រដ្ឋាករទឹកស្វយ័តក្រុងភ្នំពេញ
រដ្ឋាករទឹកស្វយ័តក្រុងភ្នំពេញ គឺជាក្រុមហ៊ុនសាធារណៈមួយដែលទទួលខុសត្រូវក្នុងការផ្គត់ផ្គង់សេវាកម្មទឹកស្អាតនៅក្នុងរាជធានីភ្នំពេញ។
ប្រវត្តិ
នៅក្នុងអំឡុងឆ្នាំ១៨៩៥ ប្រព័ន្ធផ្គត់ផ្គង់ទឹកសម្រាប់ទីក្រុងភ្នំពេញ ត្រូវបានរៀបចំឡើងជាដំបូងដោយក្រុមហ៊ុនទឹកស្អាត និងអគ្គិសនីឥណ្ឌូចិនរបស់បារាំង ដែលមានឈ្មោះថា "Compagnie des Eaux et Electricité de I'Indochine (CEEI)" ។ ក្រុមហ៊ុននេះបានសាងសង់រោងចក្រប្រព្រឹត្តកម្មទឹកជ្រោយចង្វារ ដែលមានសមត្ថភាពប្រព្រឹត្តកម្មទឹកជាមធ្យម១៥.០០០ម៉ែត្រគូប/ថ្ងៃ ព្រមទាំងបណ្តាញចែកចាយប្រវែង៤០គ.ម ស្ថិតក្នុងខណ្ឌដូនពេញ (ភាគខាងកើត រាជធានីភ្នំពេញនាពេលបច្ចុប្បន្ន)។ ក្នុងអំឡុងពេលនោះ ការងារផ្គត់ផ្គង់ទឹកក្នុងទីក្រុងភ្នំពេញត្រូវបានអនុញ្ញាតិឲ្យធ្វើអាជីវកម្ម រកចំណូល ដើម្បីធានាដំណើរការប្រព្រឹត្តកម្ម និងវិនិយោគដោយខ្លួនឯង ក្រោមលក្ខន្តិកៈដោយឡែករបស់ក្រុមហ៊ុនទឹកស្អាត និង អគ្គិសនីឥណ្ឌូចិនរបស់បារាំង។
តំណភ្ជាប់ខាងក្រៅ
- គេហទំព័រផ្លូវការ Archived 2013-01-11 at the វេយប៊ែខ ម៉ាស៊ីន.