ជំនឿការអុជធូប

ជំនឿការអុជទៀនធូប
ការផ្ដើមអុចធូប	ប្រហែល ស.វទី២
រជ្ជកាល	​ ក្សត្រីយ៍​សោម៉ា (ព្រះម៉ែនាគ)
សម័យកាល	​ អាណាចក្រនគរភ្នំ (Funan Kingdom)
លទ្ធិជំនឿ	ជំនឿលើបារមី
តាមលំអាន	គម្ពីរវេទ
សាសនាប្រតិបត្តិ	​ពុទ្ធសាសនា ព្រហ្មញ្ញសាសនា

ជំនឿការអុជទៀនធូប (អង់គ្លេស: Belief in lighting incense ) គឺជាគ្រឿងផ្សែងក្រអូបត្រូវបានគេជឿថាបង្កើតបរិយាកាសវេទមន្តដែលសមរម្យសម្រាប់ការអញ្ជើញ ហៅ ឬ ពាំនាំពាក្យពេចន៍ទៅកាន់បារមី នៃអាទិទេព និងវិញ្ញាណដែលតែងតែមានវត្តមាននៅជុំវិញអាសនៈ​នៃការបួងសួងនេះ កិច្ចពិធីនៃការអុជទៀនធូប ត្រូវបានគេជឿថា បញ្ចេញថាមពលដ៏ច្រើន ដែលផ្ទុកនៅក្នុងធម្មជាតិ ដើម្បីឱ្យវាអាចប្រើប្រាស់ សម្រាប់គោលបំណងវេទមន្ត នៃការបញ្ជូនសារទៅឱ្យចំពោះនរណាម្នាក់ មិនថាជា ទេវតា អរ័ក្សអ្នកតា ដួងវិញ្ញាណ នៃពួកខ្មោចព្រាយបិសាចឡើយ ។

អត្ថន័យ​នៃការអុជទៀនធូប

The meaning of burning incense candles

អត្ថន័យ​នៃការអុជទៀនធូប គឺជាការផ្សារភ្ជាប់ ធាតុក្នុងខ្លួន ទៅនិងញាណទាំង៥ នៃរាង្គកាយរបស់មនុស្ស តាមរយៈ​ក្បួនហោរ៉ា (ភាសាចិន: ហុងស៊ុយ​) (អង់គ្លេស: Feng shui) ដែលទស្សន៍ទាយដឹងអំពីថាមពលរបស់មនុស្ស ដើម្បីប្រើវាធ្វើទំនាក់ទំនងទៅនិង អ្វីមួយដែលជាបរិស្ថាននៅជុំវិញខ្លួនរបស់ពួគគេ ។ ដូចនេះ​ការអុជធូប ដែលមិនត្រឹមត្រូវតាមក្បួនតម្រា មិនសមប្រកប ទៅនិងការប្រើប្រាស ត្រូវបានចាត់ទុកថា ជាការអុជធូបដែលមិនផ្សារភ្ចាប់ទៅនិង មជ្ឈដ្ឋានធម្មជាតិនៃញាណ ការអុជធូប​នៅក្នុងជំនឿខ្មេរបុរាណ តែងតែប្រើប្រាសនូវការអុជធូបជាចំនួនសេស ដែលគិតចាប់ពី​ចំនួន (១,៣,៥,៧,៩,១១,២១) ចំនួន​អុជ​ធូបទាំងនេះ មានន័យដូចតទៅ៖

• ចំនួន ១សសៃធូប តំណាងឱ្យដួងវិញាណ ដែលវិលវិលនៅជុំវិញមជ្ឈដ្ឋានរបស់យើង ការអុជប្រកាសប្រាប់ទៅកាន់ដួងវិញាណ ដែលនូវវិលវល់រកទីមិនឃើញ ។​

ឧទាហរណ៍​: ការអុជសែនដង្វាយទៅកាន់ព្រលឹងខ្មោច ការអុជសែនបញ្ជៀសពែដើម្បីរំដោះគ្រោះថ្នាក់ផ្សេងៗ ។

• ចំនួន ៣សសៃធូប តំណាងឱ្យឋានទាំង៣ ឋានលើ (Heaven), ឋានកណ្ដាល (Middle Earth), ឋាននរក (Hell) ការផ្សារភ្ជាប់ឋានទាំងបី ទៅនិងសាច់ញាតិប្រាំពីរសណ្ដាន ឪពុកម្ដាយ និង ជីដូនជីតា ដែលកំណត់យក ផើងដោតធូបចំនួន ៤ ស្មើនិង ១២សសៃ តំណាងខែទាំង១២ ដែលជាទំនាក់ទំនងនៃវិញាណសាច់ញាតិ ។

• ចំនួន ៥សសៃធូប តំណាងឱ្យការផ្សារភ្ជាប់ញាណទាំង៥ របស់មនុស្ស ទៅនិងមជ្ឈដ្ឋាននៃញាណអាថ៌កំបាំងដែលមិនអាចមើលឃើញដោយភ្នែកទទេបាន ដូចជា ទេវតាថ្នាក់ទាប ជំនាងផ្ទះ ព្រះភូមិ ម្រេញ​គង្វាល អរ័ក្សអ្នកតា ជាដើម ល-។​

នូវក្នុងលទ្ធិថេរវាទ នៃពុទ្ធសាសនាត្រូវបានតំណាងឱ្យព្រះពុទ្ធទាំង ៥ ព្រះអង្គផងដែរ ។​