បញ្ជីរាយប្រទេសតាមក្រឡាផ្ទៃសរុប

អត្ថបទនេះគឺស្តីអំពីបញ្ជីនៃប្រទេសនិងទឹកដីអនិស្សរភាពទាំងប៉ុន្មាននៅលើពិភពលោកដែលផ្អែកទៅលើចំណាត់ថ្នាក់តាមផ្ទៃក្រឡាសរុប។

រដ្ឋជាសមាជិកទាំង ១៩៣ របស់អង្គការសហប្រជាជាតិបូករួមទាំងរដ្ឋសង្កេតការណ៍ទាំងពីរត្រូវបានរាប់ក្នុងលេខរៀងនៅក្នុងបញ្ជីខាងក្រោម។ រដ្ឋដែលគ្មានការទទួលស្គាល់និងមិនមានស្តង់ដា ISO ៣១៦៦-១ ក៏ត្រូវបានបញ្ចូលក្នុងបញ្ជីនេះទៅតាមលំដាប់លំដោយដែរ។ សម្រាប់ព័ត៌មានផ្សេងៗ សូមមើលជួរ"កំណត់សំគាល់"នៃប្រទេសនីមួយៗនៅក្នុងបញ្ជី។

តំបន់អង់តាកទិកនិងសហភាពអឺរ៉ុប គឺមិនរាប់បញ្ចូលនោះទេព្រោះអង្គភាពទាំងពីរមិនមែនជាប្រទេសអធិបតេយ្យឬទឹកដីអនិស្សរភាព។ ក្នុងករណីតំបន់អង់តាកទិកវិញ ភូមិភាគដែលស្ថិតនៅក្រោមប្រទេសឯករាជ្យណាមួយគឺមិនរាប់បញ្ចូលជាទឹកដីរបស់ប្រទេសនោះឡើយ។

បញ្ជីនេះបានរួមបញ្ចូលរង្វាស់ទំហំក្រឡាផ្ទៃចំនួនបីប្រភេទ៖

• ក្រឡាផ្ទៃសរុប៖ ផលបូកនៃផ្ទៃដីនិងផ្ទៃទឹកក្នុងព្រំដែនអន្តរជាតិនិងឆ្នេរសមុទ្រ។

• ផ្ទៃដី៖ ផ្ទៃដីសរុបទាំងអស់នៅក្នុងព្រំដែនអន្តរជាតិនិងឆ្នេរសមុទ្រលើកលែងតែផ្ទៃទឹក។

• ផ្ទៃទឹក៖ ផលបូកនៃផ្ទៃក្រឡារបស់ផ្ទៃទឹកសាបទាំងអស់ (បឹង អាងស្តុកទឹក និងទន្លេ) នៅក្នុងព្រំដែនអន្តរជាតិនិងឆ្នេរសមុទ្រ។ ទឹកខាងក្នុងឆ្នេរអាចត្រូវបានរាប់បញ្ចូល។ សមុទ្រមិនត្រូវបានរាប់បញ្ចូលទេលុះត្រាតែក្នុងករណីណាមួយនឹងត្រូវបានបញ្ជាក់ក្នុងជួរកំណត់សម្គាល់។ តំបន់ប្រសប់គ្នានិងតំបន់សេដ្ឋកិច្ចផ្តាច់មុខមិនត្រូវបានរាប់បញ្ចូលទេ។

ទិន្នន័យទាំងអស់ត្រូវបានដក់ស្រង់ចេញពីស្ថិតិរបស់អង្គការសហប្រជាជាតិ។ ទិន្នន័យខុសពីស្ថិតិ អសប នឹងត្រូវបញ្ជាក់នៅក្នុងជួរកំណត់សម្គាល់។

ផែនទី

ផែនទីពិភពលោកដែលមានពណ៌តំណាងតាមក្រឡាផ្ទៃនៃប្រទេសគិតជាគីឡូម៉ែត្រការ៉េ លើកលែងតែតំបន់អង់តាក់ទិក។

ប្រទេសនិងទឹកដីអនិស្សរភាពតាមក្រឡាផ្ទៃ

ល.រ	ប្រទេស / ទឹកដីអនិស្សរភាព	ក្រឡាផ្ទៃសរុបក្នុងមួយ គម២	ផ្ទៃដីក្នុងមួយ គម២	ផ្ទៃទឹកក្នុងមួយ គម២	% ផ្ទៃទឹក	កំណត់សម្គាល់
5000000000000000000 –	ពិភពលោក	៥១០,០៧២,០០០	១៤៨,៩៤០,០០០	៣៦១,១៣២,០០០	៧០.៨
១	រុស្ស៊ី	១៧,០៩៨,២៤៦	១៦,៣៧៧,៧៤២	៧២០,៥០០	៤.២១	ប្រទេសធំបំផុតនៅលើពិភពលោក (១០.៩៩៥% នៃទំហំផ្ទៃដីពិភពលោក) ទឹកដីប៉ែកអឺរ៉ុបគឺមានទំហំប្រហែល ៤,០០០,០០០ គម២ ដែលស្មើនឹង ៤០% នៃផ្ទៃដីសរុបនៃទ្វីបអឺរ៉ុប ដូច្នេះ រុស្ស៊ីគឺជាប្រទេសធំជាងគេបង្អស់នៅអឺរ៉ុប។ ហើយនៅប៉ែកអាស៊ីវិញ ទឹកដីប្រទេសនេះបានគ្របដណ្តប់លើអនុតំបន់អាស៊ីខាងជើងទាំងស្រុងដោយមានទំហំប្រហែល ១៣,១០០,០០០ គម២ ដែលធ្វើឱ្យប្រទេសរុស្ស៊ីក៏ក្លាយជាប្រទេសធំជាងគេនៅទ្វីបអាស៊ីផងដែរ។
1vend –	អង់តាកទិក	១៤,០០០,០០០	១៤,០០០,០០០	០	០	១៣,៧០០,២០០ គម២ (ស្មើនឹង ៩៨%) បានគ្របដណ្តប់ដោយទឹកកកនិងព្រិល។ ទោះជាវាមិនមែនជាប្រទេសអធិបតេយ្យមែនប៉ុន្តែទឹកដីរបស់វាត្រូវបានទាមទារដោយរដ្ឋមួយចំនួន។
២	កាណាដា	៩,៩៨៤,៦៧០	៩,០៩៣,៥០៧	៨៩១,១៦៣	៨.៩៣	ជាប្រទេសដែលមានចំនួនអ្នកនិយាយភាសាអង់គ្លេសនិងភាសាបារាំងច្រើនជាងគេ, ជាប្រទេសធំបំផុតនៅអឌ្ឍគោលខាងជើងបើគិតជាផ្ទៃក្រឡាសរុប (ធំជាងគេទីពីរបើគិតជាផ្ទៃដី) បូករួមជាមួយផ្ទៃទឹកដ៏ធំសម្បើម។ តួលេខផ្ទៃដីនិងផ្ទៃទឹកសរុបគឺរាប់បញ្ចូលទាំងផ្ទៃដីដែលគ្របដណ្តប់ដោយទឹកសាបតែប៉ុណ្ណោះហើយមិនរាប់បញ្ចូលទឹកផ្ទៃខាងក្នុង (ដែលមិនមែនទឹកសាប) ប្រហែល ១,៦០០,០០០ គម២ និងទឹកដែនដី ២០០,០០០ គម២ នោះទេ។
៣ ឬ ៤	ចិន	៩,៥៩៦,៩៦១	៩,៣២៦,៤១០	២៧០,៥៥០	២.៨២	ប្រទេសធំជាងគេនៅទ្វីបអាស៊ី (ទាំងស្រុង) និងជាប្រទេសធំទីពីរនៅលើពិភពលោកបើគិតតាមទំហំផ្ទៃដី។ ទិន្នន័យនេះមិនរាប់បញ្ចូលកោះតៃវ៉ាន់ ទឹកដីជម្លោះជាមួយឥណ្ឌា និងកោះជម្លោះនៅសមុទ្រចិនខាងត្បូងនោះទេ។ ទាំងឆ្នេរសមុទ្រនិងដែនទឹកទាំងអស់ក្នុងប្រទេសក៏មិនរាប់បញ្ចូលជាតួលេខនៃផ្ទៃដីសរុបនិងផ្ទៃទឹកដែរ។
	សហរដ្ឋអាមេរិក	៩,៥២៥,០៦៧ – ៩,៨៣៣,៥១៧	៩,១៤៧,៥៩៣ – ៩,១៤៧,៦៤៣	៣៧៧,៤២៤ – ៦៨៥,៩២៤	៣.៩៦–៦.៩៧	បើគិតជាផ្ទៃដី វាគឺជាប្រទេសដែលមានចំនួនអ្នកនិយាយភាសាអង់គ្លេសច្រើនបំផុត និងជាប្រទេសធំជាងគេនៅអឌ្ឍគោលខាងលិច (ធំបំផុតទីពីរ បើគិតជាក្រឡាផ្ទៃសរុប)។ តួលេខទីពីរសម្រាប់ក្រឡាផ្ទៃនិងផ្ទៃទឹកសរុបមានវត្តមានក៏ព្រោះតែការរាប់បញ្ចូលដែនឆ្នេរសមុទ្រនិងដែនទឹកទាំងអស់។

មើលផងដែរ

• បញ្ជីប្រទេសតាមចំនួនប្រជាជន
• បញ្ជីរាយប្រទេស