Linux

Linux ye el kernel pa dellos sistemas operativos d'ordenador. Ye ún de los exemplos más conocíos de software llibre y desendolcu de códigu abiertu: al contrariu que los sistemas operativos propietarios comu Windows y Mac OS, tou'l códigu fonte ta a disposición del públicu y tol mundu pue emplegalu, camudalu y redistribuílu llibremente.

La pallabra Linux refiérese al kernel, pero emplégase de cutio pa nomar sistemas operativos enteros semeyos a Unix (tamién nomaos GNU/Linux) que tan basáos nel Linux kernel mestáu con biblioteques y ferramientes del proyeutu GNU y otres fontes. Una distribución de Linux inclúi munchos programas de aplicación xunto con el núcleu'l sistema, y ufierta una istalación y actualización fáciles.

Linux entamáronlo dalgunos usuarios entusiastas. Anguañu, Linux ya tien el sofitu de empreses perimportantes, comu IBM, Hewlett-Packard o Novell pa usalu en servidores, y tamién va faciéndose popular nes estaciones de trabayu ya ordenadores personales. Dizse que esti ésitu débese a la independencia del vendedor, la seguridá y la fiabilidá.

Anguañu Linux pué instalase en cásique toes les arquitectures d´ordenador, dende sistemas empotraos a superordenadores.