HTML
| HTML (HyperText Markup Language) | |
|---|---|
| Skráarending: | .html, .htm |
| MIME-gerð: | text/html |
| UTI: | public.html |
| Hönnun: | W3C |
| Tegund forsniðs: | Ívafsmál |
| Útfærsla á: | SGML |
| Útfært í: | XHTML |
| Staðall: | W3C 4,01 (Tilmæli) |
HTML eða HyperText Markup Language er ívafsmál notað til þess að sníða stiklutexta, oftast notað við gerð vefsíðna og stundum tölvupósts. HTML er nú staðall haldið við af Alþjóðasamtökum um veraldarvefinn, W3C. Nýjasta endanlega útgáfa þess 4.01. WHATWG, undir ritstjórn Ian Hixie, birtir eigin útgáfu af staðlinum undir HTML5, en endurskoðar hann dags daglega. W3C hyggst blessa eina útgáfu af HTML5 staðlinum, en mælir sem stendur útgáfu 4.01. Sérstök merki, tög (oft kölluð mörk),eru notuð í HTML til að merkja á rökréttan hátt hvaða hlutar skjalsins þýða hvað, til dæmis hver fyrsta fyrirsögnin á síðunni er, merkin eru táknuð með goggum, eða minna en og stærra en merkjum. Einnig er stór hluti taga í HTML sem segir til um útlit hluta skjalsins, en HTML hefur einmitt verið gagnrýnt fyrir að greina ekki nægilega vel á milli útlitsþátta (umbrots) og innihalds.
Dæmi um HTML5 kóða:
<!DOCTYPE html>
<html lang="is">
<head>
<meta http-equiv="Content-Type" content="text/html; charset=UTF-8">
<title>Halló heimur!</title>
</head>
<body>
<p>Halló heimur!</p>
</body>
</html>
.svg?lang=is)
