13 September

13 September is die 256ste dag van die jaar in die Gregoriaanse kalender (257ste in skrikkeljare). Daar volg nog 109 dae.

Gebeure

• 533 – Belisarius se legioene verslaan Gelimer en die Vandale by die Slag van Ad Decimum, waarmee die herverowering van die Weste onder Bisantynse keiser Justinianus I begin.
• 604 – Pous Sabinianus volg Pous Gregorius I op.
• 1276 – Pous Johannes XXI volg Pous Adrianus V op.
• 1394 – Jode word uit Frankryk verdryf op bevel van Karel VI.
• 1677 – Pietro Vito Ottoboni (later Pous Alexander VIII) word kardinaal-priester van S. Maria in Trastevere.
• 1759 – Die Slag op die Abraham-Ebene by Québec beslis die Frans-Indiaanse oorlog in die guns van die Verenigde Koninkryk.
• 1838 – Pous Gregorius XVI stel Engelbert Sterckx, aartsbiskop van Mechelen Filippo De Angelis, aartsbiskop-biskop van Montefiascone aan as kardinale.
• 1882 – Die magte van kolonel Ahmad Urabi, leier van die Egiptiese nasionalistiese beweging wat teen die Europees-ondersteunde regering van die Khedive Tawfiq rebelleer word deur 'n Britse leër onder sir Garnet Wolsley verslaan by die Slag van Tall al Kabir.
• 1922 – Hoogste temperatuur gemeet: 58 °C (opgeteken in al-Aziziyal in Libië).
• 1979 – Venda word die derde van vier Suid-Afrikaanse tuislande om onder die apartheidsbeleid 'onafhanklikheid' te verkry. Die onafhanklikheid word nêrens behalwe in Suid-Afrika en in die ander 'onafhanklike' tuislande erken nie.
• 1987 – Goiânia-voorval: 'n Radioaktiewe voorwerp word uit 'n verlate hospitaal in Goiânia, Brasilië, gesteel en baie mense word aan bestraling blootgestel.
• 1993 – Ná maandelange geheime onderhandelinge in Noorweë, word die Oslo-vredesverdrag in Washington, D.C. deur die Palestynse Bevrydingsorganisasie en Israel onderteken.

Geboortes

• 1801 - Alfred Donné, ’n Franse bakterioloog, dokter en bekend vir die ontdekking van trichomonas vaginalis en leukemie. Hy is ook die uitvinder van die fotoelektriese mikroskoop († 1878).

Sterftes

• 1592 – Michel de Montaigne, Franse essayis (* 1553)
• 1996 – Tupac Shakur, Amerikaanse rapper, in Las Vegas doodgeskiet (* 1971).

Vakansies, vierings, en waarnemingsdae

• Feesdag van Pous Nicolaas I die Grote in die Rooms-Katolieke Kerk.

Gepubliseer

Teologie

• 1758 – A Quo Die – Oor Christelike eenheid - deur Pous Clemens XIII.