គណៈកម្មាធិការជាតិរៀបចំការបោះឆ្នោត

គណៈកម្មាធិការជាតិរៀបចំការបោះឆ្នោត
ព្រះសង្ហារនៃព្រះរាជាណាចក្រកម្ពុជា
គណៈកម្មាធិការជាតិ overview
បង្កើត	១៩ ធ្នូ ១៩៩៧
ដែន​សមត្ថកិច្ច	កម្ពុជា
ទីស្នាក់ការ​កណ្ដាល	ផ្ទះលេខ២៧៥ មហាវិថីព្រះនរោត្តម សង្កាត់ទន្លេបាសាក់ ខណ្ឌចំការមន ភ្នំពេញ ១២៣០១
ថវិកា​ប្រចាំ​ឆ្នាំ	$២១ ០០០ ០០០ (២០១៣)
គណៈកម្មាធិការជាតិ​ប្រតិបត្តិ	អ៊ឹម-សួស្ដី, ប្រធាន ទេព-នីថា, អគ្គលេខាធិការ
គេហទំព័រ	NECelect.org.kh

គណៈកម្មាធិការជាតិរៀបចំការបោះឆ្នោត គ.ជ.ប គឺជាស្ថាប័នឯករាជ្យ​ដែលមាននាទីរៀបចំ​និងត្រួតពិនិត្យ​ការបោះឆ្នោតជាតិនៅកម្ពុជា។

ប្រវត្តិ

គណៈម្មាធិការជាតិ​រៀបចំ​ការបោះឆ្នោត​(គ.ជ.ប)​ត្រូវ​​បាន​​បង្កើត​​ឡើង​​ដោយ​​ច្បាប់​​ស្ដី​​អំពី​​ការ​​​បោះឆ្នោត​​ជ្រើសតាំងតំណាងរាស្រ្ដ​​ (ចបតរ) ដែល​​​ត្រូវបាន​​អនុម័ត​​ក្នុង​​ឆ្នាំ​​1997។ គ.ជ.ប ​មាន​​សមត្ថកិច្ច​​រៀបចំ​​ និង​​គ្រប់គ្រង​​ការ​បោះឆ្នោត​​ជ្រើសរើស​​​សមាជិក​​ព្រឹទ្ធសភា​ ការបោះឆ្នោត​​ជ្រើសរើស​​តំណាងរាស្រ្ដ​​ ការបោះឆ្នោត​​ជ្រើសរើស​ ក្រុមប្រឹក្សា​ឃុំ​ សង្កាត់​ និង​ការបោះឆ្នោត​​ជ្រើសរើស​ ក្រុមប្រឹក្សា​រាជធានី ក្រុមប្រឹក្សា​ខេត្ដ ក្រុមប្រឹក្សា​​ក្រុង ក្រុមប្រឹក្សា​​ស្រុក ក្រុមប្រឹក្សា​​ខណ្ឌ។ គ.ជ.ប ជា​​អង្កការ​ឯករាជ​ និង​អព្យាក្រិត្យ​ក្នុងការ​អនុវរត្ត​នូវ​សមត្ថកិច្ច​របស់​ខ្លួន​។ ​​​​បាវចនា​​របស់​ ​ គ.ជ.ប គឺ ឯករាជ្យ​ អព្យាក្រិត្យ​ សច្ចៈ​ យុត្តិធម៌​ និងតម្លាភាព​។

• ពីឆ្នាំ​1998-2002: គ.ជ.ប​​ មាន​សមាជិក​​ចំនួន​​11រូប(​មាន​សមាសភាព​ជាឥស្សរជន​​ខ្មែរ តំណាង​​ប្រជាពលរដ្ឋ​ តំណាង​គណៈបក្ស​នយោបាយ​ដែល​​មាន​​អាសនៈ​ក្នុង​រដ្ឋសភា ​តំណាង​ក្រសួង​មហាផ្ទៃ​ និង​តំណាង​​អង្កការ​មិនមែន​​រដ្ឋាភិបាល)​ ដែល​​រៀប​ចំ​ការ​បោះឆ្នោត​​ជ្រើសតាំង​តំណាងរាស្រ្ដ​អាណត្តិ​ទី​2 ឆ្នាំ​1998 និង​ការ​បោះឆ្នោត​ជ្រើសរើស​​ក្រុមប្រឹក្សា​ឃុំ សង្កាត់ អាណត្តិ​ទី1 ឆ្នាំ2002។
• ពីឆ្នាំ2002/2003-2006: គ.ជ.ប ​មាន​​សមាជិក​​ សមាជិកា​ 5​រូប ដែល​​រៀបចំ​ការ​បោះឆ្នោត​​ជ្រើសតាំង​តំណាងរាស្រ្ដ​អាណត្តិ​ទី3 និងការ​បោះឆ្នោត​​ជ្រើសតាំងសមាជិក​ព្រឹទ្ធសភា​ នីតិកាល​ទី2 ឆ្នាំ2006។
• ពីឆ្នាំ2006​ មក​ដល់​បច្ចុប្បន្ន: គ.ជ.ប ​មាន​​សមាជិក​ សមាជិកា​ចំនួន​ 9រូប ដែល​​រៀបចំ​ការ​បោះឆ្នោត​ជ្រើសរើស​​ក្រុមប្រឹក្សា​ឃុំ សង្កាត់ អាណត្តិ​ទី2 ឆ្នាំ2007។ ការ​​បោះឆ្នោត​​​ជ្រើសតាំង​តំណាងរាស្រ្ដអាណត្តិ​ទី4​​ ​ឆ្នាំ2008​។ ការ​បោះឆ្នោត​ជ្រើសរើស​​ក្រុមប្រឹក្សា​រាជធានី ​ក្រុមប្រឹក្សា​ខេត្ដ ​ក្រុមប្រឹក្សា​ក្រុង ​ក្រុមប្រឹក្សា​ស្រុក ​ក្រុមប្រឹក្សា​ខណ្ឌ អាណត្តិ​​ទី1 ឆ្នាំ2009។ ការ​​បោះឆ្នោត​ឡើងវិញ​ជ្រើសរើស​​ក្រុមប្រឹក្សា​ខណ្ឌពោធិ៍សែនជ័យ​ ឆ្នាំ2011​ និង​ ការ​បោះឆ្នោត​​ជ្រើសតាំង​សមាជិក​ព្រឹទ្ធសភា​ នីតិកាល​ទី3 ឆ្នាំ2012។

បុគ្គលិក-សមាជិក

សមាសភាពគណៈកម្មាធិការជាតិរៀបចំការបោះឆ្នោតបច្ចុប្បន្ន ដែលកាន់តួនាទីតាំងពីឆ្នាំ២០១១គឹ៖

• ប្រធាន: អ៊ឹម-សួស្ដី
• អនុប្រធាន: ស៊ីន ជុំបូ
• អគ្គលេខាធិការ: ទេព នីថា
• អគ្គលេខាធិការរង: សុកុលៈ ទីប៉ោ
• សមាជិក:
  • ហាវ៉ាណ ស៊ីវិល័យ
  • មាន សាទិ
  • ឯម សូផាត
  • សោម ច័ន្ទឌីណា
  • ម៉ៅ សុភារិទ្ធ
  • ស៊ិន ឌឹម
  • សោ សុភរី