Base de datos relational
In le modello relational de base de datos, le datos es organisate in relationes. Le termino relation e basicemente un termino mathematic pro un tabella, hinc le termino "relational".
In un systema relational il ha operators que genera relationes nove de relationes vetere. Pro exemplo, il ha un operator que extrahe un subensemble del rangos de un tabella e un altere operator que extrahe un subensemble del columnas.
Modellos altere es le modello hierarchic e le modello de rete.
In le modello relational, a differentia del altere modellos, uno realisa le independentia logic, o in altere parolas il es possibile modificar le structuras sin deber modificar le programmas.
On pote in ultra modificar le structuras in un base de datos aperite, con le usatores connectite.
Bibliographia
- C. J. Date An introduction to database systems. Addison-Wesley, 2000, ISBN 0-201-68419-5.