Сочнік
| Сочнік | |
 Сочнікі (2019 год) | |
| Тып | пірожнае |
|---|---|
| Нацыянальная страва | расейская |
| Паходжаньне | Расея |
| Рэгіён | Усходняя Эўропа |
| Вырабнік | «Домачай» |
| Дата зьяўленьня | XVI стагодзьдзе |
| Асноўны складнік | тварог |
| Распаўсюджаныя складнікі | мука, сьмятана, масла |
| Падобныя стравы | сачэнь |
Сочнік — гутарковая назва пірагу, які складзены ўдвая ў выглядзе піражка (аладка) з тварожным начыньнем[1].
Падаюцца для чаяваньня.
Складнікі
[рэдагаваць | рэдагаваць крыніцу]Для пясочнага цеста пад сочнікі бяруць: 450 грамаў мукі, 200 грамаў сьмятаны, 150 грамаў цукру або ягоны заменьнік, 100 грамаў масла, 10 грамаў разрыхляльніка, яечны жаўток і палову гарбатнай лыжкі солі. Для начыньня выкарыстоўваюць 500 грамаў тварагу, 50 грамаў сьмятаны і ванільны цукар[2].
Прыгатаваньне
[рэдагаваць | рэдагаваць крыніцу]Спачатку муку зьмешваюць з сольлю і разрыхляльнікам. Халоднае масла расьціраюць з мукой у дробную крошку. У атрыманай сумесі робяць паглыбленьне, у якое дадаюць сьмятану, жаўток і цукар або ягоны заменьнік. З гэтага замешваюць мяккае цеста. Усе складнікі тварожнага начыньня зьмешваюць адразу. Затым стол пасыпаюць мукой і раскатваюць на ім цеста таўшчынёй 5—7 мм. У раскатаным цесьце выразаюць кругі велічынёй пад сочнік. Кругам надаюць авальны выгляд з дапамогай скалкі. На адну палову авалаў кладуць тварожнае начыньне з пакіданьнем 1 см да краю. Другую палову авалаў згортваюць паверх начыньня. Сочнікі змазваюць жаўтком і выпякаюць 30 хвілінаў пры +180 °C[2].
Крыніцы
[рэдагаваць | рэдагаваць крыніцу]- ^ Мікалай Крыўко. Сочнік // Тлумачальны слоўнік беларускай літаратурнай мовы / рэд. Міхаіл Суднік. — 3-е выд. — Менск: Беларуская энцыкляпэдыя імя Петруся Броўкі, 2002. — 784 с. — 3000 ас. — ISBN 985-11-0234-2
- ^ а б Алена Серада. Сочні з тварагом як у дзяцінстве // Партал «Слушна», 30 чэрвеня 2023 г. Праверана 15 ліпеня 2025 г.
Вонкавыя спасылкі
[рэдагаваць | рэдагаваць крыніцу]- Сачні з тварагом // УП «Барысаўскі камбінат хлебапрадуктаў», 2025 г. Праверана 15 ліпеня 2025 г.
| Гэта — накід артыкула. Вы можаце дапамагчы Вікіпэдыі, пашырыўшы яго. |