Ver el código de «Robot»

{{Polmehoral}}
[[File:Toyota Robot at Toyota Kaikan.jpg|thumbnail|Robot fabricau pol [[Toyota]].]]
[[File:Atlas_frontview_2013.jpg|thumbnail|El robot estaunidensi [[Atlas (robot)|Atlas]] (en desarrollu endi 2013) está diseñau pa una varieda de tareas de búsquea i rescati.]] 
Un '''robot''' es una entida virtual o mecánica artificial. En la plática, estu es polo general un sistema eletrumecánicu que, pol la su apariencia o los sus [[movimientu]]s, ofrezi la sensación de habel un propósitu propiu. La endependencia crea en sus movimientus hai que sus acionis sean la raçón dun estudiu raçonabli i profundu nel área dela [[cencia]] i [[Tecnología|tenología]]. La parabra robot puei referilsi tantu a mecanismus [[Física|físicus]] cumu a sistemas virtualis de [[software]], anque sueli aludilsi a los segundus con el términu de [[bot]]s.

Nu ain un consensu sobri qué [[máquina]]s puein sel consideras robots, peru sí existi un acuerdu general entri los expertus i el púbricu sobri que los robots tiendin a hazel parti o tou lo que sigui: movelsi, hazel huncional un [[braçu]] mecánicu, sentil i manipulal el su entornu i mostral un comportamientu inteligenti, especialmenti si esi comportamientu imita al delos [[umanu]]s o a otrus [[animal]]is. Oguañu podría consideralsi que un robot es un [[ordenaol]] con la capacida i el propósitu de movimientu que en general es capas de desarrollal múltiplis tareas de manera flexibli sigún la su [[programación]]; asín que podría diferencialsi de argún electrudomésticu específicu.

Anque las [[estória]]s sobri ayudantis i acompañantis artificialis, asín cumu los ententus de crearlus, tinin una larga estória, las máquinas totalmenti autónomas nu aparecierun hata el [[sigru XX]]. El primel robot programabli i dirigiu de horma digital, el Unimate, hue instalau en [[1961]] pa levantal pieças calientis de [[metal]] duna máquina de tinti i colocarlas.

Los robots domésticus pa la limpieça i mantenimientu del fogal son ca vezi más comunis. Nu obstanti, existi una cierta ansieda sobri el impatu económicu dela automatización i la amenaça del armamentu robóticu, una ansieda que se ve refleja nel retratu a menudu perversu i malvau de robots presentis en obras dela [[coltura]] populal. Comparaus con los sus colegas de fición, los robots realis siguen siendu limitaus.

== Huentis ==