Brontekst bekijken van Gebruker:Forstbirdo

{{Babel|vls|nl-4|eo-2|fr-2|en-2|de-1|es-1|af-1|}}
Forstbirdo is Esperanto, en 't wil zegn : busveugle.<br>

'k Ên volgnde vertoaliengn in mekoar gestookn : [[Akademiestroate]], [[Alaska-Schiereiland]], [[Alletorre]], [[Ari Þorgilsson]], [[Dante Alighieri]], [[Lou Andreas-Salomé]], [[Bakkersreie]], [[Balloade van de geangn]], [[Beikn en dinne gezoajde busschn van Kamtsjatka en de Koerieln]], [[Bergbusschn en toendra van den Oeral]], [[Berke]], [[Berkachtign]], [[Beuke]], [[Beukachtign]], [[Bieskoajr-pling]], [[Bioom]], [[Bio-remeediejoasje]], [[Blêndn-Eezlestroate]], [[Giovanni Boccaccio]], [[Boeknneute]], [[Boreoale bergbusschn van 't Alaska-Schiereiland]], [[Boreoale berkebusschn en alpiene toendra in Ysland]], [[Boreoale busschn]], [[Boreoale busschn roend de Cook-Golve]], [[Boreoale busschn van Kamtsjatka en de Koerieln]], [[Boreoale busschn van de Koopre-Ôogvlakte]], [[Boreoale busschn van ôostlik Siebeerje]], [[Boreoale busschn van westlik Siebeerje]], [[Brugsche godsuuzn]], [[Brugsche stadspôortn]], [[Robert Burns]], [[Busschn in ôostlik Kanada - boreoaln oovregank]], [[Busschn van de nôordlikke Kordieleera]], [[Busschn van d' ooglandn van Newfoundland]], [[Busschn van 't nôordlik Kanadeesch Schild]], [[Busschn van sentroal Kanada]], [[Busschn van 't westlik Kanadeesch Schild]], [[Buuk]], [[Byzantyns Ryk]], [[Casablanca]], [[Cook-Golve]], [[Marcus Tullius Cicero]], [[John Clare]], [[Camille Claudel]], [[Ceedre]], [[Centroal-amerikoansche ekoprovinsje]], [[Cypresse]], [[Cypresachtign]], [[De Garre (Brugge)]], [[Denne]], [[Doeglas]], [[Dichtkunste]], [[Drooge busschn van 't binneland van Joekon]], [[Dyvre]], [[Echte bien]], [[Echte mottn]], [[Emily Dickinson]], [[Joris Dumery]], [[Joris Dumerypling]], [[Eirdrykskunde]], [[Ekostelsl]], [[Ekostreeke]], [[Ekozôone]], [[Eratosthenes]], [[Esse]], [[Eusosjalieteit]], [[Mahmoud Darwisch]], [[Denne]], [[Fagales]], [[Fes]], [[Galbert van Brugge]], [[Gent'of]], [[Gentpôorte-stroate]], [[Gewêfsleutl]], [[Geweune ôornbêeste]], [[Goednand-reie]], [[Groenereie]], [[Grôot Sleevie-Mêer]], [[Thomas Hardy]], [[In Memoriam A.H.H.]], [[Insektn]], [[Ik zyn (gedicht)|Ik zyn]], [[Íslendingabók]], [[Karajiebn]], [[Keevrs]], [[Federico García Lorca]], [[Gervinus van Oednburg]], [[Guido Gezellepling]], [[Gistl'of]], [[Jezus begost te schrêemn]], [[Kamtsjatka-Schiereiland]], [[Kanadeesche boreoale busschn]], [[Karajiebiesche ekoprovinsje]], [[Karajiebiesche Zêe]], [[Klêene Illige-Gêeststroate]], [[Koepeure (Brugge)]],  [[Koerieln]], [[Koniefeern]], [[Kroane-pling]], [[Kroane-reie]], [[Lamiales]], [[Langereie]], [[Laudate Dominum]], [[Lorke]], [[Libelln]], [[Marrakesh]], [[Marokko]], [[Meezjs]], [[Meknes]], [[Miern]], [[Minnewoatre]], [[Mottn]], [[Minnebopling]], [[Muntpling (Brugge)]], [[Muskwa-Bergn]], [[Naktzoadign]], ''[[Nearctis]]'', ''[[Neotropis]]'', [[Nôordstroate (Brugge)]], [[Nôordwestlikke Gebiedn]], [[Olyfboomachtign]], [[Olyfboom (geslacht)]], [[Ôornbêestn]], ''[[Palaearctis]]'', [[Pergamyn]], [[Francesco Petrarca]], [[Petrus Plancius]], [[Psalmn]], [[Pynboom]], [[Pynboomachtign]], [[Rabat]], [[Ahmed Rami (dichtre)|Ahmed Rami]], [[Rechtvleuglign]], [[Rôoznoedkoaje]], [[Sint-Amandstroate]], [[Stoofstroate]], [[Fuad Rifka]], [[Oede Beurze-pling (Brugge)]], ''[[Orientalis]]'', [[Professor Dr. J. Sebrechtsstroate]], [[Rainer Maria Rilke]], [[Romeinsche weegn in België]], [[Pierre de Ronsard]], [[E Rô, Rô Rôoze]], [[Antonius Sanderus]], [[Schatserydrs]], [[Schubvleuglign]], [[Siebeerje]], [[Sint-Annakerke (Brugge)]], [[Sint-Annareie]], [[Sinte-Pietersabdy (Oednburg)]], [[Sint-Donoasprôosdy]], [[Sint-Janspling (Brugge)]], [[Sint-Moartenspling]], [[Sint-Salvatorskateedroale]], [[Souda]], [[Sparre]], [[Speeglreie]], [[Stanza]], [[Sonnêtn vor Helena]], [[Systêem]], [[Félix María Samaniego]], [[Schuuflêtte]], [[Siebeerje]], [[Staduus van Brugge]], [[Stêenstroate (Brugge)]], [[Simon Stevinpling (Brugge)]], [[Skandienoavsche en Russiesche boreoale busschn]], 
[[Tajga an de zuudlikke Hudson-Boaje]], [[Tajga tusschn de Muskwa-Bergn en 't Grôot Sleevie-Mêer]], [[Tajga tusschn de Muskwa-Bergn en 't Grôot Sleevie-Mêer (Global-ekostreeke)]], [[Tajga van de Nôordwestlikke Gebiedn]], [[Tajga van 't ôostlik Kanadeesch Schild]], [[Tanger]], [[Alfred Tennyson]], [[Terwoan]], [[Giuseppe Ungaretti]], [[Walter van Terwoan]], [[Têrzyne]], [[Tétouan]], [[Trocheejiesche teetrameetre]], [[Twêevleuglign]], [[UNESCO]], [[Erik Van Biervliet]], [[Robbrecht van der Buerse]], [[Van Zon-zaliger. Door hem-zelf]], [[Venynboom]], [[Venynboomachtign]], [[René Vermandere]], [[Vieloo]], [[François Villon]], [[Vlakte-tajga van Binn-Alaska en Joekon]], [[Vloamienkstroate]], [[Vlams Instituut vô de Zêe]], [[Vliender]], [[Vliere (geslacht)]], [[Vliesvleuglign]], [[Walpling]], [[Warmgemoatigde koniefeerebusschn]], [[Warmgemoatigde loof- en gemienglde busschn]], [[Weevrs'of]], [[Weireld Nateur-Stichtienge]], [[Weireld Regiestre van Sôortn uut de Zêe]], [[Wespachtign]], [[Wilge]], [[Woensdagmart (Brugge)]], [[Woestenyn an de kustn van de schiereilandn Avalon en Burin]], [[Wullestroate]], [['t Zand (Brugge)]], [[Zandstroate (Oednburg-Eirdnburg)]], [[Zunnekemêers]], [[RV Zeeleeuw]], [[Zwarte elze]], [[Zeruzalemstroate]]. In sommigte gevoln êk geprobeerd e gedacht te geevn van de schôonte van gedichtn uut andre toaln deur z' in 't Westvlams te doen êrryzn, e nieuw leevn te geevn, wa da 'k ik êetn êrtoaln of êrdichtn (êr = nl her, opnieuw); vertoaliengn zyn 't dus nie lik of da 'k ik 't bekykn. 'k zoen ook geirn ip die maniere vo 't Westvlams e vèèstre oopnzettn ip de weireldlietrateure en 'k oopn dovôorn nog lange te kunn leevn.  
<br>
<br>
<br>
[[Ofbeeldienge:Beech forest Mátra in winter.jpg|thumb|300px|left|E wienters beukebus]]

''Wie prijst er ooit den mensch''<br>
''die oude bosschen velt''<br>
''en in derzelver plaats''<br>
''geen nieuwe wederstelt.''
<br>
<br>
''Wien pryst er ôoit e [[mens]]ch''<br>
''die oede busschn kapt''<br>
''en ip dezeifste platse''<br>
'''t [[bus]] ton an ze leize lapt.'' 
<br>
<br>
:Jacob Cats ( 1577-1660 ) 
<br>
<div style="float: left; clear: right; margin-left: 1em;
 margin-bottom: 0.5em; width: 242px; border-color: #99B3FF solid 1px; 
 background-color: white; text-align: center; padding: 0 0.2em 0.2em; 
 padding-top: 3px;">
{{Gebrukersbox|black|whitesmoke|[[Ofbeeldienge:Oudenburg.jpg|center|44x44px]]|Die gebruker komt van '''[[Westkerke]]'''}}
{{Gebrukersbox|black|whitesmoke|[[Ofbeeldienge:Kapellen wapen.gif|center|44x44px]]|Die gebruker weunt in '''Kapellen''' ([[Antwerpn (provinsje)]])}}
{{Gebrukersbox|black|Whitesmoke
|[[Image:male.png|center|30px]]|Die gebruker is e '''[[vint]]'''}}
{{Gebrukersbox|whitesmoke|whitesmoke|[[Image:Commons-logo-en.svg|center|44x44px]]|Die [[commons:User:Forstbirdo|gebruker]] komt ook ip Wikimedia Commons}}
<br>
<br>
<br>
<br>
===In [[Lorraine|Lothoaringn]]===
Fluptje in je witte kaamre<br>
<br>
Binst da'k rêen deur Vaucouleurs<br>
'k woarn zô dichte by Domremy<br>
'k ên zô geleezn vô d'illege Jeanne<br>
da munne moat zou wordn : gy<br>
<br>
Fluptje in je witte kaamre<br>
<br>
<br>
<br> 
===[[Zundag]]nucht'ndkonsêr===
Van me kienders<br>
zyj gy de liefstn<br>
den diepstn<br>
gy zy gekwetst den diepstn<br>
joen oogn zyn lik droomn<br>
ze zyn lik kooln vier<br>
gy zy myn speegle<br>
gy moe voarn de verstn<br>
by myn bluuvj gy <br>
den dichtstn<br>
Van me kienders<br>
zyj gy myn bronne<br>
<br>
<br>
<br>
===Bezoek===
Joen stap is zo lichte<br>
de gank is zo lank<br>
<br>
Dr is gin vôorjoar<br>
en gin noajoar<br>
gin berg<br>
en gin oseoane<br>
Alêene lanst die boom doa<br>
rêek 'k<br>
toe an de [[moane]]<br>
<br>
Joen stap is zo lichte<br>
de gank is zo lank<br>
<br>
<br>
<br>
===Dichterby===
Niemand wit'r<br>
da'k ik zitn</br>
an díe kant van de tring<br>
't dichste by joen<br>
Vo te ziene e schichte<br>
van de stroate<br>
van de meurn<br>
van de vèèstrs<br>
woa da'j zyt<br>
Doa, tusschen Sint-Willebrordus<br>
Sint-Elôoi en Sint'-Anna<br>
<br>
<br>
<br>
===De kêk===
Joen eemelsblowe beekre<br>
doenkrdr of eemelsblow<br>
met drie oraje zunn<br>
die wupt al uut de kasse<br>
nu is 't zundagnuchtnd<br>
gy goa nu deur de grôote stoasje<br>
<br>
Joen eemelsblowe beekre<br>
doenkrdr of eemelsblow<br>
met drie oraje zunn<br>
die wacht weere in de kasse<br>
nu is 't zundagavend<br>
gy goa nu deur de grôote stoasje<br>
<br> 
<br>
<br>
===Nefnêen===

Nefnêen goan wiedre rustn<br>
in de koede eirde<br>
We goan wiedre wachtn<br>
ip de loate lente en ip de vroege zoomre<br>
vor uus weere te verwarmn<br>
We goan wiedre wachtn<br>
toe da den êen weere goat ôorn<br>
den oasm van den andrn<br>
<br>
<br>
<br>
===De bank in den [[Hof|'of]]===

Zyn vroegre groen is dinne en blow<br>
zyn  sterke pôotn zyn nu zo flow<br> 
nog 'n kortn tyd en j' stuukt inêen<br> 
nog 'n kortn tyd en j' stuukt inêen<br> 
<br>
By nachte ot de rôodste blomn verdwynn<br>
De deze die doar ôoit zaatn verschynn<br>
'n hêele reeke van undre zitr ton doa<br>
'n hêele reeke van undre zitr ton doa<br>
<br>
Oendr undre gewichte goa dien bank nie bezwykn<br> 
Vo grôote koede noch vo reegn goan zydr wykn<br> 
Van ze zyn lichte lik lucht van doaboovn<br> 
Ze zyn lichte lik lucht van doaboovn<br>
<br>

(êrtoalinge van een gedicht van [[Thomas Hardy]])
<br>
<br>
<br>
===In de moaneschyn===

Allêenige werkman, gy stoat doar<br>
an 't droomn nor eur graf te stoarn<br>
lik of datr gin andre graavn woarn<br>
<br>
omda joen diep oogn zô triestig zyn<br> 
goat eur ziele by de moaneschyn<br>
misschiens verryzn en eur loatn zien<br>
<br>
mô vint toch, das woa da myn [[erte|êrte]] noa smacht<br>               
eur ê 'k lievre da leevnde menschn in 't gedacht<br>
êjêj, eur te ziene, das nie watr my wacht<br>
<br>
Aa ! gy zaag gy verzekers dôogeirn da joenk<br>              
gy peisde ip eur woa daj ook goenk<br>                                                                
en ô ze weg was, joen [[zunne]] verzoenk<br>                               
<br>
Nin 'k, 't was 't [[wuuf]] da 'k nie geirn zaagn<br>
't woarn d'andre die in 't oogste [[schof]] laagn<br>
binst eur leevn wist 'k nietnt van eur gaavn<br>
<br>
(êrtoalinge van een gedicht van Thomas Hardy)
<br>
<br>
<br>
==='t Gedicht van de duustre duuvn===

Ip de takn van de boomn<br>
zaatn dr twêe duustr duuvn<br>
Den êen was de zunne<br>
den andrn de moane<br>
Gebeurtjes, zei 'k ik<br>
Woa stoa me grafzerk ?<br>
I me steirt, zeid de zunne<br>
I me keele, zeid de moane<br>
En ikke die liepn<br> 
mê d' [[Eirde (planete)|eirde]] a me cinteure<br>
'k zaagn twêe [[Sperwer|sperwrs]] va marmre<br> 
en e mèèstje in eur blôotn<br>
Den êen was den andrn<br>
en 't mèèstje was niemand<br>
Sperwtjies, zei 'k ik :<br>
Woa stoa me grafzerk ?<br>
I me steirt, zeid de zunne<br>
I me keele, zeid de moane<br>
Ip de takn van de boomn<br>
zaag 'k twêe blôote duuvn<br>
den êen was den andr’n<br>
en ziedre twêe : niemand<br>
<br>
(êrtoalinge van e gedicht van [[Federico García Lorca]])
<br>
<br>
<br>
===Vyvertje. 't Latste liedje===
''De nacht komt dr an.''<br>
<br>
Dr sloan stroaln van de moane<br>
ip 't aambeeld van d'achternoene<br> 
<br>
''De nacht komt dr an.''<br>
<br>
E grôote boom stikt 'm wêg<br>
mê babblienge van liedjes<br>
<br>
''De nacht komt dr an.''<br>
<br>
Oj gy koste komn<br>
lanst de weegls van de lucht<br>
Je zoe gy myn schrêemnde vienn<br>
oendre de grôote woajboomn<br>
Êj me zwartje ! <br>
Oendre de grôote woajboomn.<br>
<br>
(êrtoalinge van e gedicht van Federico García Lorca)
<br>
<br>
<br>
===De moane komt uut===
Ot de moane verschynt<br>
verdwynn de klokketorn'<br>
e ziej de zandweegls<br>
wo daj nie deure kut.<br>
<br>
Ot de moane verschynt,<br>
oovredekt de zêe 't land<br>
en 't êrte wordt 'n eiland<br>
in 't oeneindige.<br>
<br>
Niemand itr seenapples<br>
oendr de vulle moane<br>
Krèèm moej eetn<br>
e groen fruut. <br>
<br>
Ot de moane verschynt<br>
mêt oendred glykig' oanzichtn',<br>
ton snikn i je beuze<br>
de zèèvrstikn.<br>
<br>
( êrtoalinge van e gedicht van Federico García Lorca )
<br>
<br>
<br>
==='of in moarte===
Myn appleboom<br>
êt aa schowte en veugels<br>
<br>
Wuk 'n sproenk makt myn droom<br>
van de moane noa de wiend ! <br>
<br>
Myn appleboom<br>
rikt noa 't groen mê zyn oarms<br>
<br>
Va [[moarte]], oe zie 'k ik <br>
't wit vôoroofd va [[Januoari|januoarje]] ! <br>
<br>
Myn appleboom...<br>
(lêege wiend).<br>
<br>
Myn appleboom...<br>
(oogn eeml).<br>
<br>
(êrtoalinge van e gedicht van Federico García Lorca)
<br>
<br>
<br>
==='k Zyn zjaloes===
'k Zyn zjaloes ip de zuudrewiend <br/>
otn strykt lanst je kaakn, me lief <br> 
'k Benydn de zunne die ipgoat <br/>
en de zunne die oendregoat <br/>
'k Zyn êen ziele mê de [[Veugel|veugl]] <br/> 
die schuuflt ip 't endetje van de tak <br/>
Va doar istr schôonte <br/>
die by joen oogn past, me lief <br/>
'k An wiln e schôon landschap zyn, <br/> 
daj gy lange bekykt <br/>
'k An wiln e treurnde veugl zyn, <br/> 
die schuuflt mê de stemme va de nachtegoal <br/>
e joen dust lesschn mê me liedjes <br/>  
die zieln  en êrtn droenke maakn <br/>
Va 'k zien je bewoendrienge vô de schêttrienge <br/>
va d' oendregoande zunne <br/>
e joen verrukkienge vô de veug'l <br/>
die schuuflt ip 't endetje van de tak...<br/> 
 
(êrtoalinge van e gedicht van [[Ahmed Rami (dichtre)|Ahmed Rami]]) 
<br>
<br>
<br>
===Soldoatn===
[[Ofbeeldienge:Poem by Ungaretti.jpg|thumb]]
Me zyn wiedr<br>
van de boomn<br>
van 't noajoar<br>
de bloarn<br>
<br>
(êrtoalinge van e gedichtje van [[Giuseppe Ungaretti]]) 
<br>
<br>
<br>
===Foaze===
Lop vors, lop vors<br>
de pit van de liefde<br>
ê 'k ik weeregevoenn<br>
<br>
In d'ooge<br>
van duuzd en êen nacht<br>
zyn 'k ik uutgerust<br>
<br>
An d' achtregeloatn oovingn<br>
kwam z' aangevloogn<br>
lik e duuve<br>
<br>
Uut de lucht<br>
van d'achtrnoene<br>
't was êen duuzlienge<br> 
plukte 'k ik vor eur<br>
[[Seenappel|seenappls]] en zjasmyn<br>
<br>
(êrtoalinge van e gedichtje van Giuseppe Ungaretti) 
<br>
<br>
<br>
===Stiksje uut "Sietuoasje van de beleegrienge"===
Oj gin reegn zyt, me keppe<br>
zyd ton e boom<br>
zwoar va' vruchtn...zyd e boom<br>
En oj gin boom zyd, me keppe<br>
zyd ton e stêen<br>
nat van de dow...zyd e stêen<br>
En oj gin stêen zyd, me keppe<br>
zyd ton e moane<br>
in de droomn va' je lief...zyd e moane<br>
[Azôo sprakt 'r e [[wuuf]]<br>
teegn eur zeune ip zyn begraavienge<br>
<br>
(êrtoalinge van e gedichtje va' [[Mahmoud Darwisch]]) 
<br>
<br>
<br> 
===Stiksje uut "Sietuoasje van de beleegrienge"===
Gydre, die ip de zulle stoat, komm binn<br>
en drienk met uus e tasse [[kafje]]<br>
Meschiens voelje gydre tonne da'j gydre menschn zyd lik wydre<br>
Gydre, die ip de zulle van d'uuzn stoat,<br>
lat uus 's nuchtends uuze ruste,<br>
ton goan wydre grust zyn da wydre<br>
menschn zyn lik gydre!<br>
<br>
(êrtoalinge van e gedichtje va' Mahmoud Darwisch)
<br>
<br>
<br> 
===An Mary===
'k Slaapn en waakn ik mê joen<br>
En toch ku'k j'ier nie vien'n<br>
'k Peinzn en droomn ik van joen<br>
'k Oasm jen oasm uut de wien'n<br> 
Joen oogn kykn zôo noa myn<br> 
Oj zy zo verre, nie te doene<br>
Uuze lipn altyd gnaaknd zyn<br>  
By nachte, nuchtnd, noene<br> 
<br>
'k Klappn ik moa van andre zaakn<br>
Vor an myn gêest ruste te geevn<br>
Toch ist gy die myn bluuvt raakn<br>
Lik liefde doe vo vroweleevn<br>
'k Steeknt 't aal weg vor iedre ooge<br>  
En 'k veinzn ik hêel andre gedachtn<br>
Mo wiend  komt stille van om'ooge<br> 
En sprikt oovr' eur noa wien da'k smachtn<br> 
<br>
De nacht-wien'n begunn te fluustrn<br>
De moane is aa verscheen<br>
Koed' angste is mee an 't luustrn<br>
An 't loern in spleetn en reen<br>
De brieze zucht deur al de twygn<br> 
En bloarn volln van de boomn<br>
Moa zuchtn vôort en kunn nie zwygn<br>
Va joen en va joen droomn<br>  
<br>
(êrtoalinge van e gedicht van [[John Clare]])
<br>
<br>
<br>
===Ik zyn===
Niemand peist ip wa da'k zyn, mor ik zyn<br>
Vô me moatn zy 'k aa lange vergoan<br>
'k Verslienn zeive al da zêer van myn<br>
Da 'k vergeetn, da bluuv kommn en goan<br>
Lik van liefde en dôod verdoofde pyn<br>
'k Leevn lik e schimme, moa 'k bluuvn bestoan<br>
<br>
In de leegte van gruchte en verachtienge<br>
In de leevnde zêe van droomn en oopn<br>
Zoendre blydschap zoendre verwachtienge<br>
Woa da 't wrak van me leevn is vastegeloopn<br>
Zelfs de liefste die 'k gêrn zien, d'aldrebeste<br>
Zyn vrimde, neins, nog veele vrimdre of de reste<br>
<br>
'k Verlangn noa woa da gin vint ôoit zette e voet<br>
E platse zoendre lach of troan van [[Wuuf|vromensch]]<br>
Doa by myn Maakre, by God doar is 't goed<br>
Doa zoete te slaapn lik e kiend is myn wensch<br>
Deur niemand gestôord, nie lastig zeive<br>
't Gras beneen, boovn 't eemle-geweive<br>
<br>
(êrtoalinge van e gedicht van John Clare)
<br>
<br>
<br>
===Ballade van de geangn===

Broers-menschen diedr achtr uus nog zyt<br>                      
Goa nie [[Erte|êrt]]-lôos vor uus ip de loope<br>                                      
Van oj kompasje vor uus eit ip tyd <br>                 
Ton istr vo jundre by [[God]] ook nog oope<br>          
Gy ziet uus ier angn mê vuufn toope<br>                  
En uus vlêes woa dam ip woarn verzot <br>                    
't Is nu deurbôord versloendn en verrot <br>                      
En uuze knookn  wordn stof en assn <br>                
Greitn nie met uus, bluuf zoendre spot<br>                             
Mo bid God datn uuze zoendn zoe wassn  <br> 
<br>
<br>
Omdam broers jundr êetn, zy nie kwoad <br>                                          
Al zym verangn, ei vor uus gin mispryzn <br>                                           
't Was rechtns ip de [[Vierschare|vierschoar']] beroad<br>                      
En wiedre woarn zeekr gin braave wyzn <br>                         
Vergift uus, by de trôone mostn me ryzn <br>                                                                                           
Van de zeune van d'oogillige maagde<br>                             
Dat zyn genoade vor uus eur behaagde <br>                        
Dat uus d'êlsche bliksm nie meuge passn<br>                      
Daj nie zoe treitern dat is 't gevraagde<br>                           
Mo bid God datn uuze zoendn zoe wassn<br>                            
<br>
<br>
De reegn makt' uus nat en deurlêkt<br>                                                              
De zunne zwart' uus en droogd' uus uut<br>                                                      
[[Ekster|Akstrs]] en [[Kroaie|kroajn]] ên d'oogn weggepêkt<br>                                                               
Board en wienkbrown maktn ze buut<br>                                                     
Stilangn doet uuze towwe ginne minuut<br>                                                   
Altyd en altyd moet de wiend uus wendn<br>                                                   
Herre en derre en zoendr ôoit 't endn<br>                                                          
De [[Veugel|veugls]] stêktn uus vul pitn en krassn<br>                                                         
Kom vergrodrn toch nôoit uuze bendn<br>                                                 
Mo bid God datn uuze zoendn zoe wassn <br>                            
<br> 
<br>            
Prince [[Jezus|Jeezuus]] gy eit boovn iedr êerschappy<br>                              
Makt da d' êlle nie worde uuze tyranny <br>                            
En dat 't êewig vier uus nie zoe verrassn<br>                                                                              
Mensschn ostjeblief lot alle spotterny<br>                             
Mo bid God datn uuze zoendn zoe wassn <br>
<br>
(êrtoalinge van e gedicht van [[François Villon]]) 
<br>
<br>
<br>
===Inferno, I, 1-12===
Ok was oafweege myn leevnstyd <br>
zyn 'k e doenkre bus ingegoann <br>                       
en me weg grocht 'k hêel kwyt <br>
<br>
Ah zo moejlik kuj 't verstoann <br>
oe vrêe wild da bus was, oe grôot <br>
drip peinzn allêene gif me woann <br>               
<br>'t Was bittre, bykans lik de dôod <br>
mor ook goed wast da 'k dr zoagn <br> 
ook andre diengn da myn nôod <br>
<br>
Oekr binngrocht da moej nie vroagn <br>
'k was ik teveele van gepeinzn vul <br>
da' k oovre doolieng nie moe kloagn <br>
<br>                       
<br> (êrtoalinge van e stiksje van de "Inferno" van [[Dante Alighieri|Dante]]) 
<br>
<br>

===Inferno, V 115-142===
En 'k zein ok ton noar undre kêek, <br>
begunnde : "Francesca,  joen ellende <br>                 
doe me schrêemn, makt myn wêek. <br>
<br>
Mo zeg me : in gelukstyd zoendr ende <br>
oe toch wierdj gy va liefde bezeetn <br>
oe kwamt daj kwoa verlangn kende?" <br>
<br>
En zy an myn : "Gin pyne is te meetn <br>             
mê peinzn ip die tyd, vor altyd gedoan,  <br>               
nu in 't lydn; joen dichtre goa 't weetn. <br>               
<br>
Mor om noa d' êeste bronne te goan <br>
Van uuze pasje, nu j' uutleg verwacht, <br> 
'k  goa 't zeggn vô me vriend vul troan. <br> 

Ip 'n dag krêeg uus e boek in ze macht, <br>
Van Lancelôot was 't, ip liefde verzot <br>                                                                                      
Wy woarn allêene, ip nietnt verdacht. <br>
<br>
Altydmoa kwaamn uuz oogn uut 't kot <br>
die lekteure dej 'êm verblêekn en myn; <br>
mo deur één punt wierdn wydr bedot. <br>
<br>
't Was 't leezn oovre da lachsje hêel fyn <br>
da gekust wierd deur lief zô charmant, <br>
dedien van wien 'k nie mêe los ka' zyn, <br>
<br>
kuste myn ton ip de moend iedre kant.                                          
Da boek en de schryvre was Galeôot: <br>                                  
't leezn vaneigns was gedoan navenant”. <br>
<br>
Binst d' êen gêest schrêewde eur nôod <br>                   
schrêemde den andre; hêel oentsteld <br>
bezwymde ik, 'k was aa bykans dôod <br>  
<br>                                
en vieln lik e dôojn ter eirde, uutgeteld. <br>
<br>                       
<br> (êrtoalinge van e stiksje van de "Inferno" van Dante) 
<br>
<br>
===Paradiso, XVII 55–60===
Gy goa verloatnn 't gêene woaj mêest <br>
nor ankrde; das de pyle die de booge <br>
van de verbannienge schiet 't aldrêest <br>
<br>
gy moe  proevn oe zoet is en oe drooge <br>
' t vrimde brôod, en wuk' 'arte stroate <br>
de trap van andren  is te goan omooge...<br>
<br>
<br> 
===Paradiso, XXV 1–9 ===
Ot ôoit 't schepn van 't illig dichtwerk <br>
verêerd zowêl in den eemle lik  ip eirde, <br>
da brocht myn aal dichtre by me zerk, <br>
<br>
woene van de vrêedeid die me weirde <br>
uut de schôone kôoie wô 'k was e lam <br>
vô mêenge wolf die me nie anveirde; <br>
<br>
past ip: nu zyn ik hêel in vier en vlam' <br>
'k goan stoan lik Dichtre by me voente <br>
woa'k om de lawrier-krôone wêerekwam. <br>
<br>
<br> (êrtoalinge van twêe stiksjes van 't "Paradiso" van Dante)
<br>
<br>
=== Sonnet 227 ===
Brieze  die  deur da krulnd oar zo  bloend <br>
koerst en droajt en zeive wordt  bewoogn <br>
en ton verwoajt da goed, das nie geloogn, <br>
achtre daj 't schôone in e knotje woend <br>
<br>                    
gy strêelt 't  koptje da scherpe steekn zoend <br>         
die 'm in 't êrte giengn, ja da dejn die oogn <br>                                                                  
zo fel en diepe da me  troan nie kun droogn <br>
'k  zoekn me schat, 'k struukln,  dooln roend <br>
<br>
nu is 't lik da'k eur vienn, nôoit word 'k grust  <br>
weere is ze verre, tonne schynt da 'k ze woen <br>
somtyds ên 'k oope, mo bluuv 'k zoendre rust <br>
<br>
gelukkige lucht,  gif stroaln die me leevn doen <br>      
och kloare woatreloope goed toch vo de dust <br>
kuk nie me lot verwissln mê dadde va joen? <br>
<br>
<br> (êrtoalinge van 'n sonnet van [[Francesco Petrarca|Petrarca]])
<br>
<br>
===E Rô, Rô Rôoze===
O me Líefde lik e rô, rô rôoze <br>
In juni pas oentsproengn; <br>
O me Líefde is lik de melodíe <br>
Ip tôone zoete gezoengn. <br>
<br>
Schondre zyj gy of schôone <br>
'k Aatn ik van líefdekruud: <br>
'k Goan je minn, me líef <br>
Toe da de zêen droogn uut <br>
<br>
Toe da zêen droogn, me líef <br> 
En rotsn smeltn in de zunne <br>
Bluuv' ik  joen  minn, me líef <br>  
Zolange 'k nog leevn kunne <br>
<br>
Voarwel nu, myn êenig líef <br>
Gy voare wêl, e hêele wyle <br>
'k Goan weerekommn, me líef <br>
A wast tienduusd êen myle <br>
<br>
<br> (êrtoalinge van 'n gedicht van [[Robert Burns]])
<br>
<br>
==='k An gin tyd===
'k An gin tyd vo ruuz of hoat <br>
omda 't graf dichte is by myn <br>
en 't leevn was nie wyd genoeg <br>
vo  't endn vyandschap en pyn <br>
<br>
Ook vo liefde voen 'k ik gin tyd <br>
Mor omdaj bizzig toch moe zyn <br>
't Bitje last mê liefde peisde 'k ik <br> 
Vulde genoeg 't bestoan vo myn <br>
<br>
<br> (êrtoalinge van 'n gedicht van [[Emily Dickinson]])
<br>
<br>
===Schôoneid, kompasje osteblief===
Schôoneid, kompasje osteblief <br>
Toe dak stervn zyj vo myn nie lichte <br> 
Mor ok vandaage dôo moe goan <br>
Dat woare ton mê joen in 't zichte. <br>
<br>
<br> (êrtoalienge van 'n gedicht van Emily Dickinson)
<br>
<br>
==='k Proevn nôojt gebrown likeure===
'k Proevn nôojt gebrown likeure, <br>
Uut peirln kann geschoenkn; <br>
Gin duusnd  voatn van de Rijn, <br> 
Maakn myn zo droenkn ! <br>
<br>
Aa zat van lucht - zo zyn ik, <br>
Bedwelmd aa van de dow. <br>
'k Wankle deur zoomredaagn, <br>
Uut kaffees van smêltnd blow. <br>
<br>
Ot êrbergiers de droenkn bie, <br>
Uut de blomme-deure zendn, <br>                
O vlienders undr borrls loatn, <br>
Goa 'k 't drienkn nog nie endn ! <br>
<br>
Toe da noar 't vèèstre loopn, <br>
Illign die in den eemle weunn, <br>
Vo te zienn die klêene zatlap, <br>
die ip de zunne stoa te leunn ! <br>
<br>
<br> (êrtoalinge van 'n gedicht van Emily Dickinson)
<br>
<br>
===Sonnet vor Helena===
Oj gy, 's avens by e keirse, goa zyn stokoed, <br>
Weevnd of spinnd, gezeetn by den eird, <br>
En zegt, en ziengt myn zangn, je geneirt : <br>
"Myn schôonte liet Ronsard lange nie koed !" <br>       
<br>
Ton goj gy gin mèèsn ên die da ôorn zoed, <br>
Oewel z' aa  moe gewerkt 't bedde begeirt, <br>
Die nie by de klank van myn noame ipveirt, <br>
En je noame siert mêt e krôone van goed. <br>
<br>
'k Goan oendre d' eirde zyn, lik de spookn, <br>
In schowte van myrtn goan rustn me knookn; <br>
By 't vier goaj gy, oed wuuf, zittn beevn, <br>
<br>
Spyt van me liefde goaj ên, van je verachtn. <br>
Leeft, van morgn is nie veel te verwachtn : <br>
Plukt van vandoage de rôozn van 't leevn. <br>
<br>
<br> (êrtoalinge van 'n gedicht van [[Pierre de Ronsard]])
<br>
<br>
===Droomn===
In de nuchtnd droomtn van den aavnd, <br>
In den aavnd droomtn van de nuchtnd, <br>
en tusschn de droom en de droom, <br>
sluutn zn oogn en droomt. <br>
<br>
Y wit da wie datr nie ip zêe gienk <br>
otr veele wiend was, <br>
nôojt mèè ip zêe go goan. <br> 
Lange goatn knikkebolln <br>
en niemand kloptr  ip de deure. <br>
<br>
<br> (lettrlikke vertoalinge van 'n gedicht van [[Fuad Rifka]])
<br>
<br>
===Sonnet an Orfeus===
Doa rêestr e boom. Zuuvre oovrestygienge! <br>
Orfeus ziengt! O ooge boom die  j' ôort. <br>  
En alles zwêeg. Mo zeifs in die verzwygienge <br>
begostr  verandrienge, têekn, niew wôord. <br>
<br>
Bêestn van stilte droengn no de kloarn <br>
vanuut plekkn woa gin mens van wiste. <br>
En doa gebeurde 't da zydre nie uut liste <br>
en nie uut angste  muuzestille woarn <br>
<br>
mor allêene vo t' ôorn. Geloej of gejank <br>
schêen weg uut 't êrte . En doa  stoat <br>     
mê moejte 'n utje vo da t' oentvangn, <br>
<br>
e beschuttienge van doenkr verlangn <br>
mê 'n ingank woavan 't oetewerk vergoat. <br>
Doa schiepj gy e temple vo de zank. <br>
<br>
<br> (êrtoalinge van 'n gedicht van [[Rainer Maria Rilke]])
<br>
<br>
===An Lou Andreas-Salomé===
Moedre echt moedre woarje gy vô myn, <br>
e moat woarje, vint-glyk lik gin êene, <br>
vor an te ziene mêer wuuf kostr nie zyn, <br>
mo 't mêest van ol blêef je gy e klêene. <br>
Gy woart 't zochtste da 'k mochtn minn <br>             
't artste woarj gy da 'k nie verstoend. <br>
Gy woart 't oogste da 'k mo kostn winn <br>                   
en wierd 't diepste da myn versloend. <br>
<br>
<br> (êrtoalinge van 'n gedicht van Rainer Maria Rilke)
<br>
<br>
===Êrfsttyd===
Êere, 't is tyd. De grotsche zoomre is gedoan. <br>
Leg nu joen schowte ip de zunnewyzrs, <br>
en lat de wienn vry oovre de veldn goan. <br>
Gebiedt de latste vruchtn vul te zyn; <br>
giv ze nog twêe warm-zuudlikke doagn <br>
lat ze hêel vul-endn, en wilt nog joagn <br>
de latste suukre in de zwoare wyn. <br>
<br>
Die nu gin uus êt, moetr nie mir ip oopn. <br> 
Die nu allêen' is, goa nôojt niemand bienn, <br>             
goa nie in leezn of schryvn ruste vienn,  <br>          
goat in de loann oovre en weere loopn, <br> 
oengedeurig, tusschn bloarn in de wienn. <br>      
<br>
<br> (êrtoalinge van 'n gedicht van Rainer Maria Rilke)
<br>
<br>
====Ter êrinnrienge an A.H.H., twidde zank==== 
Oede [[venynboom]], vroetr an de stêen <br>
Die benoamn die undre nie rechtn, <br>
joen veezls zyn koppn an 't vlechtn, <br>
joen workls droajn roendom de bêen. <br>
<br>
De joargetydn doen de blommn wêlln, <br>
goan de joengn in de kuddn briengn, <br>                   
mo 't orloozje binn joen scheemriengn <br>
bluuft 't korte menschnleevn of-têlln. <br>
<br>
O, nie by joen bestoatr schettrienge. <br>
Gin stormn doen verandriengn zienn. <br>
Ook nie ku de brandnde zunne dienn, <br>
vo te stôorn duustjoarige dreigienge <br>
<br>
En goapnd ip joen, weezn van wêen, <br>
ziek van joen, arte boom vul venyn, <br>
'k  bezwykn, myn bloed wordt azyn. <br>
Nie langre geschêen, gruujn w' inêen. <br>
<br>
<br> (êrtoalinge van 'n gedicht van [[Alfred Tennyson]])
<br>
<br>
====Uuut : Ter êrinnrienge an A.H.H.====
't Is woa, wa 'k ook verzinn; <br>
En 'k voeln 't mêest' in nôod; <br>                
Beetre geschêen deur dôod <br> 
Of nôojt nie ên kunn minn. <br>
<br>
<br> (êrdichtienge van e verze van Alfred Tennyson)
<br>
<br>

[[ar:مستخدم:Forstbirdo]]
[[bar:Nutza:Forstbirdo]]
[[en:User:Forstbirdo]]
[[es:Usuario:Forstbirdo]]
[[eo:Uzanto:Forstbirdo]]
[[fr:Utilisateur:Forstbirdo]]
[[nl:Gebruiker:Forstbirdo]]
[[ro:Utilizator:Forstbirdo]]