Base de datos hierarchic

Modello Hierarchic

Le modello hierarchic organisa le datos in records ligate inter se secundo structuras ad arbore.

Omne record del base de datos, que non es le radice del arbore, debe haber un sol patre. Il pote tunc haber duo records, sur arbores diverse, que representa le mesme information. Iste comporta problemas de redundantia in le base de datos e require controlos de consistentia durante su uso. In ultra il non es possibile immagazinar informationes sin un patre.

Le structura hierarchic impone regulas rigide sur modo de facer le ajornamentos e le interrogationes: le nivello plus alte es le puncto de accesso a tote le informationes. Le cancellation de un record del base de datos comporta le elimination de tote le records dependente hierarchicamente de illo. Le ajornamento de un dato require le accesso e le modification de diverse records pro assecurar le consistentia del base de datos.

Le modello hierarchic comporta la dependentia del programmas ab le structuras, ergo non es possibile modificar le structuras sin modificar le programmas.