គណបក្សកម្ពុជាប្រជាធិបតេយ្យ

គណបក្សកម្ពុជាប្រជាធិបតេយ្យ Party of Democratic Kampuchea
អង្គលេខាធិការបក្ស	ប៉ុល ពត (១៩៨១–១៩៨៥) ខៀវ សំផន (១៩៨៥–១៩៩៣)
បង្កើត	ធ្នូ ១៩៨១
រំលាយ	១៩៩៣
បក្សមុន	បក្សកុម្មុយនិស្តកម្ពុជា
បក្សស្នង	គណបក្សសាមគ្គីជាតិកម្ពុជា
ស្លាបយោធា	ទ័ពជាតិកម្ពុជាប្រជាធិបតេយ្យ
មនោគមវិជ្ជា	សង្គមនិយមប្រជាធិបតរយ្យ
គោលជំហរនយោបាយ	ឆ្វេងនិយម
ទំនាក់ទំនងជាតិ	រណសិរ្សប្រជាធិបតេយ្យស្នេហាជាតិនៃមហាសាមគ្គីជាតិកម្ពុជា
នយោបាយនៅកម្ពុជា គណបក្សនយោបាយ ការបោះឆ្នោត

គណបក្សកម្ពុជាប្រជាធិបតេយ្យគឺជាគណបក្សនយោបាយមួយនៅក្នុងប្រទេសកម្ពុជា, បង្កើតឡើងជាគណបក្សស្នងឱ្យបក្សកុម្មុយនិស្តកម្ពុជានៅខែធ្នូ ឆ្នាំ១៩៨១។ នៅពាក់កណ្តាលសតវត្សឆ្នាំ១៩៨០, មនោគមវិជ្ជាគណបក្សកម្ពុជាប្រជាធិបតេយ្យគឺសង្គមនិយមប្រជាធិបតេយ្យដែលត្រូវបានប្រកាស់ឱ្យដឹងជាសាធារណៈ, បន្ទាប់ពីបានលះបង់គំនិតម៉ាក្ស–លេនីននិយមចោល។

ប្រវត្តិសាស្រ្ត

យោងទៅតាមគណបក្សនេះ, ការរំលាយគណបក្សCPKនិងការបង្កើតគណបក្សកម្ពុជាប្រជាធិបតេយ្យ(PDK)ថ្មីបានជុំរុញឱ្យមានតម្រូវការក្នុងការសាមគ្គីគ្នាដើម្បីប្រឆាំងនឹងវៀតណាម, កម្លាំងសាមគ្គីភាពនេះអាចនឹងធ្វើឱ្យខ្សែគំនិតកុម្មុយនិស្តពិតមានភាពស្មុកស្មាញ។ ទ័ពជាតិនៃកម្ពុជាប្រជាធិបតេយ្យគឺជាស្លាបយោធាកងប្រដាប់អាវុធរបស់បក្សនិងរណសិរ្សប្រជាធិបតេយ្យស្នេហាជាតិនៃមហាសាមគ្គីជាតិកម្ពុជាគឺជាអង្គការមួយគ្រប់គ្រងដោយបក្ស។

អង្គលេខាធិការបក្សដំបូងនាពេលនោះគឺប៉ុល ពត, ដូចច្នេះគណបក្សនេះត្រូវបានដឹកនាំដោយរដ្ឋាភិបាលនៃរបបកម្ពុជាប្រជាធិបតេយ្យដែលទើបនឹងដួលរលំ។ អ្នកដែលគាំទ្រPDKជាទូទៅត្រូវបានគេហៅថាខ្មែរក្រហមដដែល។

នៅក្នុងពេលដែលកំពុងបង្កើតគណបក្ស PDK នេះ, កងកម្លាំងខ្មែរក្រហមត្រូវរដ្ឋាភិបាល KPRP ដែលគាំទ្រដោយវៀតណាមបានរុនច្រានទៅទិសពាយព្យរហូតដល់ព្រំដែនប្រទេសថៃ។ ពួក PDK ក៏បានចាប់ផ្តើមធ្វើសហប្រតិបត្តិការជាមួយបក្សពួកក្រុមទាំងឡាយណាដែលប្រឆាំងនឹងវៀតណាមនៅតំបន់នោះហើយក៏បានបង្កើតចេញជារដ្ឋាភិបាលចម្រុះកម្ពុជាប្រជាធិបតេយ្យក្នុងឆ្នាំ១៩៨២។

ទោះជាប៉ុល ពតបានបោះបង់តំណែងជាមេដឹកនាំបក្សទៅឱ្យលោកខៀវ សំផនក្នុងឆ្នាំ១៩៨៥ក្តី តែប៉ុល ពតនៅតែដើរតួយ៉ាងសំខាន់នៅរាល់សកម្មភាពរបស់គណបក្សនេះជានិច្ច។

មុនការបោះឆ្នោតឆ្នាំ១៩៩២/១៩៩៣, គណបក្សសាមគ្គីជាតិកម្ពុជា(CNUP)ដែលត្រូវជាបក្សស្នងរបស់គណបក្ស PDK បានប្រកាសជាសាធារណៈក្នុងគោលបំណងចង់ចូលរួមក្នុងពិធីបោះឆ្នោតក៏ប៉ុន្តែជាចុងក្រោយក៏បានប្តូរគំនិតមិនចូលរួមក្នុងពិធីបោះឆ្នោតហើយថែមទាំងប្តេជ្ញាចិត្តថានឹងបញ្ញប់(គំទិច)ពិធីបោះឆ្នោតនេះទៅវិញ។ ក្រោយមក, អ៊ុនតាក់ (UNTAC)ក៏បានសម្រេចថានឹងមិនធ្វើការបោះឆ្នោតនៅក្នុងតំបន់ដែលស្ថិតនៅក្រោមការគ្រប់គ្រងរបស់ PDK នោះទេ (ពោលគឺតំបន់ភាគពាយព្យនៃប្រទេសកម្ពុជា)។ នៅពេលនោះដែល, គេបានប៉ានស្មានថាចំនួនប្រជាជនកម្ពុជាប្រហែល៦%ត្រូវកំពុងរស់នៅក្រោមការដឹកនាំរបស់ PDK។

PDK ត្រូវគេប្រកាសថាជាគណបក្សខុសច្បាប់នៅក្នុងប្រទេសកម្ពុជានៅខែកក្កដា ឆ្នាំ១៩៩៤។ បន្ទាប់ពីនេះមក, សកម្មភាពរបស់បក្ស PDK ត្រូវបានបន្តនៅក្រោមឈ្មោះគណបក្សសាមគ្គីជាតិកម្ពុជានិងរដ្ឋាភិបាលបណ្តោះអាសន្ននៃសហភាពជាតិនិងសង្គ្រោះជាតិកម្ពុជា។

សូមមើលផង

• រដ្ឋាភិបាលចម្រុះកម្ពុជាប្រជាធិបតេយ្យ
• ភ្នំម៉ាឡៃ