Syntax

S Wort Syntax kunnt üs em (Griechische σύνταξις ['syntaksis] un bedittet Zämmenstellig; uf Alemannisch: Satzboi. In dr Syntax gohts drum, wiä Werter zu greßere Eiheite zämmegstelt wäre - also zu Teilsätz, Sätz, Satzgfiäg (= zwee oder meh Sätz, wu vunenender abhängig sin).

In verschiidene Sproche gits do gwaltigi Unterschiid. Zum Biispiil sin d tirkisch un d alemannisch Syntax grundverschiide. S folgt e alemannische Satz, dr glich Satz uf tirkisch und drno wird d Reihefolg im Tirkische uf alemannisch nogmacht.

• Sälle Büür, wu geschtert go z Acker fahre gange isch un vermisst wore isch, hän si hit gfunde.
• Dün tarla sürmeye gidip kayboldugu o köylü bügün bulundu.
• Geschtert Acker fahre gang... (gidip) vermisst-wore-sigend (bulundugu) sälle Büür hit gfunde-wore-isch (bulundu).

Dr alemannisch Satzboi isch mit em hochditsche verwandt un wird wäge däm viilmol durenander brocht.

In dr Informatik redet mer ebefals vu Syntax, dert sin d Regle vu Programmiärsproche gmeint.