Quelltext vun der Säit Explorer-Programm weisen

[[Fichier:Explorer 6 paddles up.jpg|thumb|Explorer 6]]
[[Fichier:ISEE-C (ISEE 3) in dynamic test chamber.jpg|thumb|[[ISEE-3/ICE|ISEE-C]] (Explorer 59) an enger Testkummer]]
[[Fichier:TRACE in cleanroom during assembly.jpg|thumb|[[Transition Region And Coronal Explorer|TRACE]] (Explorer 73) déngt der Erfuerschung vun der Sonnekorona]]

Den '''Explorer''' ass den éischten an zougläich ëmfangräichste [[Satellit (Raumfaart)|Satellitten]]- a [[Raumsond]]eprogramm vun de [[Vereenegt Staate vun Amerika|Vereenegte Staaten]].

== Geschicht ==
[[1957]] hat d'[[Sowjetunioun]] mam [[Sputnik 1]] d'[[Course an den All|Course ëm den éischte kënschtleche Satellit am Weltraum]] fir sech entscheet. Et hat offiziell mat der Ukënnegung vum US-amerikanesche President [[Dwight D. Eisenhower]] den [[28. Juli]] [[1955]], am Kader vum [[Internationaalt geophysikalescht Joer|internationale geophysikalesche Joer]] ugefaangen, fir e kënschtlechen Äerdtrabant an d'Ëmlafbunn ze bréngen. D'Sowjetunioun hat e puer Deeg méi spéit offiziell matgedeelt dat selwecht wëlles ze hunn.

D'USA ware mat hirem [[Vanguard-Projet]] zum Zäitpunkt vum Sputnik-Start nach net startbereet an hunn et bis Enn [[1957]] mat engem virgezunnene Start versicht. De Start war eng Katastroph: Déi bis dohin nach net vollstänneg getest Drorakéit war beim Start nach op der Startramp explodéiert, virun den Ae vu Millioune vun Televisiounspektateuren.

D'Explorer-Serie krut domat d'Chance, déi éischt Satellitten an d'Äerdëmlafbunn ze schéissen, a war géintiwwer dem Vanguard-Projet iwweraus erfollegräich. Den [[1. Februar]] [[1958]] war den [[Explorer 1]] als éischten amerikanesche Satellit erfollegräich an d'Ëmlafbunn gestart. Ënner dem Numm Explorer goufen 91 erfollegräich Missiounen <small>(Stand: 9. Abrëll 2013)</small> op den ënnerschiddlechste Fuerschungsgebidder gemaach, an dat vun der Erfuerschung vun der [[Ionosphär]] iwwer d'[[Radioastronomie]] bis zu der [[Atmosphärwëssenschaften|Atmosphär]]- an [[Geowëssenschaften|Äerdfuerschung]]. Déi haaptsächlech vun der Arméi zu [[Huntsville (Alabama)]] entwéckelt Satellitten, mat Hëllef vun der Expertegrupp ronderëm de fréieren techneschen Direkter [[Wernher von Braun]], ware sou déi éischt US-Satellitten am Orbit - an domat e wichtegen éischte Schrëtt a Richtung [[bemannt Raumfaart]].

== Missiounen ==
Jiddwer Explorer-Satellit (zanter Explorer 6) dréit eng Subbezeechnung - jee nodeem zu water engem wëssenschaftleche Projet e gehéiert.

Zanter Ufank vun den [[1990]]er Jore goufen am Explorer-Programm Ënnerprogrammer gestart:
* ''SMEX'' (''Small Explorer'') fir kleng Fuerschungsmissiounen zanter Ufank vun den [[1990]]er Joren.
* ''MIDEX'' (''Middle-Sized Explorer'') fir mëttelgrouss Fuerschungssatellitten zanter Enn vun den [[1990]]er Joren.
* ''STEDI'' (''Student Explorer Demonstration Initiative'') an ''UNEX'' (''University Explorer'') fir kleng, vun Universitéite fir d'NASA duerchgefouert Missiounen.

Eng vollstänneg Oplëschtung vun de bis elo 102 gestarten Explorer-Satellitte steet an der ''[[Lëscht vun Explorer-Missiounen]]''.

== Kuckt och ==
{{Kuckt och Portal:Astronomie}}
== Quell ==
* Nasa Facts: ''Explorers: Searching the Universe Forty Years Later''

== Um Spaweck ==
{{Commonscat|Explorer program|Explorer-Programm}}
* {{en}} NASA: [https://web.archive.org/web/20130217024726/http://www.hq.nasa.gov/office/pao/History/explorer.html Explorer History]
* {{en}} NASA: [http://history.nasa.gov/sputnik/expinfo.html Explorer-I and Jupiter-C]
* Bernd Leitenberger: [http://www.bernd-leitenberger.de/explorer.shtml Explorer am Moundorbit]
* {{en}} NSSDC: [http://nssdc.gsfc.nasa.gov/multi/explorer.html D'Explorer-missiounen am National Space Science Data Center]
* https://web.archive.org/web/20160304123020/http://www.claus-schieber.de/spacefl/usa.htm

[[Kategorie:Explorer-Programm| ]]