Прагляд крыніцы для Java Platform, Micro Edition

'''Java Platform, Micro Edition''' ('''Java ME''', раней — '''Java 2 Micro Edition''', '''J2ME''') — падмноства [[Java (праграмная плятформа)|плятформы Java]] для прылад, абмежаваных у рэсурсах, [[мабільны тэлефон|мабільных тэлефонаў]], [[PDA]] і іншых.

Java ME была распрацаваная пад кіраўніцтвам [[Sun Microsystems]] і зьяўляецца заменай падобнае тэхналёгіі, [[PersonalJava]]. Першапачаткова спэцыфікацыя распрацоўвалася ў рамках [[JCP]] (Java Community Process) як JSR 68<ref>[http://jcp.org/jsr/detail/68.jsp The Java Community Process(SM) Program — JSRs: Java Specification Requests — detail JSR# 68]</ref>. Пазьней яе варыянты разьвіліся ў асобныя JSR. Sun падае [[узор рэалізацыі|ўзор рэалізацыі]] ({{мова-en|reference implementation}}) спэцыфікацыі, але да нядаўняга часу не падавала бясплатнай рэалізацыі асяродзьдзя выкананьня ({{мова-en|runtime environment}}) Java ME для мабільных прылад. 22 сьнежня 2006 зыходны код Java ME быў выпушчаны пад ліцэнзіяй [[GNU General Public License]], праект атрымаў назву phoneME<ref>Падрабязнасьці аб phoneME гл. на [https://web.archive.org/web/20070610234355/https://phoneme.dev.java.net/ старонцы праекту].</ref>.

Адметныя асаблівасьці прыладаў з абмежаванымі рэсурсамі зьяўляюцца абмежаваная [[вылічальная магутнасьць]], абмежаваны аб’ём памяці, малы памер [[дысплэй|дысплэя]], сілкаваньне ад партатыўнай батарэі, а таксама нізкахуткасныя і нядосыць надзейныя [[камунікацыі|камунікацыйныя]] магчымасьці. Тыповы сучасны [[мабільны тэлефон]] утрымоўвае ўсярэдзіне 32-разрадны [[RISC]]-[[працэсар]] з тактавай частатой 50 МГц, мае аб’ём [[апэратыўная памяць|апэратыўнай памяці]] каля 4 Мб, каляровы [[дысплэй]] памерам 2 [[цаля]]ў і мае магчымасьць злучэньня зь [[Інтэрнэт]]ам пасродкам [[GPRS]] або [[EDGE]] з хуткасьцю да 474 кбіт/с, якое пры гэтым фундамэнтальна ненадзейна, паколькі [[хуткасьць]] перадачы зьвестак можа нечакана зваліцца, або злучэньне можа быць наогул цалкам страчана.

Java ME спэцыфіцыруе дзьве базавыя канфігурацыі, якія вызначаюць патрабаваньні да [[віртуальная машына|віртуальнай машыны]] (абмежаваньне набору дапушчальных інструкцыяў і інш.), а таксама мінімальны набор базавых [[кляса (праграмаваньне)|клясаў]]: [[CLDC]] (Connected Limited Device Configuration — канфігурацыя прылады з абмежаванымі камунікацыйнымі магчымасьцямі) і [[CDC]] (Connected Device Configuration — канфігурацыя прылады з нармальнымі камунікацыйнымі магчымасьцямі).

Java ME таксама вызначае некалькі так званых [[профіль|профіляў]] ({{мова-en|profiles}}), якія дапаўняюць і пашыраюць згаданыя вышэй канфігурацыі, у прыватнасьці вызначаюць мадэль [[прыкладаньне|прыкладаньня]], магчымасьці [[графічны інтэрфэйс|графічнага інтэрфэйсу]], а таксама камунікацыйныя [[Функцыя (праграмаваньне)|функцыі]] (напрыклад доступ да [[Інтэрнэт]]у) і інш.

У цяперашні час самой распаўсюджанай канфігурацыяй зьяўляецца [[CLDC]], для якога распрацаваны профіль [[MIDP]] (Mobile Information Device Profile — профіль для мабільнай прылады з інфармацыйнымі функцыямі). Прыкладаньні, напісаныя для гэтага профіля, завуцца [[мідлет]]амі ({{мова-en|MIDlet}}). Іншым папулярным [[профіль|профілем]] для [[CLDC]] зьяўляецца [[DoJa]], распрацаваны фірмай [[NTT DoCoMo]] для яе ўласнага [[сэрвіс]]а [[iMode]]. [[iMode]] вельмі распаўсюджаны ў [[Японія|Японіі]], і ў меншай ступені ў [[Эўропа|Эўропе]] і на [[Далёкі Ўсход|Далёкім Усходзе]].

[[Канфігурацыя]] [[CLDC]] пасьпяхова выкарыстоўваецца ў большасьці сучасных [[мабільны тэлефон|мабільных тэлефонаў]] і партатыўных [[арганайзэр]]аў. Па зьвестках кампаніі [[Sun Microsystems]] да канца [[2004]] году ў сьвеце было выпушчана больш за 570 мільёнаў мабільных прылад з падтрымкай гэтай канфігурацыі [[Java]]. Гэта робіць Java ME дамінуючай тэхналёгіяй [[Java]] ў сьвеце. Аб’ёмы вытворчасьці мабільных тэлефонаў значна перавышаюць колькасьць іншых кампутарных прылад, здольных выконваць прыкладаньні на [[Java]] (напрыклад, пэрсанальных кампутараў).

== Глядзіце таксама ==
* [[Android]]
* [[Corelet]]
* [[Brew]]
* [[Mobile Media API]]
* [[Мабільная гульня]]
* [[Sun Java Wireless Toolkit]]

== Крыніцы ==
{{зноскі}}

== Вонкавыя спасылкі ==
* [http://www.oracle.com/technetwork/java/embedded/javame/index.html Java ME]{{ref-en}} — афіцыйная старонка на сайце Oracle
* [https://web.archive.org/web/20080725040434/http://www.news.com/8301-13580_3-9800679-39.html Sun starts bidding adieu to mobile-specific Java] ([http://www.linux.org.ru/view-message.jsp?msgid=2221858&page=1 J2ME ня будзе])
* [http://www.mgdc.ru MGDC.ru]{{Недаступная спасылка|date=January 2021 |bot=InternetArchiveBot |fix-attempted=yes }} — супольнасьць распрацоўнікаў мабільных гульняў

{{Java}}

[[Катэгорыя:Java ME| ]]