Wikipedia:Tutorial
 |
Wikipedia-Tutorial | |
|---|---|---|
| 1. Bearbeitige mache | 2. Teggschtgstaltig | 3. Bilder yybaue | 4. Syte neu aalege | 5. Diskussionssyte | 6. Schlusspunkt |
Sali und härzlig willkomme bim Wikipedia-Tutorial, de Schritt-für-Schritt-Aleitig durch d Wikipedia!
D Wikipedia isch e Internet-Enzyklopädy, wo vo vyle Lüt zämme bearbeitet wird. Jede, wo en alemannische Dialäkt bherscht un öbis zumene Thema weiss, cha mitschrybe. Mer muess kei Wüsseschaftler, Experte oder Schriftsteller sy, un mer muess sich au nit bewerbe. Des Tutorial zeigt dr, wie de sofort chasch aafange mitschrybe!
Dodeby müesch im Chopf bhalte, dass des do e Churzaleitig isch und kei usgarbeiteti Beschrybig vo de Wikipedia-Regle oder vo allne möglige Fähigkeite vo de Software. Wenn dr dich für Details interessiersch, no findsch im ganze Tutorial Gleicher uff anderi Wikipedia-Site, wo usfiehrliger über d Theme vom Tutorial informiere.
Usspropiere chasch dyn neus Wüsse jederzit im Sandchaste. Des isch e Syte, wo numme zum ussprobiere doo isch, un sunscht kei Inhalt het.
OK? Jetz fange mr a!