SQL

SQL es un linguage de interrogation de base de datos e illo es generalmente usate como linguage hospite de altere linguages de programmation.

Actualmente (2003) es in curso un processo de revision del linguage per ANSI e ISO que deberea transformar lo in un linguage complete de programmation e illo se appellara SQL3.

Le facto de haber un standard definite per un linguage pro le base de datos relational, aperi potentialmente le strata al intercommunicabilitate inter tote le base de datos con le modello relational.

Historia

Le historia de SQL inicia in 1974 con le definition de Donald Chamberlin e de altere personas que laborava presso le laboratorios de recerca del IBM de un linguage per le gestion del base de datos que adoptava le modello relational. Iste linguage se appellava SEQUEL (Structured English QUEry Language) e illo esseva usate in un prototypo appellate SEQUEL-XRM inter 1974 e 1975. Le experimentationes con tal prototypo portava inter le 1976 e le 1977 ad un revision del linguage (SEQUEL/2), que cambiava nomine per motivos legal, deveniente SQL. Le prototypo (System R) fundate su iste linguage esseva adoptate e utilisate internemente per IBM e per alcun su clientes seligite. Gratias al successo de iste systema, que non esseva ancora commercialisate, anque altere companias initiava a disveloppar lor productos relational con linguage SQL.

In le 1983 IBM comenciava a vender DB2. In le curso del annos octanta numerose companias (per exemplo Oracle e Sybase) vendeva productos con linguage SQL, que deveniva le standard industrial di facto pro le base de datos relational.

In 1986 le ANSI adoptava SQL como standard pro le base de datos relational e in 1987 illo deveniva anque le standard ISO.