អ្នកប្រើប្រាស់:VECHEKA SC
| ថៃ្ងនេះ ថ្ងៃព្រហស្បតិ៍,ទី៨ខែឧសភា ឆ្នាំ ២០២៥
|
សូមស្វាគមន៍ការចូលទស្សនា វិគីភីឌា របស់យើងខ្ញុំ
នាងខ្ញុំឈ្មោះ គួយ វិច្ចិកា សិក្សានៅផ្នែកទំនាក់ទំនងសង្គមនិងសារព័ត៍ ជំនាន់ទី៥ នៃសាលាបច្ចេកទេសដុនបូស្កូ កែប។ កើតនៅថ្ងៃទី០៩ ខែ កញ្ញា ឆ្នាំ ១៩៩៧មានទីកន្លែងកំណើតនៅភូមិ ខ្លោងទ្វារ ឃុំ រនាម ស្រុក ទ្រាំង ខេត្ត តាកែវ រូបភាពនេះចង់បង្ហាញពីទីរួមខេត្តរបស់នាងខ្ញុំដែលស្ថិតនៅទីរួមខេត្តតាកែវ
ខេត្តតាកែវ
តាកែវគឺជារាជធានីនៃខេត្តតាកែវប្រទេសកម្ពុជា។
តំបន់ទេសចរណ៍
ភ្នំជីសូ
ប្រាសាទភ្នំជីសូបានស្ថាបនាឡើងទៅលើខ្នងភ្នំមួយមានកំពស់ ៣៨០ ម៉ែត្រ នៅដើមស.វទី ១១ (១០០២-១០៥០) ដោយព្រះបាទសូរ្យវរ្ម័នទី ១ ដើម្បីឧទ្ទិសដល់ព្រាហ្មសាសនា ។ ប្រាសាទភ្នំជីសូ សាងសង់អំពីថ្មភក់ និងលីប៉ូនីត មានបណ្តោយ ៦០ ម ទទឹង ៥០ ម ដែលមានកំពស់ ១៣០ ម និងមានថែវពីរជាន់ព័ន្ធជុំវិញ ។ ប្រមាណជា ១៥០ ម ពីខាងត្បូងប្រាសាទភ្នំជីសូគេឃើញមានរូងវិមានច័ន្ទ ។ រូងនេះជារូងធម្មជាតិមានតាំងពីយូរយារណាស់មកហើយ ។ ប៉ុន្តែដោយឆ្នាំ ១៩៧០ មានសង្រ្គាមការទម្លាក់គ្រាប់បែកធ្វើឲ្យរូងនេះត្រូវបិទជិតដោយដុំថ្មធំៗ មិនអាចចេញចូលបានទៀតឡើយ ។ នៅពេលចូលដល់ប្រាសាទភ្នំជីសូ ក្រុមនិស្សិតដែលជាសមាជិកសមាគមបានចាប់ផ្តើមថតរូបប្រាសាទ និងរូបខ្លួនឯងផងដែរ ។ នៅពេលមើលពីលើកំពូលភ្នំទៅខាងក្រោម យើងអាចឃើញវាលស្រែ និងទេសភាពដ៏ស្រស់ស្អាតនៅក្នុងខេត្តតាកែវ ។
ទន្លេបាទី
ទន្លេបាទីជាបឹងតូចមួយមានទីតាំងនៅតាមបណ្ដោយផ្លូវជាតិលេខ២ ប្រហែល៣៥គីឡូម៉ែត្រភាគខាងត្បូងទីក្រុងភ្នំពេញ។ ទីនេះជាទឹសដៅទេសចរណ៍ដ៏មានប្រជាប្រិយនាពេលចុងសប្ដាហ៍សម្រាប់ប្រជាជនក្នុងស្រុក។ ខ្ទមឫស្សីធ្វើជាជួរតាមបណ្ដោយមាត់បឹងធ្វើអោយរមណីយដ្ឋានមានស្ទីលបែបសុខដុមជាមួយនឹងអាហារ ភេសជ្ជៈ និងកន្លែងដើម្បីលំហែពីការងារដ៏តានតឹង។ ទីនេះក៏ជាកន្លែងស្ទួចត្រីដ៏មានប្រជាប្រិយមួយសម្រាប់អ្នកទេសចរនិងប្រជាជនក្នុងស្រុក។
ប្រាសាទតាព្រហ្ម
នៅជិតបឹង តាមបណ្ដោយផ្លូវជាតិឆ្ពោះទៅកាន់ខេត្តតាកែវ គឺជាប្រាសាទតាព្រហ្ម ដែលបានកសាងនាសម័យអង្គរសតវត្សរ៍ទី១២ដោយព្រះបាទជ័យវរ្ម័នទី៧ដែលបានថែរក្សាទុកយ៉ាងល្អ។ ប្រាសាទយាយពៅ ជាប្រាសាទសម័យអង្គរមួយទៀតដែលនៅជិតទន្លេបាទីដែរ។ មួយក្នុងចំណោមពីរ ប្រាសាទតាព្រហ្មមានវិសាលភាពធំជាង និងគួរអោយចាប់អារម្មណ៍ជាង ដែលមានចម្លាក់ដ៏ស្រស់ស្អាតដែលបានថែរក្សាទុកយ៉ាងល្អមួយចំនួន។ ប្រាសាទយាយពៅជាប៉មថ្មភក់តែមួយ មានទីតាំងនៅជិតវត្តព្រះពុទ្ធសាសនាមួយ។ ឈ្មោះយាយពៅ ពិតជាត្រូវបានដាក់ឈ្មោះរបស់ព្រះមាតាស្ដេចតាព្រហ្ម។
ផលិតផល សូត្រខ្មែរ
ខេត្តតាកែវ ជាតំបន់ដ៏សំខាន់ជាងគេដោយហេតុថាខេត្ត នេះមាន ចំនួនអ្នកត្បាញច្រើន ជាងគេដែលប្រមូលផ្តុំនៅ ស្រុកបាទី ស្រុកសំរោងស្រុកព្រៃកប្បាសនិងស្រុក អង្គរបុរី។ តំបន់នេះមានការរីកចំរើនខ្លាំងនា ប៉ុន្មានឆ្នាំចុង ក្រោយនេះ ដោយ សារមានការជួយជ្រោម ជ្រែងពីអង្គការ នានាលើផ្នែកបច្ចេកទេស និងការបណ្តុះបណ្តាល។ អ្នក ផលិតសូត្រនៅ ក្នុងស្រុក សំរោង ស្រុកបាទី ស្រុកកព្រៃកប្បាស ចំនួន១១ភូមិបាន រួមគ្នាចងក្រងជាសហគមន៍អ្នកផលិតសូត្រ ដើម្បីទទួល បានការគាំ ទ្រនានាលើផ្នែក ស្មារតី ទីផ្សារ និងបច្ចេកទេស។ -ទំហំផលិតកម្ម ក្នុងចំណោមស្រុកទាំងបួនមានកីតម្បាញចំនួន ២,២០០កី ផលិតផលចំនួន ៩០% គឺផលិតផលហូល១០% ផ្សេងទៀតផលិតជាសាច់ ក្រណាត់លាត និងក្រម៉ា។ -ទីផ្សារ រាជធានីភ្នំពេញ ខេត្តកណ្តាល និងខេត្តតាកែវ