Veyer o codigo fuent de «Arduino»

{{Grafía EFA}}
[[Imachen:Arduino_Uno_-_R3.jpg|thumb|300px|Un Arduino.]]
'''Arduino''' ye una empresa d'hardware y [[software]] de codigo ubierto, una comunidat de prochectos y usuarios que disenya y fabrica [[microcontrolador]]s de placa sola y kits de microcontroladors pa la construcción de dispositivos dichitals. Os suyos productos d'hardware tienen una licencia CC-BY-SA, mientres que o software tiene a licencia GNU Lesser General Public License (LGPL) u a GNU General Public License (GPL), que permite a fabricación de placas Arduino y a distribución de software por cualsiquiera. As placas Arduino son disponibles comercialment en a pachina web oficial u por meyo de distribuidors autorizaus.

Os disenyos de placas Arduino utilizan una variedat de microprocesadors y controladors. As placas son equipadas con conchuntos de pins de dentrada / salida (I/O) dichitals y analochicas que pueden connectar-se a cuantas placas d'expansión (clamadas 'shields') u placas de preba (pa la creyación de prototipos) y atros circuitos. As placas contan con interficies de comunicacions en serie, incluiu o bus serie universal ([[USB]]) en cualques modelos, que tamién s'utilizan pa cargar programas dende [[Ordinador personal|ordinadors personals]]. Os microcontroladors se pueden programar utilizando os luengaches de programación [[Luengache de programación C|C]] y [[C++]], utilizando una [[API]] estandar que tamién se conoixe como "luengache Arduino". Amás d'utilizar cadenas de ferramientas de compilación tradicionals, o prochecto Arduino proporciona un entorno de desembolique integrau (IDE) y una [[ferramienta]] de linia de comandos (arduino-cli) desembolicada en Go.

O prochecto Arduino prencipió en [[2005]] como que una ferramienta pa os estudiants de l'Instituto Interaction Design d'[[Ivrea]], [[Italia]], con l'obchectivo de proporcionar una traza facil y de baixo coste pa que os principiants y profesionals creyen dispositivos que interautúen con o suyo entorno por meyo d'actuadors. Os eixemplos comuns de tals dispositivos destinaus a aficionaus principiants incluyen [[robot]]s simples, termostatos y detectors de movimiento.

O nombre Arduino promana d'una [[tabierna]] en Ivrea, Italia, an gosaban reunir-se beluns d'os fundadors d'o prochecto. A tabierna leva o nombre d'Arduin d'Ivrea, que fuo o margrave d'a Marcha d'Ivrea y rei d'Italia de 1002 a 1014.

== Vinclos externos ==
* {{en}} [https://www.arduino.cc/ Pachina web oficial]

{{Control d'autoridaz}}

[[Categoría:Hardware]]