北滘
北滘（粵拼：bak1 gau3；英文：Pak Kau／Beijiao）係喺廣東順德東北部嘅一個鎮，位於廣州主城區、佛山新城同埋順德主城區三個城市嘅交匯處。以前叫做百滘（粵拼：baak3 gau3），解做「百河交錯、水網密集」。北滘鎮喺1959年建制，個鎮有92平方公里咁大，總共有19條村或者社區、10個居委會同10個村委會。北滘鎮係「全國特色小鎮」、「全國重點鎮」、「中國家電製造業重鎮」，並且榮獲「2019年中國百大鄉鎮第18名」。
行政區劃
[編輯]依家嘅北滘鎮總共有10個居委會同10個村委會，佢地分別係：
北滘社區、碧江社區、林頭社區、廣教社區、三洪奇社區、槎涌社區、碧桂園社區、順江社區、君兰社區、黃龍村、莘村、水口村、馬龍村、上僚村、西滘村、高村、桃村、西海村同三桂村。
交通
[編輯]廣珠西線（太澳高速）、佛山一環兩條主幹道都經過北滘。至於城際鐵路，廣珠輕軌都經過北滘，喺鎮入面有兩個站，分別係北滘站同碧江站。
地鐵方面，喺北滘鎮内有廣州地鐵7號綫同佛山地鐵3號綫兩條經過嘅綫路，並沿途設有多個地鐵站。
人口
[編輯]呢個鎮嘅常住人口總共有26萬人，戶籍人口就有12萬人。
名譽
[編輯]2019年，北滘攞到中國百強鄉鎮第18名。