ឃុំដំណាក់កន្ទួតខាងត្បូង
ឃុំដំណាក់កន្ទួតខាងត្បូង គឹឃុំមួយដែលស្ថិតនៅក្នុងស្រុកកំពង់ត្រាច ខេត្តកំពតដែលមានទីតាំងស្ថិតនៅប៉ែកខាងកើតនៃទីរួមខេត្តកំពត ហើយប្រជាជនរស់នៅទីនោះភាគច្រើនជាកសិករពួកគាត់ប្រកបរបរ
កសិកម្ម ហើយខ្លះទៀតជាអ្នកជំនួញ ជាអ្នកលក់ដូរ។ ឃុំដំណាក់កន្ទួត ជាឃុំមួយដែលកំពុងអភិវឌ្ឍរាល់គ្រប់វិស័យដូចជាផ្លូវគមនាគមន៍ និង សាលារៀនជាដើម។ ហើយឃុំនេះរួមមានភូមិចំនួនប្រាំ ៖
ភូមិ
ចំនែកឯជីវភាពរស់នៅរបស់ប្រជាជនវិញ ថ្វីបើឃុំនេះមានចំនួន ប្រជាជនច្រើនក៏ពិតមែន ប៉ុន្តែនៅក្នុងវិស័យកសិកម្មរបស់ពួកគាត់ មានការវិវឌ្ឍទៅមុខ ហើយប្រជាជននៅទីនោះភាគច្រើនពួកគាត់ជាកសិករ ពួកគាត់ប្រកបរបរកសិកម្ម ដូចជា ដាំដំណាំ ស្រូវ ពោត សណ្ដែក ចេក ដូង ស្វាយ ម្ទេស ជាពិសេសគឺដំណាំម្រេច ដែលជាដំណាំសនាំមុខគេបង្អស់នៅតំបន់នោះ ចំនែកដំណាំម្រេចវាមានតម្លៃខ្ពស់ ទាំងនៅទីផ្សារក្នុងស្រុក និងទីផ្សារអន្តរជាតិ បច្ចុប្បន្ននេះវាកំពុងមានគុណភាពខ្ពស់ខ្លាំងណាស់ ដែលបាននាំចេញទៅក្រៅប្រទេស ជាពិសេសនាំចេញទៅប្រទេសសហរដ្ឋអាមេរិចដែលជាកិត្យានុភាពកសិកម្ម របស់ប្រទេសកម្ពុជា។ ហើយប្រជាជនប្រមាណ៥០%ជាកសិករ[ត្រូវការអំណះអំណាង] ហើយជាអ្នកជំនួញប្រមាណ២០% ឯចំនែកអ្នកបំរើការងាររដ្ឋវិញប្រហែល៣០% បើនិយាយពីវិស័យអប់រំវិញមានការឈានទៅមុខដោយមាន សាលារៀនជាច្រើនសំរាប់អោយ កុមារា កុមារី យុវជន យុវនារី ទៅសិក្សាដើម្បីក្រេបជញ្ជក់យកចំណេះ និងក្លាយជាពលរដ្ឋល្អនៅក្នុងសង្គម ហើយក្លាយជាសរសទ្រូងសំរាប់ប្រទេសជាតិផងដែរ ។ ចំនែកវិស័យសុខាភិបាលនៅតំបន់នោះមានមន្ទីរពេទ្យបង្អែក ជាច្រើនដែលជួយសំរួលដល់ប្រជាជននៅពេលមានជំងឹថ្កាត់ ហើយមានពេទ្យជំនាញដើម្បីពិនិត្យនិងពិគ្រោះជំងឺ និងមានភាពងាយស្រួលក្នុង
សង្រ្គោះបន្ទាន់ ដូចជានៅពេលសំរាលបុត្រមានពេទ្យជំនាញសំរាប់ធ្វើការសំរាល និងមានបទពិសោធក្នុងការធ្វើការងារ។
តំបន់ទេសចរណ៍
រមណីយដ្ឋានប្រវត្ដិសាស្ដ្រ ភ្នំកំពង់ត្រាច ឫុ ភ្នំបាក់” ស្ថិតនៅក្នុង ទឹកដីឃុំដំណាក់កន្ទួតខាងត្បូង ស្រុកកំពង់ត្រាច ដោយបរិវេណភ្នំនេះមានបរិមាត្រប្រមាណប្រហែល៤.គីឡូម៉ែត្រ និង កម្ពស់ប្រ ហែល ២០០ម៉ែត្រ ។ ភូមិសាស្ដ្រនៃតំបន់ភ្នំនេះមានអំណោយផលល្អសម្រាប់ការថតខ្សែភាពយន្ដ ផ្សេងៗជាមួយនឹងទេសភាពល្អ ប្រណីត ស្រស់ត្រកាល ពោរពេញដោយសោភ័ណភាពយ៉ាងវិចិត្រ ។ នៅខាងមុខផ្លូវចូលទៅក្នុងល្អាងភ្នំនេះមានវត្ដមួយឈ្មោះថា “វត្ដគិរីសិលា ” ដែលយាយជី តាអាចារ្យនិង ព្រះសង្ឃគង់នៅជាច្រើនអង្គ។ តាមសងខាងផ្លូវក្នុងរូងភ្នំមានល្អាងជាច្រើនព័ទ្ធជុំវិញ ទីវាលមួយដែលទទួលពន្លឺព្រះអាទិត្យភ្លឺចិញ្ចាចហើយពេលភ្ញៀវសម្លឹងមើល ទៅលើនឹងឃើញមេឃហាក់នៅកៀកបង្កើយរាងជា រង្វង់មូលដូចបាតខ្ទះដែលធ្វើឱ្យអារម្មណ៍ស្ថិតក្នុងទីស្ថានមួយ ប្រកបដោយភាពសុខដុមរមនា ។ នៅតាមល្អាងនិមួយៗ មានរូបសំ ណាកសត្វ ឫុ រូបបសំណាកឧបករណ៍ប្រើប្រាស់ផ្សេងៗ ដែលរូបទាំងនោះមានមគ្គុទេសក៍នឹងពន្យល់ណែនាំឱ្យបានដឹងជាលំដាប់លំ ដោយតាមការប៉ិនប្រសប់របស់ពួកគេ។
មគ្គុទេសក៍ម្នាក់បានអត្ថាធិប្បាយជាហូរហែថា ចម្ងាយពីមាត់ផ្លូវចូលទៅកណ្ដាលភ្នំជាកន្លែងវាលល្វឹងល្វើយដែលគេ ហៅ ថា “ ក្រពះនាគ ” មានចម្ងាយប្រហែល ៣០ ម៉ែត្រ ដោយនៅតាមផ្លូវនេះមានរូបសំណាកសត្វអណ្ដើក,រូបសំណាកសត្វឥន្ទ្រីយ៍. រូបសំណាកព្រះម៉ែគង់ស៊ីអ៊ីម និង រូបទូក។ លុះដល់ខាងក្នុងផ្នែកស្ដាំនៃទីវាលល្ហល្ហេវនោះមានរូបព្រះអង្គចូល និព្វាន្ដមួយអង្គយ៉ាង ធំសម្រាប់ភ្ញៀវជាពុទ្ធបរិស័ទគោរពបូជា ។ ចំណែកនៅតាមរូងផ្សេងទៀតមានរូបសំណាកក្បាលអន្ទង,់ រូបត្រីបាឡែន, រូបខ្លាត្រី, ក្រពើឆារ៉ាវ៉ាន់, ពស់ស្រកាចាស់,ក្បាលក្រពើ,កំភួនជើងលោកមេទ័ព,ថ្នាក់សម្គាល់កម្រិត ទឹក, ដំរីលោកតាសក្កទេវរាជ, ស្គរហនុ មាន និង ឋានតុសិតជាដើម។ ឯល្អាងខាងលិចទល់មុខនឹងព្រះអង្គចូលនិព្វាន្ដមានកន្លែងទឹកស្រក់ ជាប្រចាំមិនថារដូវ ប្រាំង ឫុវស្សា ឡើយ ដោយទឹកនោះត្រជាក់ប្រៀបដូចទឹកអម្រឹត ។ហើយដោយសារតែតំបន់នោះប៉ែកខាងត្បូងមានព្រំប្រទល់ជាប់ និង ប្រទេសវៀតណាម ធ្វើអោយប្រជាជននៅទីនោះមាន ការងាយស្រួល ក្នុងការធ្វើជំនួញជួញ ដូរចេញចូល ទៅប្រទេស វៀតណាម។ ឯផ្លូវគមនាគមន៍សំរាប់ធ្វើដំណើរទៅប្រទេសវិញ បច្ចុប្បន្នកំពុងអភិវឌ្ឍន៍ផ្លាស់់ពីផ្លូវ ក្រាលគ្រួសក្រហមមកជាផ្លូវបេតុងក្រាលកៅស៊ូវិញ ដែលជាការងាយស្រួលក្នុង ការធ្វើដំណើរទៅមក ពីប្រទេសកម្ពុជាទៅប្រទេសវៀតណាម។សេដ្ឋកិច្ចក្នុងតំបន់នេះពឹងផ្អែកទៅលើ វិស័យកសិកម្មរបស់ប្រជាជន ប៉ុន្តែពាណិជ្ជកម្មវិញ មានភាពខ្លាំងក្លាដោយសារ មានព្រំប្រទល់ជាប់ប្រទេសវៀតណាម។គំរោងកសាងសងជាច្រើន កំពុងតែចាប់ផ្ដើមបន្ដិចម្ដងៗនៅក្នុងសហគមន៍ ដែលជាផ្នែកមួយដែលធ្វើ ឲ្យប្រជាជនមានជីវភាពធូរធាជាងមុន។ ដោយសារតែប្រទេសរបស់យើងជាប្រទេសមួយធម្មជាតិអំណោយផល អាចអោយប្រជាកសិកររបស់យើងធ្វើកសិកម្មបាន យ៉ាងងាយស្រួល។ជាពិសេសជាងនេះទៅទៀត នៅក្នុងតំបន់នោះកំពុងតែអភិវឌ្ឍន៍នូវផ្លូវគមនាគមន៍សម្រាប់អោយប្រជាពលរដ្ឋនៅតំបន់នោះងាយស្រួលក្នុងការធ្វើដំណើរនិងប្រកបរបររកស៊ីផងដែរ។
 |
អត្ថបទនេះគឺជាអត្ថបទខ្លីមិនពេញលេញ។ លោកអ្នកអាចជួយវីគីភីឌាដោយសរសេរពង្រីកបន្ថែម។ |
សេដ្ឋកិច្ផភូមិដំណាក់កន្ទួត
ភូមិនេះប្រជាជនមានជីវភាពមធ្យម មានប្រជាជន៧៥%ប្រកបរបរជាកសិករ ៣០%ជាអាជីវករលក់ដូរ ២៥%ជាមន្រី្តរាជការ។ការប្រកបរបរកសិករគឺដាំដុះទៅលើផ្ទៃដី៨០០ហិចតា ក្នុងឆ្នាំនេះប្រជាជនបានទទូល ទិន្នផលកើនជាងឆ្នាំកន្លងទៅ៤០%។ ក្រៅពីដំណាំស្រូវ មានដាំដំណាំបន្តប់បន្សំជាច្រើនទៀតដូចជា ស្វាយ ទាប ឆៃថាវ ដំឡូង ត្រាវ ពោត ស្ពី ម្រេច ...ល។ ជាពិសេសគឺដំណាំម្រេច ដែលជាដំណាំសនាំមុខគេបង្អស់នៅតំបន់នោះ ចំនែកដំណាំម្រេចវាមានតម្លៃខ្ពស់ ទាំងនៅទីផ្សារក្នុងស្រុក និងទីផ្សារអន្តរជាតិ បច្ចុប្បន្ននេះវាកំពុងមានគុណភាពខ្ពស់ខ្លាំងណាស់ ដែលបាននាំចេញទៅក្រៅប្រទេស ជាពិសេសនាំចេញទៅប្រទេសសហរដ្ឋអាមេរិចដែលជាកិត្យានុភាពកសិកម្ម របស់ប្រទេសកម្ពុជា។ ហើយនៅក្នុងភូមិគឺកំពុងតែសាងសង់ប្រឡាយទឹក និង ជីកអណ្ដូងជាច្រើន ប្រព័ន្ធធារាសាស្រ្ត សំរាប់ធ្វើ ស្រែប្រាំង ដើម្បីធ្វើអោយប្រជាជនទទួលបានទិន្នផល់ខ្ពស់ និងមានជីវភាពធូរធារ។ចំនែកឯអាជីវករលក់ដូរវិញ ឃើញថាសេដ្ឋកិច្ចគ្រួសារមានសំទុះយ៉ាងខ្លាំង ព្រោះការប្រកបរបរនេះមានការរៀបចំសមល្មមងាយស្រួលរកស៊ីជាងរបរផ្សេងៗ និងមានអាជីវកម្មក្នុងផ្សារកំពង់ត្រាច
ចំនែកឯមន្រ្តីរាជការវិញ រយះពេលប៉ុន្មានឆ្នាំនេះមានសំទុះរីកចំរើនគួរអោយគាត់សំគាល់ ជាពិសេស គ្រូបង្រៀន ប៉ូលីស ទាហាន និង ធ្វើការនៅអង្គការផងដែរ ព្រោះយុវជន យុវនារីបានរៀនច្រើន និងមានចំនេះដឹងច្រើនផងដែរ។