XML Schema

Nota

Iste articulo es in disveloppamento

Un o plus wikipedistas labora al momento pro meliorar iste articulo. Per iste ration, le information del articulo poterea esser incomplete. Per favor, propone nove cambios in le pagina de discussion.

XML Schema publicate como recommendation per le World Wide Web Consortium (W3C) in le maio 2001 es un linguage de description de formato de documento XML permittente definir le structura e le typo de contento de un documento XML. Iste definition permitte notabilemente verificar le validitate de iste documento.

Il es possibile describer un organisation de vocabularios de origines differente, per le usage del spatios de nomines. Il es possibile combinar le schemas mesme, e exprimer un combination pro le documento contenite, como alcuno qui parlarea de geographia e de sociologia in un mesme texto.

Il es equalmente possibile, post un validation, de saper con qual regula un information particular ha essite verificate: illo es le serie de validation post-schema, o PSVI (post-schema-validation infoset).

Un definition se compone de un o plure documentos XML, usualmente nominate XML Schema Definition in anglese, o file XSD.

Un instantia de un XML Schema es un pauc le equivalente de un definition de typo de documento (DTD). XML Schema apporta totevia plure differentias con le DTD: illo permitte per exemplo definir dominios de validitate pro le valor de un campo, durante que illo non es possibile in un DTD; in contrasto, illo non permitte definir entitates; XML Schema es mesme un documento XML, durante que le DTD es documentos SGML.

Iste linguage de description de contento de documentos XML es mesme definite per un schema, e le marcationes de definition de illo es auto-definiente (isto es un exemplo de definition recursive).

Le recommendation del W3C 1.0 se compone de un documento de presentation (non normative), de un documento specificante como definir le structura, e de un documento specificante como definir le datos. Le ultime edition, de version 1.0, de iste recommendation, data de 2004. Le W3C travalia actualmente super le version 1.1 cuje objectivo es definir le notiones de version de schema, e coercitiones secundo le presentia de tal o tal valor.

Modello de XML Schema

Le recommendation specifica le validation del documentos XML a partir de un modello abstracte; illo forni le formato XML.

Pro iste modello abstracte, un schema es un ensemble de componentes, tal como:

• le declaration de elementos (le notion de elementos veni del recommendation XML),
• le declaration de attributos (illo veni anque del recommendation XML),
• le definition de typos simple (valores constituite unicamente a partir de un catena de characteres),
• le definition de typos complexe (valores constituite de attributos e de altere valores).