de turism a Urtijëi, 1885-2010. Calënder de Gherdëina 2011, pl. 119.