Wikipedia:Tutorial/3

Site verlinke

Interni Gleicher (=Links), also Querverwys uff anderi Wikipedia-Artikel, trage vyl zur sinnvolle Nutzig vo de Wikipedia by. D Links ßin eifach zum Erzüge; si verwyse de Läser uff Artikel mit usfiehrlige Informatione zu de Theme, wo de Artikel erwähnt.

Wänn sott mer e Gleich setze?

Zum lehre, wänn und wo's sinnvoll isch, e Gleich z setze, lohnt's sich, e baar bsunders glungeni Wikipedia-Artikel azlüege und ihr Stil nochzahme. Am beste versetzisch dich bim Schrybe jewyls in d Rolle vom Läser und froggsch dich, welle Links du sälber folge dätsch.

Wie setzt mer e Gleich?

Mit zwei äckige Chlammere erzügsch uss me Wort in dinem Tekscht e Link uff de glychnamig Artikel. Uss [[Enzyklopädie]] wird bim Speichere zu Enzyklopädie, e Link uff de Wikipedia-Artikel "Enzyklopädie".

Wenn dr aber nit "Enzyklopädie" schrybe wottsch, sondern "Enzyklopädii", "Enzyklopädy" oder öbbis anders, no chasch e senkrächte Strich noch em "Enzyklopädie" yge und deno des schrybe, was azeigt werre soll. Bispyl: [[Enzyklopädie|Enzyklopädy]] wird zu Enzyklopädy

Mänki Artikel hän Titel, wo e rundi Chlammere am Änd stoht. Vor allem Chönig und Kaier hän oft e Lemma wie Wilhelm I. (England) oder Wilhelm II. (Deutsches Reich). Wenn chlar isch, wer gmeind isch, no git's e Trick, dass mer nit de ganz Titel no mol schrybe müeß: Eifach di alternativi Bezeichnig noch em senkrächte Strich freilo. Alles in de runde Chlammere wird deno abgschnitte. Uss [[Wilhelm II. (Deutsches Reich)|]] wird also Wilhelm II.

Site usserhalb vo de Wikipedia

Links uff Site usserhalb vo de Wikipedia sottsch numme under de Überschrift "Extärni Site" oder ähnlig am Änd vom Artikel setze - im Artikel sälber siht mer si nit gern.

E extärne Link erzügsch am eifachste, indem dr di komplätti URL (Internet-Adress) vo de Site ytippsch, wo druff verwyse werre soll: Uss http://als.wikipedia.org/wiki/Houptsyte wird http://als.wikipedia.org/wiki/Houptsyte. Des wird allerdings oft nit gmacht, wyl di komplätti Internetadräss azeigt wird, was nit eso schön ussiht.

De chasch drum au e andere Tekscht azeige lo. Allerdings wird dodefür nit de senkrächt Strich verwändet, sondern e eifachs Leerzeiche noch de Adräss, denoch chunnt de Tekscht, wo azeigt werre soll. Also:

Uss [http://als.wikipedia.org/wiki/Houptsyte Alemannischi Wikipedia]

wird Alemannischi Wikipedia

„Hilfe, my Link isch rot!“ – Neui Artikel alege

Wenn's no kei Artikel mit dem Titel hät, no werre d Gleicher dunkelrot (statt blau) azeigt. Des isch nit schlimm - eso wachst d Wikipedia. Wenn dr uff e rots Gleich klicksch, no wirsch diräkt ins Tekschtfänschter, wo de e Artikel bearbeite chasch. Meh dodezüe im nächste Kapitel:

Witer im Tutorial.