បវរកញ្ញាភពផែនដីអន្តរជាតិ

Miss Planet International

ប្រភេទ	ការប្រកួតសម្រស់នារីអន្តរជាតិ
ការិយាល័យកណ្ដាល	រាជធានីភ្នំពេញ, កម្ពុជា
ការប្រកួតបច្ចុប្បន្ន	២០២៤
អ្នកឈ្នះបច្ចុប្បន្ន	Mahra Lutfi អេមីរ៉ាតអារ៉ាប់រួម
President	Halley Amin
Vice President	Min Ha Ritah
CEO	Pedro Francisco
ស្ថាបនា	ថ្ងៃទី ០១ ខែ មីនា ឆ្នាំ ២០១៩
វេបសាយ	missplanetinternational

បវរកញ្ញាភពផែនដីអន្តរជាតិ (Miss Planet International) ជា​កម្មវិធី​ប្រកួត​សម្រស់​អន្តរជាតិ​ប្រចាំ​ឆ្នាំ​ដែល​រៀបចំ​ដោយ​អង្គការ បវរកញ្ញាភពផែនដីអន្តរជាតិ មាន​ទីស្នាក់ការ​នៅ ​កម្ពុជា ។ MPI គឺជាអង្គការមួយដែលផ្តោតលើការលើកកម្ពស់ គោលដៅអភិវឌ្ឍន៍ប្រកបដោយចីរភាព របស់អង្គការសហប្រជាជាតិ ។ ជាផ្នែកមួយនៃបេសកកម្មនេះ បានបង្កើតកម្មវិធីប្រឡងមួយក្នុងគោលបំណងជ្រើសរើសឯកអគ្គរដ្ឋទូតមកពីប្រទេសនីមួយៗដែលចូលរួម។

ភពផែនដីអន្តរជាតិ ២០២៤ ត្រូវបានឈ្នះដោយ Mahra Lutfi មកពីប្រទេស អេមីរ៉ាតអារ៉ាប់រួម ខណៈពានដែលបានបន្ថែមថ្មី Angel Planet International ២០២៤ ត្រូវបានប្រគល់ជូន Olla Levina មកពីប្រទេសឥណ្ឌូនេស៊ី។ឆ្នាំនេះគឺជាការប្រកួតលើកទី ៤ របស់ បវរកញ្ញាភពផែនដីអន្តរជាតិ និងជាលើកដំបូងក្នុងប្រវត្តិសាស្ត្រដែលគ្រងតំណែងពីររួមគ្នា។ព្រឹត្តិការណ៍​នេះ​បាន​ធ្វើ​ឡើង​កាលពី​ថ្ងៃ​ទី ​២៧ ខែ វិច្ឆិកា ឆ្នាំ ​២០២៤ នៅ​សាល​មហោស្រពកោះ​ពេជ្រ រាជធានី​ភ្នំពេញ ប្រទេស​កម្ពុជា ។

ប្រវត្តិសាស្ត្រ

ការប្រឡងបវរកញ្ញាភពផែនដីអន្តរជាតិត្រូវបានបង្កើតឡើងក្នុងគោលបំណងរួបរួមក្នុងការលើកកម្ពស់ការអភិរក្សភពផែនដីនិងជីវិតមនុស្សស្របទៅតាមគោលការណ៍របស់អង្គការសហប្រជាជាតិ។បេសកកម្មរបស់កម្មវិធីគឺដើម្បីបំផុសនិងផ្តល់សិទ្ធិអំណាចដល់បេក្ខជនដែលប្រាថ្នាចង់ធ្វើជាគំរូល្អនៅក្នុងសហគមន៍របស់ពួកគេនិងជុំវិញពិភពលោកជំរុញការផ្លាស់ប្តូរសង្គមដែលពង្រឹងសេចក្តីស្រឡាញ់ចំពោះមនុស្សគ្រប់ៗគ្នានិងការគោរពថែរក្សាបរិស្ថាន។ការប្រឡងត្រូវបានបង្កើតឡើងក្នុងឆ្នាំ ២០១៩ ដោយ Min Halimas ដែលគេស្គាល់ថាជាប្រធាន Halley Amin និងអ្នកបង្កើតរួមជាមួយគាត់គឺ Pedro Francisco ជា CEO។

ការប្រកួតបវរកញ្ញាផែនដីអន្តរជាតិលើកទី១ បានរៀបចំធ្វើឡើងដំបូងនៅសាលមហោស្រពកោះពេជ្រកាលពីថ្ងៃទី ០១ ខែ មីនា ក្នុងរាជធានីភ្នំពេញ ប្រទេសកម្ពុជា ដោយមានសមាជិកចំនួន ៣៩ ប្រទេសចូលរួមប្រកួតប្រជែង។ Monique Best មកពីប្រទេសអាហ្វ្រិកខាងត្បូងត្រូវបានគ្រងមកុដ Miss Planet International ជាលើកដំបូង។ ម្ចាស់ពាន បវរកញ្ញាភពផែនដីអន្តរជាតិ ២០១៩ ត្រូវបានផ្តល់កិត្តិយសជាឯកអគ្គរដ្ឋទូតយុវជនដោយសភាពាណិជ្ជកម្មនៃទីក្រុងរបស់នាងហើយបានទទួលសមាជិកភាពពីសភាពាណិជ្ជកម្ម Seattle Latino ដោយសារការងារមនុស្សធម៌អន្តរជាតិរបស់នាង។

ក្នុងអំឡុងឆ្នាំ ២០២០ និង ២០២១ ដោយសារតែជំងឺរាតត្បាតសកល កូវីត ១៩ Miss Planet International (MPI) ឬ បវរកញ្ញាភពផែនដីអន្តរជាតិ មិនបានរៀបចំកម្មវិធីប្រកួតនោះទេ។ក្នុងឆ្នាំ២០២១មិនទាន់ឈានចូលដល់ឆ្នាំ ២០២២ ដែល MPI បានប្រកាសពីចេតនារបស់ខ្លួនក្នុងការរៀបចំការប្រឡងបវរកញ្ញាផែនដីអន្តរជាតិនៅប្រទេសអ៊ូហ្គង់ដា។ទោះបីជាប្រទេសសមាជិកចំនួន ៦៨ បានចុះឈ្មោះនៅខែ វិច្ឆិកា ឆ្នាំ ២០២២ ក៏ដោយក៏ព្រឹត្តិការណ៍នេះមិនអាចប្រព្រឹត្តទៅបានទេខណៈដែលប្រទេសជាច្រើនបានដកខ្លួនចេញដោយហេតុផលផ្សេងៗ។ការព្រួយបារម្ភអំពីសុវត្ថិភាពនិងសុវត្ថិភាពដោយសារតែការផ្ទុះឡើងនៃមេរោគ Ebola បានធ្វើឲ្យបេក្ខជនជាច្រើនត្រូវដកខ្លួនចេញប៉ុន្មានថ្ងៃមុនព្រឹត្តិការណ៍នេះ ដែលបណ្តាលឲ្យព្រឹត្តិការណ៍ទាំងមូលដួលរលំហើយបណ្តាលឲ្យមានការចំណាយនិងការកក់ទុកលុយប្រហែល ៥ លានដុល្លារ។ដូច្នេះហើយព្រឹត្តិការណ៍ដែលបានគ្រោងទុកក្នុងប្រទេសអ៊ូហ្គង់ដាត្រូវបានលុបចោលហើយការប្រកួត MPI ត្រូវបានប្តូរមកប្រទេសកម្ពុជាវិញហើយរៀបចំធ្វើឡើងនៅខែ មករា ឆ្នាំ ២០២៣ នៅសាលមហោស្រពកោះពេជ្រក្នុងរាជធានីភ្នំពេញ។