Jump to content

សាលាក្ដីខ្មែរក្រហម

ពីវិគីភីឌា

សាលាក្ដីខ្មែរក្រហម គឺជាតុលា​ការ​ថ្នាក់ជាតិថ្មីពិសេស​មួយ ដែលត្រូវ​បាន​បង្កើត​ឡើង​ដោយកិច្ចព្រមព្រៀងគ្នារវាងភាគី រាជ​រដ្ឋា​ភិបាលកម្ពុជា និងអង្គការសហប្រជាជាតិ ។ តុលាការ​នេះ​មាន​ឈ្មោះ​ថា "អង្គជំនុំជម្រះវិសាមញ្ញក្នុងតុលាការកម្ពុជា" ហើយនិងមានគោលដៅ​កាត់ទោសអ្នកដឹកនាំជាន់ខ្ពស់ នៅក្នុង​របប​កម្ពុជា​ប្រជា​ធិបតេយ្យ។

ប្រទេសកម្ពុជាបានឆ្លងកាត់នូវរបបខ្មែរក្រហមដែលបានឡើងកាន់អំណាចចាប់ពីថ្ងៃទី ១៧ មេសា ឆ្នាំ ១៩៧៥ រហូតដល់ថ្ងៃទី ០៦ មេសា ឆ្នាំ ១៩៧៩។ នៅក្នុងរបបខ្មែរក្រហមនេះ ដែលនៅសម័យនោះមានឈ្មោះថា “របបកម្ពុជាប្រជាធិបតេយ្យ” មានប្រជាជនជាង ៣ លាននាក់ ដែលបានបាត់បង់ជីវិត។ បន្ទាប់ពីរបបនេះបានដួលរលំផុតទៅ ប្រទេសកម្ពុជាក៏បានជួបប្រទះនូវសង្គ្រាមស៊ីវិលជាបន្តទៅទៀត ហើយសង្រ្គាមស៊ីវិលនេះទៀតសោតត្រូវបានបញ្ចប់ទៅតែនៅឆ្នាំ ១៩៩៨ ប៉ុណ្ណោះ គឺនៅបន្ទាប់ពីរចនាសម្ព័ន្ធនយោបាយ និងយោធារបស់ខ្មែរក្រហមត្រូវបានកំទេចចោល។

នៅឆ្នាំ ១៩៩៧ រាជរដ្ឋាភិបាលកម្ពុជាបានសំណូមពរអោយអង្គការសហប្រជាជាតិជួយឧបត្ថម្ភបង្កើតសាលាជម្រះក្ដី ដើម្បីកាត់ទោសមេដឹកនាំជាន់ខ្ពស់ខ្មែរក្រហម។

តុលាការមួយក៏បានចាប់បដិសន្ធិឡើង បន្ទាប់ពីរដ្ឋសភាជាតិកម្ពុជាបានអនុម័តច្បាប់នៅឆ្នាំ ២០០១។ តុលាការនេះមានឈ្មោះថា “អង្គជំនុំជម្រះវិសាមញ្ញក្នុងតុលាការកម្ពុជា”។ វាត្រូវបានបង្កើតឡើង ដើម្បីកាត់សេចក្ដីឧក្រិដ្ឋកម្មដែលបានប្រព្រឹត្ដឡើងក្នុងរបបកម្ពុជាប្រជាធិបតេយ្យ។

រាជរដ្ឋាភិបាលកម្ពុជាបានស្នើសុំឲ្យតុលាការនេះដំណើរការកាត់ក្តីរបស់ខ្លួន នៅប្រទេសកម្ពុជា និងប្រើប្រាស់មន្ដ្រី និងចៅក្រមកម្ពុជា ដើម្បីជាប្រយោជន៍ដល់ប្រជាជនកម្ពុជា។ ទន្ទឹមគ្នានេះផងដែរ ដោយសារកម្ពុជាយល់ឃើញថាខ្លួននៅមានភាពទន់ខ្សោយនៅឡើយខាងផ្នែកតុលាការ និងចរិត លក្ខណៈអន្ដរជាតិនៃឧក្រិដ្ឋកម្ម ហើយដើម្បីធានាឲ្យមានយុត្ដិធម៌ជាលក្ខណៈស្ដង់ដារអន្ដរជាតិ កម្ពុជាក៏បានអញ្ជើញសហគមន៍អន្ដរជាតិឲ្យចូលរួមសហការ ក្នុងការកាត់សេចក្ដីនេះ។ នៅទីបញ្ចប់ នៅខែមិថុនា ឆ្នាំ២០០៣ កិច្ចព្រមព្រៀងមួយរវាងរដ្ឋាភិបាលកម្ពុជា និងអង្គការសហប្រជាជាតិក៏ត្រូវបានចុះហត្ថលេខា ដោយនៅក្នុងនោះមានការកំណត់ពីកិច្ចសហប្រតិបត្តិការ រវាងភាគីទាំងពីរ នៅក្នុងដំណើរការកាត់ទោសមេដឹកនាំជាន់ខ្ពស់កម្ពុជាប្រជាធិបតេយ្យ និងជនទាំងឡាយដែលទទួលខុសត្រូវខ្ពស់បំផុត ចំពោះឧក្រិដ្ឋកម្ម និងការរំលោភយ៉ាងធ្ងន់ធ្ងរលើច្បាប់ព្រហ្មទណ្ឌកម្ពុជា ការរំលោភលើច្បាប់មនុស្សធម៌និងទម្លាប់អន្តរជាតិ ព្រមទាំងការរំលោភលើអនុសញ្ញាអន្តរជាតិ ដែលប្រទេសកម្ពុជាបានទទួលស្គាល់ និងដែលបានប្រព្រឹត្តទៅ នៅអំឡុងថ្ងៃទី ១៧ មេសា ឆ្នាំ ១៩៧៥ ដល់ថ្ងៃទី ០៦ មករា ឆ្នាំ១៩៧៩។

ទោះបីជាតុលាការថ្មីហើយពិសេសនេះត្រូវបានបង្កើតឡើងដោយរាជរដ្ឋាភិបាលកម្ពុជា និងអង្គការសហប្រជាជាតិក៏ដោយ ក៏តុលាការនេះជាតុលាការឯករាជ្យម្ចាស់ការ មិនចំណុះអោយរាជរដ្ឋាភិបាល ឬអង្គការសហប្រជាជាតិនោះទេ។ តុលាការនេះនឹងផ្ដល់ជាគំរូមួយសំរាប់ដំណើរការកាត់ក្ដីនៅកម្ពុជា ។ ការិយាល័យរដ្ឋបាលមួយត្រូវបានបើក ដើម្បីពិភាក្សាបង្កើតអង្គជំនុំជម្រះវិសាមញ្ញ ហើយនិងចាប់ផ្ដើមរៀបចំដំណើរការកាត់ក្ដីជាផ្លូវការ។


ជនជាប់ចោទ

ឈ្មោះ ដីកាដំណោះស្រាយ CCL
 G
 CAH
 WC
 DCP
 CAD
 Transferred
to the ECCC 		Current status Ind.
កាំង ហ្កេកអ៊ាវ 02007-07-31 31 កក្កដា 2007 — — 8 5 — — 02007-07-31 31 កក្កដា 2007 Appealing sentence of 35 years' imprisonment[១] [២]
នួន ជា 02010-09-15 15 កញ្ញា 2010 3 2 12 6 — — 02007-09-19 19 កញ្ញា 2007 Trial began on 02011-06-27 27 មិថុនា 2011[៣] [៤]
ខៀវ សំផន 02010-09-15 15 កញ្ញា 2010 3 2 12 6 — — 02007-11-19 19 វិច្ឆិកា 2007 Trial began on 02011-06-27 27 មិថុនា 2011[៣] [៤]
អៀង សារី 02010-09-15 15 កញ្ញា 2010 3 2 12 6 — — 02007-11-12 12 វិច្ឆិកា 2007 Trial began on 02011-06-27 27 មិថុនា 2011[៣] [៤]
អៀង ធិរិទ្ធ 02010-09-15 15 កញ្ញា 2010 3 1 10 6 — — 02007-11-12 12 វិច្ឆិកា 2007 Trial began on 02011-06-27 27 មិថុនា 2011[៣] [៤]

តំណភ្ជាប់ខាងក្រៅ

/ សហក្រម ០០១ :]

  1. ↑ "001/18-07-2007/ECCC/TC: សាលក្រមនៅក្នុងសំណុំរឿង ០០១" (PDF). Extraordinary Chambers in the Courts of Cambodia. 2010-07-31. Retrieved 2011-05-13.
  2. ↑ "002/14-08-2006: Closing order indicting Kaing Guek Eav alias Duch" (PDF). Extraordinary Chambers in the Courts of Cambodia. 2008-08-08. Retrieved 2011-05-13.
  3. ↑ ៣,០ ៣,១ ៣,២ ៣,៣ "Case 002". Extraordinary Chambers in the Courts of Cambodia. Retrieved 2011-06-29.
  4. ↑ ៤,០ ៤,១ ៤,២ ៤,៣ "002/19-09-2007: Closing order" (PDF). Extraordinary Chambers in the Courts of Cambodia. 2010-09-15. Retrieved 2011-05-13.
បានពី "https://km.wikipedia.org/w/index.php?title=សាលាក្ដីខ្មែរក្រហម&oldid=92413"