Electronic Numerical Integrator and Computer

ENIAC uf eme Bild vo dr US-Armee

Dr Electronic Numerical Integrator and Computer (ENIAC) isch dr erst rein elektronisch digitali Universalcomputer gsi. Im Uftrag vo dr US-Armee isch er vo 1942 aa vom J. Presper Eckert und vom John W. Mauchly an dr University of Pennsylvania entwigglet und am 14. Februar 1946 dr Öffentlichkeit vorgstellt worde. Bis zu siiner Abschaltig am 2. Oktober 1955 het er dr US-Armee zur Berächnig vo ballistische Tabälle dient.

Ähnlig wie bim Atanasoff-Berry-Computer (1938–1942) und bim britischen Colossus (1943), eme kryptographische Spezialrächner, het me bim ENIAC Elektronenröhre iigsetzt zur Repräsentation vo Zahle und elektrischi Puls für ihri Überdrägig. Das het e dütlig höcheri Rächeleistig zur Folg gha as si dr Z3 (1941) het chönne erreiche, wo vom Konrad Zuse 1941 konzipiert worden isch und zwar e moderneri Architektur gha het, aber no uf elektromechanische Relais basiert gsi isch. Wie dr ASCC (baut zwüsche 1939 und 1944 und spöter as „Mark I“ bekannt) het dr ENIAC e Dezimalsystem zur Darstellig vo Zahle bruucht.

Dä Artikel basiert uff ere fräie Übersetzig vum Artikel „[[:{{{1}}}:{{{2}}}|{{{2}}}]]“ vu {{{1}}}.wikipedia.org. E Liste vu de Autore un Versione isch do z finde.