SQL
SQL is a Programierspråch zan definiera va Datnstrukturn, åbfrågn und vaändarn va Daten in relazionaln Datenbanken. De ANSI und die ISO håm den Språch standatesiert. Engsetzt wiard's in fåst ålle gebreichlichen Datnbanksystema.
SQL is nåchn ANSI-Standard a eignständiga Nåm und koa Åbkiarkzung fia „Structured Query Language“ wia so måncha moant. Åbgleit wiard da Nåm SQL va sein Voaleifa SEQUEL, wås a Åbkiarkzung va „Structured English Query Language“ wår, und van Edgar F. Codd (IBM) ausdåcht wårn is.
SQL is a deklarative Språch, sematisch eng ångloant an den englische Umgångsspråch. Mit SQL-Befeöhln wearn Datnstrukturn definiert, Datnbständ engfügt, vaändart oda glöscht und Datn åbfrågt. Weul's quasi a Standard is, dem ma unåbhängig va da gnutzten Datnbanksoftware vawendn kån, is recht weit vabreit.
Standardisiarung
De heitztågs gebreichlichstn Datnbanksystema erfüłn mehr wenig große Teuł va de ANSI und ISO Normen. Des erméglicht Ånwendungsprogramme zu popogramm, de unåbhänge va da vawendeten Datnbank san. Vor da SQL Zeit håt ma des mit ånpaßte Schnittstöłn hingriagn miaßn. Üble sand a herstellaspezifische Ausweitunga, de üban Standardspråchumfång hinausgengan.
Månche SQL-Befeöhl wearn net in ålln SQL Dialektn glei vaståndn. So gibts Dialekt de das Schlisslwort AS, des man zan umbenenna va Spåltnnåm vawendt, goar net brauchn, und des Alias direkt hintan Spåltnnåm steht. A ban Schlisslwort UNION gibt's Untaschiad.
Chronologie va da Standardisiarung:
- etwa 1975: SEQUEL = Structured English Query Language, da Voaleifa va SQL, wird fia des Projekt System R va IBM entwücköłt.
- 1979: Relational Software Inc bringt SQL mit Oracle V2 erstmåls afn Mårkt.
- 1986: SQL1 wiard va ANSI ois Standard vakindt.
- 1987: SQL1 wiard va da Internationalen Organisation fia Normung (ISO) ois Standard vakindt und 1989 nuamåł iwaåwat.
- 1992: Da Standard SQL2 oda SQL-92 wiard va da ISO vakindt.
- 1999: SQL3 oder SQL:1999 wiard vakindt.
- 2003: SQL:2003 ISO/IEC 9075:2003 wiard va da ISO ois Nåchfołga van SQL:1999-Standard vakindt.
- 2006: SQL:2006 ISO/IEC 9075-14:2006 legt fest, wia SQL in Zusåmmanhång mit XML verwendt wearn koa.
- 2008: SQL:2008 ISO/IEC 9075:2008 is de aktuelle Revision van SQL-Standard.