Lazarus (Programm)

Der Artikl is im Dialekt Obaboarisch gschriem worn.

Lazarus is a Programm des oam beim Programmiern in das Programmiersprach Pascal häifa soi. Es säim enthoid koan Compiler zum Erzeugn vo de Programme, fia des vawendts FreePascal. Lazarus is wia FreePascal a a Open-Source-Programm. Lazarus orientiert se im Äußern und a in da Bedienung an Delphi vo Borland, is aba ned voiständig kompatibel.

De Entwickler säiba beschreim Lazarus ois Open source GUI RAD IDE for freepascal.

• Es is oiso a GUI (graphical user interface) fia Freepascal. Des hoasd ma kriagt mid Lazarus a moderne Bedieneroberflächn mit mehrere Fensterln, Menüs usw. fia Freepascal. Freepascal säiba hod nua a Textorienterte Oberflächn de a bissal an's oide Turbo-Pascal unter MS-DOS erinnert.
• Lazarus soi beim RAD (rapid application development) häifa. Dazua ko ma im Baukastnprinzip schnäi Fenster, Menüs usw. seine eigna Programme hizuafügn.
• Lazarus zäid zua de integrierten Entwicklungsumgebunga. Des hoasd, es ko greaßane Projekte aus mehra Quelltexte vawoidn und huifd oam beim Fehlersuacha, indem's de Ergebnisse vom Debugger vo Freepascal im Quelltext markiern ko.

Lazarus is plattformunabhängig, des hoasd Programme kenna damit fia faschiedne Rechner/Betriebssysteme erstellt wern. Bsundas guad funktioniert des zua Zeit mit Linux, Windows und Mac OS X. Wenn ma koane spezielln Funktiona aus oam bestimmtn Betriebssystem bnutzt, ko ma an säibn Quellcode auf de vaschiedna Betriebssyteme in a Programm iabasetzn losn.