Wys bron van Dendrologie

{{databoks}}
'''Dendrologie''' is die wetenskap van houtagtige gewasse, ook bekend as ''boomkunde''. 'n Dendroloog is 'n boomkundige. 
Die Amerikaanse USDA definieer dit as: ''Die identifikasie, sistematiese klassifikasie en studie van die habitus en verspreiding van woudbome en ander houtagtige plante.''<ref>{{cite web|url=https://agclass.nal.usda.gov/vocabularies/nalt/concept?uri=https://lod.nal.usda.gov/nalt/302042|publisher=USDA VSA|title=dendrology|year=2017}}</ref>

==Ontwikkeling van die dendrologie==
{{Wetenskap}}
Die eerste gebruik van die woord dendrologie (van Grieks dendron=boom) was dalk in die jaar 1668 toe dit as die titel van 'n boek of ensiklopedie oor bome deur Ulisse Aldrovandi verskyn het. Hy was 'n Italiaanse geneesheer en natuurkenner. Oorspronklik het dendrologie ''alle'' aspekte van bome ingesluit. In daardie tyd was daar nog geen bosbouwetenskap nie. Nou, veral in [[Europa]], sluit dendrologie ook struike in, maar in die [[Verenigde State]] is dit steeds gewoonlik tot bome beperk. Vandag is die dendrologie veral beperk tot die [[plantkunde]] van bome of, meer presies, tot die [[taksonomie]] van bome. Dit kan beskou word as dié afdeling van óf die bosbouwetenskap óf van die plantkunde, wat die taksonomie van bome behandel. In sommige universiteite van die Verenigde State word die onderwerp van dendrologie deur 'n professor in bosbou onderrig, en in ander deur 'n professor in plantkunde wat 'n spesialis in taksonomie of sistematiese plantkunde is.<ref>{{cite web|url=https://agroforestry.org/the-overstory/129-overstory-143-dendrology|publisher=Agroforestry|title=Overstory#143- Dendrology|year=2024}}</ref>

Soos met ander aspekte van plantkunde, is een area van belangstelling in die dendrologie om tot 'n beslissende identifikasie van die spesie te kom. Dendroloë leer om houtagtige plante te identifiseer en om te onderskei tussen spesies en subspesies wat baie subtiele variasies kan vertoon. Hulle produseer ook identifikasiegidse vir gebruik deur dendroloë en leke. Hulle neem soms ook deel aan die proses om 'n nuwe spesie in die algemeen te beskryf of die ontdekking van nuwe spesies houtagtige plante te verifieer, om te bevestig dat 'n ontdekking oorspronklik is en om te bepaal wie daarvoor die krediet verdien. Hierdie proses is die basis vir die [[taksonomie|taksonomiese]] naamgewing van die boomspesies<ref>{{cite web|url=https://www.allthingsnature.org/what-is-dendrology.htm|publisher=All Things Nature|title=What is dendrology?|year=2023}}</ref>

==Identifikasie==
Bome en plante word geïdentifiseer deur baie eienskappe, insluitend die bas, die blomme, die vrugte en sade en die knoppe en takkies se eienskappe. Soms vereis dit meer gevorderde wetenskaplike tegnieke soos [[DNS]]-studies, maar daar is ook eenvoudige metodes wat reeds in die veld of bos toegepas kan word en wat alle dendroloë behoort te beheers.

===Eenvoudige identifikasie===
Een van die maklikste maniere om 'n (blom)boom te identifiseer, is deur sy blare te ondersoek. Deur blaartipe en blaarrangskikking te identifiseer kan die spesie van die meeste bome reeds bepaal word. Eerstens word bepaal of die blaar eenvoudig of saamgestel is. Bome met eenvoudige blare het een lem wat aan 'n stingel of tak geheg is, terwyl bome wat veelvuldige blaartjies aan 'n enkele stingel of takkie het, saamgestelde blare is.<ref>{{cite web|url=https://www.thomasmore.edu/wp-content/uploads/middle_identify.pdf|publisher=Thomas More|title=Tree identification}}</ref> 
{|
|[[Lêer:Foglia bollosa.jpg|duimnael|Eenvoudig]]
|[[Lêer:Leaf morphology alternipinnada.png|duimnael|Saamgesteld]]
|}
As die blaar eenvoudig is, word bepaal of sy rande gelob of ongelob is. Gelobde blare het uitsteeksels, lobbe genaamd. 
{|
|[[Lêer:Foglia ovata3.jpg|duimnael|Eenvoudig ongelob]]
|[[Lêer:Foglia lobata.jpg|duimnael|Eenvoudig gelob]]
|}
Gelobde blare is óf handvormig gelob óf geveerd. Handgelobde blare het are wat uit die middel uitstraal, soos vingers op 'n hand, terwyl veervormig gelobde blare are het wat uit verskeie plekke langs die hoofaar uitstraal. 
{|
|[[Lêer:Foglia di platanus mexicana.jpg|duimnael|Handgelobde blaar]]
|[[Lêer:Foglia lobata.jpg|duimnael|veervormig gelobde blaar]]
|}

==Internasionale organisasie==
Daar is 'n internasionale organisasie van dendroloë die ''International Dendrology Society''. Dit:<ref>{{cite web|url=https://www.dendrology.org/the-society/what-the-society-does/|publisher=International Dendrology Society|title=What the Society does|year=2024}}</ref>

*organiseer toere regoor die wêreld, besoek arboreta en tuine, insluitend botaniese en private versamelings, en om bome te sien groei in hul natuurlike habitatte
*organiseer een tot twee dae studieperiodes wat onderwerpe van belang vir lede dek, en af en toe langer simposiums
*bied beurse aan studente om dendrologie te studeer in lande wat hulle normaalweg nie die geleentheid sou hê om te besoek nie
*waarsku die relevante owerhede in lande waar [[arboretum|arboreta]] of natuurlike planthulpbronne deur ontwikkeling bedreig word
*publiseer die webwerf ''Trees and Shrubs Online''<ref>{{cite web|url=https://www.treesandshrubsonline.org/|publisher=International Dendrology Society|title=Trees and shrubs online|year=2024}}</ref>

==Verwysings==
{{Verwysings|2}}
{{Normdata}}

[[Kategorie:Plantkunde]]