Als Nofolger vun de Ranger-Moundsonden gouf d'Surveyor-Programm opgebaut. Zil war d'Anübung vu mëlle Landungen op der Mounduewerfläch, e ganz wichtegen Aspekt bei der Virbereedung vun der bemannte Moundlandung. Geneesou gouf d'Méiglechkeet, Kurskorrektiounen duerchzeféieren, an d'Uewerfläch vum Mound ë.a. mat Schëppe ënnersicht, fir d'Déckt vun der méiglecher Stëbsschicht bestëmmen ze kënnen. D'Landeplaze goufen no méigleche Apollo-Landeplazen, awer och no geologeschen Aspekter ausgewielt. Fir d'Opprallkraafte bei der Landung moossen ze kënnen, goufen Deenmoosssträifen agesat, ouni virdrun ze wëssen, wéi sech de Vakuum op d'Miessresultat auswierke géif. De Programm hat 580 Milliounen US-Dollar kascht.
D'Surveyor-Sonden goufe vun der Hughes Aircraft Company gebaut a mat der Atlas-Centaur-Rakéite vun Launch Complex 36 op der Cape Canaveral gestart. Si hunn jee ongeféier 1.000 kg gewien a ware mat Héichleeschtungskameraen an etlechen Detekteren an Instrumenter ausgerëscht.
Verlaf
Tëscht Dezember 1964 an Oktober 1966 goufen am Ganzen fënnef Testflich mat Sonden-Attrappen gemaach. Dës Flich waren fir Tester mat der Atlas-Centaur-Drorakéit an dem Fluchprofil fir den Aschoss an eng Transferbunn zum Mound.
De Surveyor 1 war den 30. Mee1966 gestart a war dräi Deeg méi spéit am Oceanus Procellarum gelant. D'Sond hat bis de 14. Juli1966 geschafft. Am Ganzen ronn sechs Wochen op der Mounduewerfläch an hat 11.200 Biller iwwerdroen. De Surveyor 1 war déi éischt mëll Landung vun enger US-amerikanescher Sond um Mound. Allerdéngs war d'UdSSR méi séier wéi d'Amerikaner a war schonns mat der Luna 9 den 3. Februar1966 mëll um Mound gelant.
De Surveyor 2 war den 20. September1966 gestart, konnt awer zwee Deeg méi spéit net mëll landen, a war hart beim Krater Gambart C an der Géigend vum Kopernikus opgeschloen a gouf dobäi zerstéiert.
D'Raumsond Surveyor 3 bei den Ënnersich duerch d'Astronaute vun der Apollo-12-MissiounSurveyor 3 war de 17. Abrëll1967 gestart. Dräi Deeg méi spéit war d'Sond erfollegräich am Oceanus Procellarum gelant a blouf bis de 4. Mee1967 aktiv. Si hat 6.300 Biller iwwermëttelt a hat e Buerexperiment duerchgefouert. Während der Moundlandung vun Apollo 12 am November 1969 gouf d'Surveyor 3 als Ufluchzil ausgewielt. Deeler vun der Sond, besonnesch hir Kamera, goufen vun den Astronaute Charles Conrad an Alan Bean demontéiert uan zréck op d'Äerd bruecht. Bei uschléissenden Ënnersich vun den Deeler konnt de MikrobiologFrederick Mitchell feststellen, datt an der Isoléierung vun der Kamera gedréchent Bakterien (Streptococcus mitus) mat op de Mound gereest waren. Et gëtt ugeholl, datt si vun engem erkaltene Monteur hannerlooss goufen. D'Bakterie konnten am Brutschaf nees keimen a gëllen als Hiwäis fir méiglech Iwwerliewensfäegkeet am Weltraum. D'Kamera steet haut am National Air and Space Museum.
De Surveyor 4 war de 14. Juli1967 gestart, awer d'Sond hat keng mëll Landung a war dräi Deeg méi spéit am Sinus Medii haart opgeschloen.
Den Surveyor 6 war de 7. November1967 gestart, a war dräi Deeg méi spéit am Sinus Medii gelant. Hei hat si bis de 14. Dezember1967 geschafft. D'Sond hat 15.000 Biller a vill Daten iwwermëttelt. De 17. November1967 gouf d'Dreifwierk vun der Sond op e neist gestart an d'Sond hat dann 2,5 m ewech erneit opgesat.
De Surveyor-Programm war ganz erfollegräich mat fënnef Moundlandungen (Erfollegquot: 71 %). D'Sonden haten de Moundbuedem analyséiert, haten d'Uewerfläch fotograféiert an haten domat déi bemannte Moundlandunge preparéiert.
Am Mäerz 2010 hat d'Moundsond Lunar Reconnaissance Orbiter ë.a. Fotoe vu Surveyor 5 iwwermëttelt. [1]
