Cengkèh
Cengkèh iku kuntum kembang kang garing saka wit cengkèh.[1] Cengkèh gampang urip ing laladan tropis.[1] Indonésia salah siji nagara kang kondhang bisa ngasilaké cengkèh.[1] Akèh tinemu wit cengkèh ing laladan Maluku.[1]
Cengkèh (Syzygium aromaticum) kagolong tuwuhan kang duwé wit kang gedhé lan kayuné atos.[2] Cengkèh bisa urip nganti puluhan taun, malah-malah ana sing atusan taun.[2] Dhuwure bisa nganti 20-30 mèter, pang-pange uga akèh.[2]
Cengkèh kanggo bahan campuran rokok krètèk, lan kanggo bumbu penyedap masakan.[3] Ambuné cengkèh kang khas dihasilké saka senyawa eugenol, kang dadi senyawa kang paling akèh (72-90%) kang nyusun lenga atsiri cengkèh.[3] Eugenol nduwé sipat antisèptik lan anestetik (bius).[3]
Klasifikasi Cengkèh
Klasifikasi cengkèh:[4]
- Divisi: Spermatophyta
- Subdivisi: Angiospermae
- Kelas: Dicotyledonae
- Bangsa: Myrtales
- Suku: Myrtaceae
- Marga: Syzygium
- Jinis: Syzygium aromaticum (L.)
Kasiat Cengkèh
Kasiyaté cengkèh bisa kanggo usada kaya ta:[5]
- Kanggo nambani lelara koléra lan nambah denyut jantung
- Bahan: cengkèh kang wis garing
- Carané nganggo: dikunyah lan disesep banyuné
- Lenga cengkèh bisa nggawé kuwat lendhir usus lan lambung, bisa uga nambah cacahé getih putih.
- Campak
- Bahan: 10 kembang cengkèh lan gula batu
- Carané: kembang cengkèh dikum banyu mateng sawengi, banjur ditambahi gula batu lan diudheg nganti rata. Banjur diombé sithik-sithik.
- Ngirengaké alis mata
- Bahan: 5-7 kembang cengkèh kang garing lan lenga kemiri.
- Cara gawé: kembang cengkèh diobong nganti gosong, banjur diuleg nganti alus lan ditambah lenga kemiri.
- Carané nganggo: diolesaké ing alis mripat saben soré.
Cathetan suku
- ↑ a b c d Tanaman Obat Cengkeh Archived 2011-03-16 at the Wayback Machine. (diakses tanggal 2 Maret 2011)
- ↑ a b c Tanaman Obat Archived 2010-05-22 at the Wayback Machine. (diakses tanggal 2 Maret 2011)
- ↑ a b c Cengkeh Tanaman Asli Indonésia Archived 2011-07-21 at the Wayback Machine.(diakses tanggal 2 Maret 2011)
- ↑ Tanaman Perkebunan[pranala mati permanèn] (diakses tanggal 2 Maret 2011)
- ↑ Cengkeh (diakses tanggal 2 Maret 2011)