PHP

Alang sa kwarta sa Pilipinas, adtoa ang Peso Pilipino.

Ang PHP maoy usa ka lenggwaheng pang-eskrip, orihinal nga gidesinyo para makamugna og dinamikong mga panid sa web. Mi-evolve kini aron makahimo og command line interface ug aron pwede magamit sa mag-inusarang aplikasyon nga grapiko.

Samtang ang PHP gimugna ni Rasmus Lerdorf adtong 1995, ang meyn nga implementasyon sa PHP sa karon gihimo sa The PHP Group ug misilbi isip de facto nga estandard alang sa PHP kay way pormal kini nga espesipikasyon. Ang PHP usa ka libreng software gibuhian ubos sa Lisensiya sa PHP, hinuon, dili kini kompatibol sa GPL tungod sa mga restriksyon sa paggamit sa terminong PHP.

Ang PHP gigamit kaayo isip pangtanang lenggwaheng pang-eskrip nga haom sa pagdebelop sa web ug pwede i-embed sa HTML. Kasagaran kini modagan sa web serber, mokuha og mga kowd sa PHP isip input ug mohimo og mga panid sa web isip awtput. Pwede kini madeploy sa daghang web serber ug sa hapit tanang operating system ug plataporma nga libre ang paggamit. Ang PHP nakainstol sa labaw pa sa 20 milyones ka mga websayt ug 1 ka milyon nga web serber.