JavaScript

ĝavaskripto aŭ javaskripto (angle kaj diverslingve javascript) estas interpreta, objektema programlingvo kreita en 1995. ĝin rulas ttt-legiloj. pro sekureco de personaj komputiloj ĝi ne skribas sur diskojn. sekve ĝi nur modifas tion, kio aperas en la legilaj fenestroj.

oficiale ĝavaskripton difinas la normo ecma-262, alinome ecmascript. la diversaj ttt-legiloj sufiĉe bone konformas al tiu normo, sed ili kaŭzas programajn komplikojn pro malsimilaj adaptoj de la dokumentobjekta modelo (normo dom), tra kiu ĝavaskripto manipulas la fenestrajn objektojn.