ការពិភាក្សារបស់អ្នកប្រើប្រាស់:Vankhea
សួស្ដីលោក វ៉ាន់ ឃា! ខ្ញុំសូមស្វាគមន៍ចំពោះការចូលរួមចំណែកក្នុងការអភិវឌ្ឍវិគីភីឌាភាសាខ្មែរ។ តែខ្ញុំចង់ដឹងណាស់ តើអ្វីទៅជា "វិសមភាព វ៉ាន់ ឃា"? តើវិសមភាពដែលលោកបានបង្កើតឡើងនេះ ត្រូវបានទទួលស្គាល់ដោយស្ថាប័នជំនាញណាខ្លះ? ឈ្មោះនៃសមភាព វិសមភាព រូបមន្ត ទ្រឺស្ដីបទ ឬ អនុគមន៍ ណាមួយ ត្រូវបានបង្កើតឡើងដោយអ្នកប្រាជ្ញគណិតវិទ្យាល្បីៗលើពិភពលោក ដូចជា ពីការគរ តាលែស ជាដើម។ ហើយឈ្មោះទៀតសោត ត្រូវបានទទួលស្គាល់ និងប្រសិទ្ធនាមដោយអ្នកសិក្សាជំនាន់ក្រោយ ដើម្បីជាកិត្តិយស ឬ ជាការរំលឹកដល់អ្នកប្រាជ្ញទាំងនោះ។ ខ្ញុំពិតជាមានមោទនភាព ដោយឃើញកូនខ្មែរណាម្នាក់អាចរកឃើញ ឬ បង្កើតបានអ្វីថ្មីមួយបាននោះ តែគួរកុំប្រញ៉ាប់ពេក ក្នុងការយកឈ្មោះរបស់ខ្លួនឯងមកដាក់ ព្រោះវាមិនខុសណាពីអង្គុយលើចង្អេលើកខ្លួនឯងនោះទេ។ ទោះយ៉ាងណា ខ្ញុំនៅតែមានចិត្តសប្បាយរីករាយ និងបន្តគាំទ្រការរួមចំណែកដ៏សំខាន់របស់លោកក្នុងវិគីភីឌាភាសាខ្មែរនេះ ជានិច្ច។ --ធារិត ម៉ោង១០:០៦ ថ្ងៃអង្គារ ទី០៨ ខែធ្នូ ឆ្នាំ២០០៩ (
អរគុណលោកធារិត វិសមភាពនេះត្រូវបានខ្ញុំបង្កើតវាឡើងកាលពីឆ្នាំ 2006 ។ ហើយបន្តមកទៀតខ្ញុំពុំហ៊ានដាក់ផ្សាយទេព្រោះខ្ញុំខ្លាចការបង្កើតរបស់ខ្ញុំនឹងវាជាន់គ្នា ជាមួយវិសមភាពដ៏ទៃទៀត។ ហេតុនេះខ្ញុំខំស្រាវជ្រាវបន្ថែមអស់រយៈពេល 3 ឆ្នាំផ្នែកវិសមភាពគឺគិតចាប់ពីឆ្នាំ 2006 មកទល់ឆ្នាំ 2009 នេះ។ ខ្ញុំទើបនឹងដាក់វាផ្សាយដើម្បីអោយមហាជនជួយវាយតំលៃពីស្នាដៃនេះ ហើយមិនមែនមានតែវិសមភាពមួយនេះទេដែលខ្ញុំបានបង្កើត នៅមាន វិធីស្រាយទ្រឹស្ដីបទផ្សេងៗទៀតមួយចំនួនផងដែរ។ ហើយវិសមភាពនេះគឺពុំទាន់មានការទទួលយល់ព្រមពីស្ថាប័ណ្ណណាមួយឡើយ។ ពីខ្ញុំ វ៉ាន់ ឃា "58.187.38.232 (ពិភាក្សា) ម៉ោង០១:៥៣ ថ្ងៃសុក្រ ទី១១ ខែធ្នូ ឆ្នាំ២០០៩ (UTC)"