File Transfer Protocol
Le protocollo FTP (File Transfer Protocol, protocollo pro transferer files) es un parte del protocollos del Internet pro transferer files inter computatores con systemas de operation multo varie.
Ben que FTP es usabile directemente per un usator a un terminal, illo es designate principalmente pro uso per programmas, i.e. on normalmente lo usa de modo indirecte.
Multe sitos que executa servitores FTP permitte si-nominate FTP anonyme. Usatores non besonia un conto in le servitor, ma es requestate de inviar lor adresse de e-mail como contrasigno, ben que il non ha verification.
Standard technic
FTP es [[[standardisation|standardisate]] in RFC 0959 per le IETF como:
- RFC 0959 File Transfer Protocol (FTP). J. Postel, J. Reynolds. Oct-1985. (Formato: TXT=147316 bytes) http://www.ietf.org/rfc/rfc959.txt
FTP es un protocolo a 8 bits, capace de transferer qualcunque typo de file sin necessitate de processamento ulterior per medio de p.ex. MIME o UUEncode.
FTP se executa normalmente in porta 21, ma pro le transferimento de files individual es initiate automaticamente connexiones separate in portas qualcunque.
Objectivos de FTP
- Permitter le publication de files (programmas de computator e/o datos).
- Incoragiar le uso directe o implicite (via programmas) de compuatores remote.
- Celar del usator le variationes inter le systemas de immagazination de files inter servitores.
- Transferer datos dependabile- e efficacemente.
Disavantages de FTP
- Contrasignos e le contento del files es inviate in texto pur, assi que es possibile que tertie partitos lo intercepta.
- Es difficile filtrar le traffico FTP usante un muro de foco, post que le connexiones pro datos es facite via portas qualcunque, causante difficultate de combinar le uso de FTP con le protection contra vandalos in-linea.
- In parte a causa de lo precedente, FTP ha un latentia multo alte; isto es, le tempore inter le comenciamento del requesta e le comenciamento del reception del dato requestate pote esser assatis longe, e un procedura de login alicun vices assatis longe es requirite.
- Es possibile instruer un servitor a inviar datos a un porta qualcunque de un tertie computator, causante un risco de securitate.
FTP e navigatores del web
Hodie, navigatores del web pote emplear le protocollo FTP, via un URL in le forma de ftp://adresse del servitor (p.ex. ftp://ftp.fortunecity.com). Un tal adresse URL initia un connextion de FTP anonyme.
Pro ftp non-anonyme es possibile includer un nomine de conto e un contrasigno: ftp://login:contrasigno@adresse del servitor (p.ex. ftp://martin:d47ncn38@ftp.fortunecity.com).